Skinfaxi - 01.11.1939, Qupperneq 5

SKINFAXI
85
SAMBAND ÍSLANDS
OG DANMERKUR.
ÓÖuin líður að þvi, að út sé runninn gildistími laganna um
samband íslands og Danmerkur frá 1918. Er þvi mál til kom-
ið, að þjóðin fari að hugsa það mál gaumgæfilega og átta sig
á þvi með sjálfri sér, hvort framlengja skuli sambandið enn
um stund, eða segja upp sáttmálanum við Dani og hefja nýja
og óháðari skipun fullveldis vors. Nauðsyn glöggrar rökræðu
og almennrar athugunar þessa máls er enn brýnni vegna þess,
að mjög mikla þátttöku í almennri atkvæðagreiðslu þarf til
þess, að lögleg breyting megi verða á sambandinu frá því, sem
nú er.
Ungmennafélögin, sem alltaf hafa fyrst og fremst verið
þjóðleg frelsishreyfing, hljóta að láta sig mjög miklu skipta
sambandsmálið. Það verður óhjákvæmilega umræðumál og
athugunar hjá félögunum í vetur og framvegis til 1943. Skin-
faxi vill hefja þessar umræður fyrir sitt leyti og hjálpa fé-
lagsmönnum til glöggvunar á málinu. Þess vegna sneri rit-
stjórinn sér til fimm þekktra áhugamanna um sambandsmálið,
utan og innan Umf., og bað þá um stuttorð svör við eftirfar-
andi spurningu: Hvaða afstö&u eiga Umf. að taka um sam-
band eða fullan skilnað tslands og Danmerkur við endurskoð-
un sambandslaganna frá líilS?
Menn þeir, sem ritstjórinn leitaði til, eru: Benedikt Sveins-
son fyrv. alþingismaður, hinn glæsilegi foringi i sjálfstæðis-
baráttunni síðustu árin fyrir 1918. Síra Eirikur J. Eiríksson
sambandsstjóri U. M. F. 1. Guðmundur Benediktsson lögfræð-
ingur, bæjargjaldkeri i Reykjavík, góður starfsmaður Umf.
Yelvakandi á tímabili og hefir skrifað margt og skörulega um
sambandsmálið. Jónas Jónsson frá Ilriflu alþingismaður,
sambandsstjóri U. M. F. í. þegar sáttmálinn var gerður við
Dani. Þórhallur Bjarnarson prentari, höfundur ungmennafé-
laganna og öndvegismaður fyrr og siðar. Skinfaxi þakkar
þessum mönnum, að þeir hafa góðfúslega orðið við tilmælun-
um. Fylgja greinar þeirra hér á cftir.
I.
Herra ritstjóri!
Þér hafið beint til mín þeirri spnrningu, liverja af-