Skinfaxi - 01.06.1980, Blaðsíða 7

SÍS styður körfuboltann
Samband ísl. samvinnufélaga h'efir allt frá
fyrstu tíð látið sig umhugað um öflugt íþróttalíf
i landinu og veitt til þessarar starfsemi allveru-
lega fjármuni.
Um nokkurt skeið hafa forystumenn sam-
vinnuhreyfingarinnar velt því fyrir sér hvort ein
öflug styrkveiting i stað dreifðra smærri fjár-
veitinga myndi ekki nýtast betur og verða
iþróttahreyfingunni til heilla. Við frekari athug-
un virtist þetta nýmæli geta horft til bóta.
Því var ákveðið fyrir alllöngu að reyna þessa
nýbreytni fyrir árið 1980 og var Körfuknatt-
leikssamband íslands fyrir valinu. Ástæða þess
var sú að landsliðsnefnd Körfuknattleikssam-
bandsins hafði þá nýverið farið fram á fjár-
stuðning til starfsemi þessarar íþróttagreinar og
þar sem það hafði sjaldan áður hlotið styrk var
það talið vel að þessari fyrstu útnefningu
komið.
Ef þessi nýja aðferð sannar ágæti sitt er
áformað að endurnýja styrkveitinguna að ári til
annarrar íþróttagreinar, eða þeirrar sömu, eftir
atvikum, en styrkveitingin í ár nemur 5,5 millj-
ónum króna.
Við þessa styrkveitingu áskilur Sambandið
sér heimild til að virkja starfsemi íþróttagrein-
arinnar til upplýsinga um samvinnuhreyfinguna
í landinu t.d. með því að merkja búninga lands-
liðsins með samvinnumerkinu og öðru því sem
gagnkvæmt samkomulag næst um við forráða-
menn Körfuknattleikssambandsins.
Sambandið væntir þess að þessi fjárstuðning-
ur örvi áhuga æsku landsms á heilbrigðum
íþróttum og verði öllum v' omandi til velfarn-
aðar.
Fréttatilkynning frá
Sambandi ísl. samvinnufélaga.
SKINFAXI
7