Skinfaxi - 01.10.1985, Blaðsíða 29

Bœjakeppni
Þann 14. ágúst ’85 fór fram
„bæjakeppni" í frjálsum íþrótt-
um í flokki 14 ára og yngri milli
Umf Selfoss og Umf Snæfells i
Stykkishólmi. Snæfellsfélagar
alls 54 að tölu lögðu land undir
fót snemma morguns undir
öruggri farastjórn íþróttakennar-
ana, Maju, Óla Sig. og Sigurþóri
ásamt nokkrum foreldrum. Sólin
skein svo allir voru að stikna í rút-
unni, en er komið var upp á Hell-
isheiði var skyndilega orðið al-
skýjað og reyndist svo einnig á
Selfossi. Við létum þetta ekki á
okkur fá enda öllu vön af veður-
guðunum. Góðar móttökur feng-
um við á Selfossi. Boðin aðstaða
til gistingar í hinu nýja húsi
Skarphéðins „Selinu" sem þau
sögðu að vísu væri ekki reiknað
með að hýsa svo stóra hópa, en
þröngt mega sáttir sitja og salur-
inn varð ein flatsæng.
Níels Jónsson Umí. Snœíelli. En
hann setti héraösmet í 800 m.
hlaupi 10 ára og yngri. Ljósm.
Diörik Haraldsson.
íþróttakeppnin hófst og spenn-
an var í algleymingi ýmist var það
Snæfell eða Selfoss sem leiddi í
stigakeppninni, jafnari hefði
keppnin varla getað verið, allir
lögðu sig fram og héraðsmet sett,
fólk var komið á góðan völl í
hörkukeppni, sumir aðeins feng-
ið að keppa á einu móti fyrr um
sumarið svo nauðsynlegt var að
bæta sinn árangur. Þegar síðasta
grein hófst voru stig jöfn svo mik-
ið valt á því fólki sem nú fór til
keppni í 800 m hlaupi pilta,
spennan í algjöru hámarki. Þegar
hlaupinu lauk hafði Selfoss 4
stiga forystu einhver varð að
vinna og ánægjulegri keppni var
lokið.
A meðan á keppni stóð veittum
við því athygli að farið var að
rjúka við húsvegginn á Selinu, að
vitum barst ilmur sem örvaði vatn
í munni, sem sagt félagar í Umf
Selfoss voru að grilla pylsur, og
buðu þeir öllum mótsgestum til
grillveislu að loknu móti. Við
nutum ósvikinnar gestrisni Sel-
fyssinga með því viðmóti sem þeir
sýndu. Verðlaunaafhending fór
fram, fyrstu 3 í grein fengu skjöl,
félagið sem sigraði bikar sem gef-
inn var af frjálsíþróttadeild Sel-
foss. Áform eru um að slík, mót
verði árlegur viðburður og von-
andi tekst það.
Fyrirhugað var hjá fararstjór-
um að hafa kvöldvöku og heppi-
legast reyndist að fram færi
spurningakeppni eftir að allir
væru komnir í poka og skipt væri
í lið eftir röðum á gólfinu, reynd-
Atli Sigurþórsson Umí. Snœfelli.
Hann setti héraösmet í hástökki
10 ára og yngri og stökk 1,25 m.
Ljósm. Diörik Haraldsson.
ist þetta vel, þurfti að búa til auka
spurningar vegna áhuga þátt-
takenda. Að morgni var farið í
sundlaugina á Selfossi, enginn
slapp við að prófa rennibrautina,
hvort sem hann var lítill eða lang-
ur, ungur eða eldri. Á leið heim
var Tívolí í Hveragerði heimsótt
við mikinn fögnuð og gefinn góð-
ur tími til að reyna tæki og leikni
fólks.
Fyrir Snæfellsfélaga var ferðin
skemmtileg og góður endir á sum-
arstarfinu, og heim komu þreyttir
en glaðir íþróttakappar eftir vel
heppnaða ferð.
Magndís Alexandersdóttir
SKINFAXI
29