Skinfaxi - 01.08.1989, Blaðsíða 5
Molar
Félagar í Fjölni í Grafarvogi hrópa heróp á eina hverfisvellinum semfrekar
mœtti kalla leikvöll. Þarna er aðeins mættur tœpur helmingur félaganna
ásamt nokkrum þjálfurum.
Fjölnir á hundraö
Fjölnismenn í Grafarvogi eru komnir á hámarkshraða með starfsemi sína. Þó
aðstaða til íþróttaiðkana sé svo til engin í Grafarvogi eru iðkendur orðnir á
fjórða hundrað með 10 til 15 þjálfara, 20 til 30 manns í stjórnunarstörfum og 60
til 80 manns í virku foreldrastarfi. Hógværar spár þeirra gera ráð fyrir að næsta
vetur, á öðru starfsári verði félagatala farin að nálgast 1500 manns en í dag eru
skráðir félagar um 800. Þeir gera ráð fyrir að um næstu áramót verði iðkendur
orðnir um 400.
Þegareru starfandi tværdeildir, knattspyrnudeild og frjálsíþróttadeild og síðan
er væntanleg handknattleiksdeild. Æfingar hafa farið fram víðsvegar um
Reykjavík og Kópavog í vetur og sutnar; Gerfigrasvöllurinn í Laugardal,
Gullsport, íþróttahús Verslunarskólans, íþróttahús Gerplu í Kópavogi,
Ármannsvöllurinn. Listinn er lengri. En nú hyllir undir breytingu á þessu.
Fjölnir hefur í hyggju að leigja stóran sal í Höfðahverfi, gegnt Grafarvogi af JL
fyrirtækinu. LFm er að ræða stóran sal sem hægt verður að skipta í tvennt og
leigja jafnvel út á vissum tímum dags. Hér er um stórt kostnaðardæmi að ræða
en Fjölnismenn eru bjartsýnir á að það gangi upp. Á meðan ekki er kontið
íþróttahús og völlur í mörg þúsund manna hverfi verður að reyna að bjarga sér
með einhverjum hætti.
Ódýrari vindmælar
Heyrst hefur að uppfinningamenn á
Akureyri séu að hanna nýja gerð af
vindmæli sem nýst gæti í
frjálsíþróttum. Met í frjálsíþrótta-
greinumeinsog 100og200mhlaupum
og langstökki fást ekki viðurkennd
nema að vindmælir sé á staðnum. Svo
bregður hins vegar við að þessir
vindmælar eru rándýrir, skattlagðir í
topp og kosta yfir 100 þúsund krónur.
Hinir nýju vindmælar gætu
hugsanlega kostað á bilinu 40 til 50
þúsund krónur og það er allt önnur
Ella. Uppfinningamennirnirstörfuðu
áður hjá DNG tölvufyrirtækinu á
Akureyri og hafa verið að kanna
mögulega smíði vindmælitækis fyrir
Flugmálastjórn. Eftir að hafa skoðað
hefðbundinn vindmæli fyrir
frjálsíþróttir segja þeir að hægt sé að
fara allt aðrar og einfaldari leiðir við
smíði svona tækis. Við skulum vona
að það takist vel og heyrum kannski
nánar af þessu máli síðar í Skinfaxa...
Skíöaþjálfari óskast
á Ólafsfjörö
Ólafsfirðinga vantar skíðaþjálfara.
Áhugasamir snúi sér til Björns Þórs
Ólafssonar á Ólafsfirði. Ólafur
Haraldsson sem þjálfað hefur
Ólafsfirðinga með góðum árangri
undanfarin ár og gegnt stöðu íþrótta-
og æskulýðsfulltrúa er að flytjast til
Akureyrar. Nú eru 5 ntanns frá UÍÓ í
íslenska skíðalandsliðinu og þeir eru
farniraðæfafyrirveturinnogermikill
hugur í þeim.
Öflugt starf í
Hverageröi
Ungmennafélag Hveragerðis og
Ölfuss er eitt af þeim félögum þar sem
ötullega er starfað. Dæmi um það er
að finna í Skarphéðni, fréttabréfi HSK.
Fyrst er nefnt í pistlinum að stjórnin
sem samanstóð af fimm manns,
eignaðist samtals fjögur börn á
kjörtímabilinu. Á aðalfundi félagsins
sem haldinn var unt miðjan febrúar
varð að fresta afgreiðslu reikninga,
því að það hittist svo á að gjaldkerinn
hafði þá nýverið eignast tvíbura.
Fyrir rúrnu ári voru samþykkt ný lög
fyrir félagið, þar sem gerðar voru
umtalsverðar skipulagsbreytingar á
félaginu. Félaginu vart.d. deildaskipt
formlega og hafa deildirnar starfað af
krafti, þ.á.rn. badmintondeild,
blakdeild var endurvakin (kvennalið
frá UFHÖ tók þátt í HSK móti kvenna
í blaki), ung en öflug fimleikadeild er
starfandi og í handknattleiksdeildinni
eru 7. og 8. flokkur, slíkur er áhuginn.
Sunddeild er að sjálfsögðu starfandi
og knattspymudeild en H vergerðingar
unnu sig upp í 3. deild í fyrra og tóku
um leið í notkun nýjan
knattspyrnuvöll.
Þá hafa allir félagar í Briddsfélagi
Hveragerðis og Ölfuss sótt um
inngöngu í ungmennafélagið, fengið
jáyrði og því er ný briddsdeild í
burðarliðnum.
Á aðalfundinum var einnig kosinn
áhugamannahópur um skógrækt í
Álfaborgum...
Skinfaxi
5