Skinfaxi - 01.05.2006, Blaðsíða 13

Haraldur Bóasson, verkefnisstjóri verklegra framkvæmda:
Verður gríðarlega flott íþróttasvæði
Haraldur Bóasson er verkefnisstjóri verklegra
framkvæmda hjá Þingeyjarsveit. Hann situr
ennfremur í unglingalandsmótsnefndinni og
hefur umsjón með því sem er verið að gera
fyrir Unglingalandsmótið á Laugum afhálfu
sveitarfélagsins. Íþví sambandi má nefna
byggingu vallarhússins, völlinn sjálfan með
samskiptum við verktaka, hönnuðina og
innflutningsaðila sem efni tengd
framkvæmdum eru keyptar af. Það má
þvísegja að Haraldur haldi utan um alla
þræði sem tengjast framkvæmdum á svæðinu
áLaugum.
Skinfaxi hitti Harald á svæðinu við Laugar á dögunum.
Hann hafði greinilega í mörg horn að líta en gaf sér þó tíma
til að ræða málin og fyrsta spurningin var hvernig fram-
kvæmdir hefðu gengið.
„Þær hafa gengið alveg ágætlega. Við lentum þó í því
að fá vont hret en við byrjuðum um leið og snjóa leysti í
vor. Það var lítið byrjað að gera í fyrrahaust en veturinn var
nýttur vel til undirbúnings og um leið og snjóa leysti vor-
um við tilbúin að taka til hendinni undir lok apríl. Það hefur
verið unnið sleitulaust síðan en þó hafa dottið út dagar
vegna veðurs,"sagði Haraldur.
- Það hlýtur að vera mikil áskorun fyrir sveitarfélagið og
þig sjálfan að taka þátt í þessari uppbyggingu sem hér á
sér stað?
„Jú, þetta er mjög gaman og spennandi að fá tækifæri
til að taka þátt í því öllu saman. íbúar hafa sýnt mikinn
áhuga og nokkrum sinnum hefur verið leitað til þeirra í
sjálfboðaliðastörf, þökulagningu og hreinsun, og þeir hafa
brugðist hratt og vel við þeirri beiðni. Þetta er auðvitað
krefjandi verkefni og visst áhlaup því að við höfum ekki
mjög langan tíma til stefnu. Ég er handviss um að þetta
gengur upp og allt verður tilbúið þegar flautað verður til
SKINFAXI - tímarit Ungmennafélags (slands 13