Skinfaxi - 01.04.1954, Blaðsíða 48

48
SKINFAXI
Frá starfi Ungmennafélags Reykjavíkur
Á síðastliðnu hausti kom hingað til lands finnskur þjóð-
dansakennari á vegum U.M.F. Reykjavíkur og U.M.F.Í. Hafði
Stefán Runólfsson, þáverandi formaður U.M.F.R., forgöngu um
komu kennarans hingað. Þetta var stúlka, Siirkka Viitaen að
nafni, og útveguðu finnsku ungmennafélögin hana, enda starf-
ar liún nú á þeirra vegum.
Siirkka Viitaen dvaldist hér í tæpa þrjá mánuði og kenndi
i Reykjavik hjá U.M.F.R. unglingastúku, flokki Guðrúnar
Nilsen í Glímufél. Ármanni og Ungmennafélagi Óháða frí-
kirkjusafnaðarins. Auk þess kenndi hún í Hveragerði hjú
Umf. Ölfusinga og Kvennaskólanum á Hverabökkum. Þá
dvaldi hún um hríð á Laugarvatni og kenndi á vegum íþrótta-
skólans. Einnig fór liún austur að Eiðum og kenndi þar.
Félagar í U.M.F.R. eru mjög ánægðir með komu þessa
finnska þjóðdansakennara og telja hana mjög færa í sinni
grein. Er þjóðdansaflokkurinn, sem hún æfði, enn starfandi
innan félagsins. Félagið hefur og hug á að senda flokk til
Finnlands til þess að læra þar dansa.
Starf U.M.F.R. beinist nú mest að byggingu félagsheimilis
i Laugardalnum við Holtaveg. Standa vonir til, að 800 rúm-
metra skáli verði fullgerður á þessu ári, og er hann ætiaður
tii tómstundaiðkana. Happdrætti fyrir húsbyggingasjóðinn hef-
ur verið komið af stað, og er vinningurinn 25000 trjáplöntur.
Vill félagið þannig styðja að aukinni trjárækt, um leið og
það aflar sér fjár til byggingar félagsheimilisins.
íslenzk glíma er æfð af kappi i U.M.F.R. Má i þvi sambandi
nefna það, að félagið sá um flokkaglímuna á þessu vori og
átti þar 14 þátttakendur, en önnur félög til samans áttu 7.
Drengjadeild félagsins er mjög fjölmenn og æfir fimleika
og handknattleik af miklum dugnaði undir stjórn Raldurs
Kristjónssonar íþróttakennara, núverandi formanns U.M.F.R.
Útgefandi: Sambandsstjórn Ungmennafélags íslands.
Pósthólf 406. — Reykjavík.
Afgreiðsla: Edduhúsinu, Reykjavík, efstu hæð.
Ritstjóri: Stefán Júlíusson,
Brekkugötu 22, Hafnarfirði.
Félagsprentsmiðjan li.f.