Skinfaxi - 01.04.2003, Qupperneq 48

Unglingalandsmót UMFÍ 2003 á ísafirði
Þann 28. apríl 2001 sameinuðust fjórir sparisjóðir í einn,
Sparisjóð Vestfirðinga sem þannig á sér rætur í langri og
farsælli sögu sparisjóða á Vestfjörðum. Elsti sparisjóður-
inn var Sparisjóður Þingeyrarhrepps sem stofnaður var
árið 1896. Sparisjóður Vestfirðinga er bakhjarl í héraði,
styður dyggilega við bakið á íþróttahreyfingunni og
menningarstarfsemi hvers konar, m.a. sem bakhjarl
Héraðssambands Vestfirðinga og þannig unglingalands-
mótsins á ísafirði í sumar. Eiríkur Finnur Greipsson er
aðstoðarsparisjóðsstjóri Sparisjóðs Vestfirðinga og
skiptir sér fimlega á milli útibúanna á Flateyri og Isafirði
með viðtalstíma og stjórnunaraðstöðu.
JJ
jdíujvj é\\í\m ;\!JUd;\
'fj !YiUJ;\U‘T JVJUU jVJUTJj\JUjj
Það liggur beint við að spyrja í upphafí;
hvers vegna svona stór sameining? „Starf-
semi útibúa bankanna og sparisjóðanna
hefur breyst mikið í tímanna rás. Við hjá
sparisjóðunum verðum að taka þátt í sam-
keppninni ætlum við okkur á annað borð
að reka slíkar stofnanir. Framtíð sparisjóða-
starfseminnar og vestfirskrar byggðar ætti
að standa betur með því að sameina þann
kraft sem í þessum fjórum sparisjóðum býr.
Reyndar eru þetta fleiri en fjórir sparisjóðir
því áður hafði Sparisjóður Mýrhreppinga
sameinast Sparisjóði Þingeyrarhrepps,
þannig að á skemmri tíma en 20 árum hafa
níu sparisjóðir á Vestfjarðakjálkanum sam-
einast í einn sparisjóð, Sparisjóð Vest-
firðinga og til viðbótar þeim sparisjóðum í
Barðastrandarsýslu sem ég taldi hér upp
áðan var til Sparisjóður í Flatey á Breiða-
firði, sem síðar fór til Stykkishólms."
UNGLINGA
LANDSMÓT
UMFÍ
Sparisjóður Vestfirðinga nær yfir víð-
feðmt landssvæði? „Já, það má nú heldur
betur taka undir. Við erum með afgreiðslur
á átta stöðum á Vestfjörðum. Þeir eru
Króksfjarðarnes, Patreksfjörður, Tálkna-
fjörður, Bíldudalur, Þingeyri, Flateyri,
Súðavík og ísafjörður.“
Hvers vegna svona margar afgreiðslur?
„Sparisjóður Vestfirðinga er sameinaður úr
mörgum smærri sparisjóðum sem staðsettir
voru á þessum stöðum. Við lítum á það sem
okkar mikilvæga þjónustuhlutverk að sinna
þeim stöðum sem ég nefndi áðan. Þá er
gaman að geta þess að nýlega opnaði
Sparisjóður Vestfirðinga afgreiðslu á Hlíf,
þar sem eru þjónustuíbúðir aldraðra á ísa-
firði. Með því komum við til móts við
þennan aldurshóp og gerum þeim auðveld-
ara að nýta sér þjónustu sparisjóðsins."
Sparisjóðurinn sér líka um póstaf-
greiðslu á mörgum þessara staða, ekki
satt? „Jú, það er rétt. Er það í samræmi
við samning sem Islandspóstur og Spari-
sjóður Vestfirðinga gerðu með sér um
yfirtöku sparisjóðsins á póstafgreiðslu á
stöðum þar sem hann hefur útibú og er
þjónustan nánast sú sama og Islandspóstur
hefur boðið upp á.“
Sparisjóður Vestfirðinga styður við
íþróttalífið á Vestfjörðum ekki rétt?
„Stjómendur Sparisjóðsins telja mikilvægt
að styðja við uppbyggilegt starf í því sam-
félagi sem stofnunin starfar í. Þannig aug-
lýsum við okkar starfsemi með jákvæðum
hætti, styðjum við mikilvæga starfsemi sem
er nauðsynleg og aukum okkar viðskipti.
Sem bakhjarl Héraðssambands Vestfirð-
inga styðjum við unglingalandsmótið á Isa-
firði um verslunarmannahelgina og ætlum
að sjá til þess að allir keppendur fái hand-
klæði sem vonandi kemur sér vel þegar þeir
skola af sér svitann eftir erfiði dagsins.“
Er Eiríkur Finnur sjálfur fyrrum frjáls-
íþróttagarpur? „Nei, ekki garpur, líklega
var ég eitthvað undir meðaltali. Það var
meira um fótboltaspark á Flateyri á mínum
uppvaxtarárum.“
Ætlar sparissjóðstjórinn að fylgjast með
landsmótinu í sumar? „Já við hjónin
höfum mikinn áhuga á að fylgjast með
mótinu enda verður þetta mikil fjölskyldu-
hátíð skilst mér. Við eigum 15 ára gamlan
son sem hefur óbilandi áhuga á knattspymu
og ég mun hvetja hann t.d. til að skrá sig í
fótboltann sem ég fengið upplýsingar um
að einstaklingar geti skrá sig í án þess að
vera hluti af stærra liði. Það er stórsniðugt
fyrirkomulag fyrir þá sem koma t.d. frá
smærri stöðum en vilja keppa í fótbolta.“