Skinfaxi - 01.12.1996, Blaðsíða 26

Svein Jónsson þekkja flestir
Norðlendingar en hann hefur
starfað fyrir ungmenna-
félagshreyfinguna í rúm fimmtíu
ár. I dag segist hann nú gera
lítið annað en að fylgjast með
barnabörnunum keppa en á
sínum tíma var hann meðal
annars í landsliði Islands í
frjálsum íþróttum. En hver voru
fyrstu kynni Sveins af ungmenna-
hreyfingunni?
Ég byrjaði í Ungmennafélaginu Reyni
svona um fermingu og það eru því liðin
rúm fimmtíu ár síðan. Þá var nú ekki
um jafnmikið að velja og í dag og frjálsar
íþróttir í hávegum hafnar. Ungmenna-
sambandið byrjaði á því að ráða færa
þjálfara sem fóru á milli félaga og
þjálfuðu knattspyrnu og frjálsar á sumrin
en svo skíði á veturna. Það var reynt að
fá sem flesta til að vera með og það gekk
mjög vel þar sem fólk hafði ekki úr svo
miklu að velja til að stytta sér stundir. í
dag er svo margt sem glepur og því
erfiðara að vekja áhuga krakka og
unglinga.
Hvernig voru aðstæður til íþrótta-
iðkunar þegar þú varst að byrja?
Það var auðvitað allt annað og ekki
sömu fjármunir í íþróttum og þekkist í
dag. I þá daga var verið að leita að
sléttum svæðum til að keppa á en í dag
er kvartað yfir því ef ekki er um
fullkomnustu keppnisvelli að ræða. Það
er ekki hægt að ætlast til þess í svo litlu
þjóðfélagi að alls staðar sé aðstaðan hin
fullkomnasta. Það má hins vegar koma
fram ungmenna- og bæjarfélögum til
hróss að miklum fjármunum hefur verið
varið til að laga aðstöðuna um land allt.
En hvernig þróast svo starfið hjá þér
fram að deginum í dag?
Mér finnst ég nú hafa gert lítið gagn
síðustu árin þrátt fyrir að ég hafi fylgst
með krökkunum. Ég hef líka átt því láni
að fagna að fjölskyldumeðlimir hafa
verið þátttakendur í íþróttum, fyrst
strákarnir mínir og svo barnabörnin.
Það blundar í manni að fá að fylgjast
með og sjá til annarra en það er orðið
lítið um að ég geri eitthvað sjálfur - það
er kannski helst að ég bregði mér á skíði.
Hvernig er íþróttaferill þinn í stuttu
Það er nauðsyn/egt að
ungmennafélögin haldi
vöku sinni vegna þess að
starf hreyfingarinnar er
svo miklu fjölbreyttara en
að snúast bara um
afreksmenn í íþróttum
máli?
Ég hæli mér nú ekki mikið af honum
þótt ég hafi nú einu sinni komist í
landsliðið í frjálsum. Til þess að ná
árangri þarf að sinna íþróttunum og æfa
vel en mér fannst svo mörg verkefni
spennandi að íþróttirnar fengu aldrei
þann sess sem þær þurftu til að ná
árangri á mótum og landsmælikvarða.
Hvernig finnst þér staðið að málum
hérna hjá UMSE og almennt hjá
hreyfingunni í dag?
Það er auðvitað alltaf hægt að gera betur
en við höfum afbragðsfólk sem hefur
starfað í ungmennafélögum og hefur
verið í forsvari. Ég gæti talið upp langan
lista af fólki sem hefur lagt á sig mikla
vinnu til að halda þessu starfi gangandi.
Við verðum að gera okkur grein fyrir því
að það er allt annar vettvangur fyrir
þetta fólk í dag en var fyrir nokkrum
áratugum og vinnan orðin miklu meiri.
Að lokum, Sveinn, hvernig sérð þú
framtíð hreyfingarinnar?
Það er mikil nauðsyn að ungmenna-
félögin haldi vöku sinni vegna þess að
starf hreyfingarinnar er svo miklu
fjölbreyttara en að snúast bara um
afreksmenn í íþróttum. Það verður
erfiðara og erfiðara í framtíðinni að fá
fólkið til starfa þar sem í dag er úr svo
miklu að velja en ef ungmennafélagið
heldur áfram að koma með svo öflug
verkefni eins og þau hafa gert t.d. í
umhverfismálum þá á fólk eftir að
hópast í kringum hreyfinguna. I
framtíðinni höfum við mörg verkefni og
ber þar hæst forvarnir gegn fíkniefnum
sem nú eru að skemma margan
unglinginn.*
26
Skinfaxi
UMFÍ
HKB