Skinfaxi - 01.08.1991, Blaðsíða 6
L E I Ð A R I
Leiðari
Haustið minnir á sig, fyrstu vindar og regn sumarsins
lemja glugga og laufskrúðug tré. Það fer ekki hjá því að
hugurinn reiki til sumarsins, sent nú er að líða og verið
hefur sérlega notalegt og gjöfult.
Hér í Borgarfirði hefur sumarið verið umhverfisvænt og
er svo trúlega um allt land. Gróður hefur dafnað vel og
á sumum trjám er jafnvel hægt að mæla yfir eins meters
langa vaxtarsprota. Ungmennafélagar um allt land hafa
ekki látið sitt eftir liggja í umhverfismálum á þessu
sumri. Mjög almenn þátttaka félaga um allt land í um-
hverfisverkefni okkar „Fósturbörnunum” sýnir hvert afl
býr í þessari hreyfmgu þegar við tökum höndum saman.
Það er von mín að við önnumst „Fósturbarn “ okkar þau
þrjú ár sem við höfum ákveðið að verkefnið standi yfir
og lengur, gerist þess þörf. En verði „Fósturbarnið”
vaxið úr grasi skulunt við einfaldlega strengja þess heit
að taka nýtt í fóstur, því þörfin er ávallt fyrir hendi.
Kjörorð ungmennafélagshreyfingarinnar „Ræktun lýðs
og lands” hefur átt vel við nú í sumar. Eg hef hér að
framan minnst á þátt okkar í ræktun landsins, en mun nú
snúa mér að hinum hluta kjörorðs okkar, þ.e. ræktun
lýðs.
Æskulýðsstarf hefur verið ríkur þáttur í starfseminni frá
upphafi og er svo enn. Að sumrinu snýst æskulýðsstarf-
ið að verulegu leyti um íþróttir og er það vel. Eg gat því
miður ekki farið og fylgst með bikarkeppni FRI í sumar,
en átti þess kost að sjá hluta keppninnar í sjónvarpi og
mér fannst ánægjulegt að sjá hve margt ungt og efnilegt
íþróttafólk kemur frá mörgum samböndum innan okkar
vébanda. Víst er að gífurleg vinna liggur þar að baki,
svo og mikið fjármagn, en ég þori að fullyrða að ekki er
til arðbærari fjárfesting en sú að fjárfesta í æsku þessa
lands. Með því að vinna að
uppbyggingu íþrótta og ann-
arrar heilbrigðrar æskulýðs-
starfsemi er víst að við get-
um virkjað æsku landsins og
haldið henni frá freistingu
spillingarinnar, svo sem
ýmiskonar vímugjöfum sem
því miður hafa leitt of
marga þegna þessa lands á
villigötur í lífinu.
Ég get ekki látið hjá líða að
geta þess fyrst ég minntist hér að fram á bikarkeppni
FRI að ég saknaði óneitanlega þátttöku nokkurra sam-
banda í keppninni og er það von mín að þar séu fyrir
hendi aðrar og betri ástæður en þær að unglingastarfinu
hafi ekki verið sinnt sem skyldi á síðustu árum. Það er
nú svo með báða þessa málaflokka að það má aldrei
slaka á, því þá sígur fljótt á ógæfuhliðina.
Hvert ungmennafélag hefur sín sérkenni og áherslu-
punktar eru ekki ávallt þeir sömu, en frá upphafi hafa
ungmennafélögin sinnt miklu menningarstarfi, a.m.k. í
hinum dreifðu byggðunt landsins og gera það enn þann
dag í dag. Þegar hausta tekur fara mörg félög að undir-
búa leiklistarstarf vetrarins. Eins og undangengna vetur
eigum við eftir að verða vör við að víða um land verða
sett upp leikverk stór og smá, sem lyfta okkur upp úr
drunga skammdegisins hvort sem við erum þátttakendur
eða neytendur.
Ég vil að lokum hvetja þig lesandi góður til þess að
benda stjórnendum í þínu sveitarfélagi á hvers virði gott
ungmennafélag er fyrir samfélagið, í þeirri von að sveit-
arstjórnir hver á sínu svæði meti það að verðleikum og
leggi fram fjármagn í samræmi við það starf sem unnið
er.
Islandi allt
Þórir Jónsson, Reykholti
í minningu Sigurðar Greipssonar
Nokkrir nemendur og velunnarar íþróttaskóla Sigurðar
Greipssonar í Haukadal hafa nú undirbúið að koma fyrir á-
ritaðri málmplötu á bautastein Sigurðar skólastjóra sem
staðsettur er í Haukadal.
Þá er í undirbúningi að setja upp mynd af glímumönnum
(glímubragði) í anddyri hótelsins við Geysi, ásamt áritun
þar sem fram kemur að þau hjónin Sigurður og Sigrún
Bjarnadóttir hafi starfrækt íþróttaskóla í 43 ár, en hann sótlu
alls 823 piltar.
I undirbúningsnefnd verkefnisins eiga sæti Hafsteinn Þor-
valdsson, Selfossi, Stefán Jasonarson, Vorsabæ og Þor-
steinn Einarsson, Reykjavík.
í frétt frá undirbúningsnefndinni segir að reynt verði að ná
til allra nemenda skólans og þeint sendur gíróseðill, ásamt
bréfi um fyrirhugað verkefni í Haukadal.
I Búnaðarbanka Islands á Selfossi hefur verið opnaður
reikningur nr. 1010 ( Minningarsjóður Sigurðar Greipsson-
ar) svo að þeir sem óska eftir að gerast þátttakendur geti
sent þangað fjárframlög, en miðað er við eitt þúsund krón-
ur.
Listi yfir þátttakendur í þessum verkefnum verður festur á
bakhlið myndarinnar í hótelinu við Geysi.
Nefndarmenn vonast til þess að velunnarar skólans votti
Sigurði og íþróttaskóla hans virðingu sína með því að
leggja fram fjármagn til þess að minningin um skólann lifi.
6
Skinfaxi