Skinfaxi - 01.08.1989, Blaðsíða 6

+
Minning
Þóroddur Jóhannsson
f. 3. júlí 1932 d. 2.júlí 1989
Kveðja frá UMFÍ.
„Það eru slæm tíðindi,
Þóroddur er látinn”. Þetta var
það fyrsta sem við mig var sagt
þegar ég hringdi sunnan úr
löndum í Þjónustumiðstöð
UMFÍ í byrjun þessarar viku.
Degi fyrir andlátið hafði
Þóroddur hress að vanda heim-
sótt starfslið UMFI, þangað sem
leið hans hafði svo oft legið.
I hugann koma ótal þættir
úr áratuga samstarfí og vináttu.
Við hittumst fyrst fyrir 29 árum
á Iþróttavellinum á Akureyri,
þar var Þóroddur bæði keppandi
og stjórnandi íþróttaliðs UMSE.
Við hittumst oft næstu ár við
svipaðar aðstæður en þótt við
ræddum oft saman og störf-
uðum saman í ýmsum nefndum
hófust veruleg kynni ekki að
marki fyrr en fyrir tíu árum
þegar ég tók við formennstu hj á
UMFÍ. Þóroddur hafði þá verið
6 ár í stjórn UMFI og það var
mikill styrkur að hafa svo
reyndan og framsýnan mann
að samstarfsmanni. I átta ár
störfuðum við saman í stjórn og
síðustu árin var Þóroddur
varaformaður UMFI. Reyndar
hafði hann ætlað að hætta
stjórnarstörfum fyrr, en fyrir
þrábeiðni mína gaf hann kost á
sér þar til fyrir tveimur árum.
Öll störf innan ungmenna1
félagshreyfingarinnar vann
Þóroddur af trúmennsku og
hugsjónaeldi. Hann var sér-
fræðingur um framkvæmd
Landsmóta UMFI og sat í
mörgun landsmótsnefndum,
vann að reglugerðum Lands-
móta og var framkvæmdastjóri
Landsmótsins á Akureyri 1981.
Þóroddur hóf snemma að
keppa bæði í hlaupum og
köstum og var góður íþrótta-
maður. Hann lét aldurinn ekki
aftra sér frá keppni og hafa fáir
átt jafn langan keppnisferil og
hann. Hann keppti á fleiri
landsmótum UMFI en nokkur
annar, fyrst 1955 og öllum
Landsmótum eftir það og síðast
á Húsavík 1987.
Fyrir utan störf sín hjá
UMFI vann hann mikið fyrir
sitt félag Ungmennafélag
Möðruvallarsóknar og í áratugi
vann hann fyrir UMSE.
Þóroddur var fyrsti fram-
kvæmdastjóri UMSE og
reyndar sá fyrsti hér á landi
sem sinnti slíku starfi.
Þóroddur var áhugamaður um
bindindismál og lagði þeirri
baráttu mikið lið. Hannvarum
árabil í varastjórn KEA, for-
maður Akureyrardeildar KEA,
kom oft fram að hann var
einlægur samvinnumaður.
Það koma nú upp í hugann
fjölmargar ferðir,sem við fórum
samanáhinaýmsufundi. Betri
ferðafélaga var vart hægt að
hugsa sér, skemmtilegar og
líflegar frásagnir af umhverfi
og atburðum settu svip á
ferðirnar. Margsinnis gisti ég
hjá þeim ágætu hjónum Mar-
gréti Magnúsdóttur og Þóroddi
þar var alltaf jafn gott að koma,
alltaf komið að veisluborði og
þekki ég fáa sem jafn hlýlega og
raunsnarlega tóku á móti ges-
tum. Það koma upp í hugann
margir af þeim fjölmörgu
stjórnarfundum, sem við sátum
saman á átta ára tímabili. Mörg
mál kostuðu mikla umræðu þá
kom sér vel þekking og reynsla
Þóroddar. Að leiðarlokum vil
ég þakka fyrir hönd Ungmen-
nafélagshreyfingarinnar þau
miklu störf sem Þóroddur vann
í þágu hreyfingarinnar, þann
drengskap og heiðarleika sem
einkenndi öll hans störf, Ung-
mennafélagshreyfingin hefur
misst einn af sínum traustustu
máttarsólpum. Eg sendi Mar-
gréti, börnum og barnabörnum
mínar einlægu samúðarkveðjur
og vona að Guð megi styrkja
þau í þeirra miklu sorg.
Pálmi Gíslason
6
Skinfaxi