Skinfaxi - 01.10.1985, Blaðsíða 18

A karateœfingu
Guömundui Gíslason
Hér á öðrum stað í blaðinu er grein um karate þjálfun. Þess vegna
fannst Skinfaxa tilvalið að bregða sér á æfingu hjá Karatedeild Gerplu
og spjalla við nokkra krakka sem nýbyrjuð eru að stunda karate. Er
Skinfaxi mætti á æfinguna hafa verið um 40—50 krakkar mættir til
að æfa karate, þetta sýnir að þessi íþrótt er í örum vexti hér á landi og
virðist njóta mikilla vinsælda hjá krökkum og unglingum. En hér á eft-
ir fara stutt viðtöl við þrjá krakka er voru á æfingunni.
Sighvatur Ómar Kristinsson 8 ára
Ertu búinn að vera lengi í
karate?
Nei ég er bara byrjandi, ég held
að ég sé búinn að vera tvo mán-
uði.
Og er mjög gaman?
Já.
En hefurðu ekki verið i neinum
öðrum íþróttum?
Jú, ég hef verið í fótbolta hjá
Val.
Áttu ekki heima í Kópavogi?
Nei ég á heima í Breiðholtinu.
En afhverju fórstu í Val en ekki
Leikni eða ÍR?
Af því ég held með Val.
Hvers vegna fórsu í karate?
Nú af því ég vildi vera svoldið
sterkur af því að ég er svo aumur.
Hvað borðarðu ekki hafra-
graut og tekur lýsi?
Jú jú, alla morgna.
Finnst þér þú vera sterkari eftir
að þú byrjaðir að æfa karate?
Já, svoldið.
Túskastu stundum við hina
strákana í skólanum?
Já, stundum, en ég nota ekki
karate því það er bannað, og
stundum hef ég þá.
Heldurðu með Val bæði í fót-
bolta og handbolta?
Ég held með þeim í öllu og svo
er Manchester United uppáhalds-
liðið mitt í ensku knattspyrnunni,
en ég fylgist ekki mjög mikið með
henni.
Ætlarðu að halda áfram í
karate?
Já já.
Finnur Þór Guðjónsson 13 ára
Hvenær byrjaðir þú að æfa
karate?
Það var í janúar s.l.
Og af hverju fórstu í karate?
Bara mig langaði til þess.
Og er meira gaman en þú átti
von á?
Já, það voru allir búnir að
segja mér að þetta væri ferlegt
púl. Maður þyrfti að taka 60
armbeygjur ef maður mætti of
seint.
Er það?
Nei það er ekki svoleiðis, bara
smá refsingar stundum.
Er ekki strangur agi í karate?
Jú, það má ekki tala saman á
æfingum, en ef maður gerir það
þá er maður látinn gera 5 eða 10
armbeygjur.
Ertu farinn að keppa?
Nei ég er ekki svo góður. Ég næ
kannski gula beltinu fyrir jól.
Maður byrjar með ekki neitt og
svo tekur maður gula beltið og
svo kemur appelsínugult, grænt,
blátt o.s.frv.
Það er þá langt í svarta?
Já, það eru örugglega mörg ár.
Æfirðu líka handbolta?
Já, ég ætla að æfa með Breiða-
blik í vetur.
Fylgistu með ensku knatt-
spyrnunni?
Já, og ég held með Liverpool
eða Southampton.
Æfirðu oft í viku?
Við æfum þrisvar sinnum í
viku.
Er dýrara að vera í karate en
fótbolta?
Nei ekki finnst mér það, maður
þarf svona galla en enga skó.
18
SKINFAXI