Skinfaxi - 01.12.1968, Page 22

Kjartan Bergmann,
formaður Glímusambands íslands
Kjartan Bergmann
endupkiöpinn fopmaðup GLl
Ársþing Glímusambands íslands var
haldið að Hótel Sögu 20. okt. sl. og
sett af formanni sambandsins, Kjart-
ani Bergmann Guðjónssyni.
f upphafi fundarins minntist formað-
ur tveggja glímumanna, sem látist
höfðu frá síðasta Glímuþingi, þeirra:
Jóns Helgasonar, stórkaupmanns í
Kaupmannahöfn, og Jóhannesar Jós-
efssonar.
Formaður gaf skýrslu um starfsemi
sambandsins á sl. starfsári, en hún var
fjölþætt og ýmis mál í athugun til efl-
ingar glímuíþróttinni í landinu.
Ymis mál voru tekin til umræðu og
afgreiðslu, meðal annars var rætt um
glímu í sjónvarpinu og kom fram á-
hugi á aukinni samvinnu við sjónvarp-
ið eftir hina ágætu reynzlu, sem varð
af glímukeppni sjónvarpsins, en jafn-
framt var bent á, að hvergi mætti
slaka á kröfum um hæfni þeirra glímu-
manna, sem þar kæmu fram.
Eftirfarandi tillaga var samþykkt:
„Ársþing Glímusambands Islands,
haldið 20. október 1968, leggur á-
herzlu á, að farið sé í hvívetna eftir
reglum um búnað glímumanna á opin-
berum mótum, og beinir því til stjórn-
ar GLÍ, að viðurlögum verði beitt, sé
út af brugðið.“
I glímudómstól voru þessir menn
kjörnir: Sigurður Ingason, Ólafur B.
Óskarsson, Sigurður Sigurjónsson.
Stjórn Glímusambandsins var öll
endurkjörin og er hún þannig skipuð:
Kjartan Bergmann Guðjónsson,
feykjavík, formaður.
Sigurður Erlendsson,
Vatnsleysu, varaformaður.
Sigtryggur Sigurðsson,
Reykjavík, gjaldkeri.
Ólafur H. Óskarsson,
Reykjavík, fundarritari.
Sigurður Sigurjónsson,
Reykjavík, bréfritari.
22
SKINFAXI