Skinfaxi - 01.05.2006, Blaðsíða 20

Jóhann Guðni Reynisson, fyrrverandi sveitarstjóri í Þingeyjarsveit:
Gerum samfélaginu gott
með þessu mótshaldi
Jóhann Guðni Reynisson, fyrrverandi sveit-
arstjóri í Þingeyjarsveit, ákvað fyrir sveit-
arstjórnarkosningarnar í vor að gefa ekki
kost á sér áfram í því starfi. Hann ákvað að
söðla alveg um og er að læra húsasmíðar hjá
Norðurpól á Laugum.
„Ég var búinn að sitja á rassinum í 20 ár og nú ætla ég að
standa upp. Ég er nú reyndar kennari að upplagi en ég hef tölu-
vert verið í fjarkennslu fram að þessu," sagði Jóhann Guðni.
„Það er frábært tækifæri fyrir smærri samfélög að fá þessa
uppbyggingu og alla þessa stemningu sem fylgir undirbúningi
sem þessum. Það hafa oft verið tugir manna saman í sjálfboða-
vinnu, í túnþöku- og timburvinnu ýmiss konar, og þá hefur
komið í Ijós hve samtakamáttur fólksins hér á svæðinu er sterkur.
Undirbúningurinn fyrir mótið þjappar fólkinu saman og fyrir vikið
verður öll vinnan skemmtilegri,"sagði Jóhann Guðni.
Jóhann Guðni var þingforseti á HSÞ-þingi þegar Haraldur
Bóasson flutti tillögu um sækja um Unglingalandsmótið 2006.
„Ég hafði heyrt ávinning af þessu og vissi að þetta var í gerjun.
Ég studdi þessa tillögu allan tímann, styð enn, og er reyndar mjög
ánægður með að þessi ákvörðun var tekin. Þetta mót verður
svæðinu öllu á Norðurlandi eystra til framdráttar og ég fæ bara
ekki betur séð en að völlurinn á Laugum verði sá besti í þessum
landshluta næstu árin. Akureyringar eiga eflaust eftir að ráðast í
framkvæmdir fyrir Landsmótið 2009 en þangað til verður besti
frjálsíþróttavöllurinn á Norðurlandi eystra á Laugum. Uppbygg-
ingin á Laugum á eftir að verða gríðarlegur stuðningur við íþrótta-
lífið á Laugum og með tíð og tíma verður hægt að markaðssetja
svæðið sem æfingasvæði fyrir hópa víða að.
Það er verið að byggja stórt og myndarlegt vallarhús þar sem
verður gistirými fyrir allt að 70-80 manns. Búningsaðstaða verður
öll fyrsta flokks og mjög stutt er í sundlaugina og íþróttahúsið,"
sagði Jóhann Guðni.
Hann sagðist hlakka mikið til Unglingalandsmótsins og væri
jafnframt ekki í nokkrum vafa um að þetta yrði ein glæsilegasta
umgjörð um landsmót sem fólk myndi muna eftir. Aðspurður
hvort hann væri búinn að panta veður mótsdagana sagðist hann
vera viss að sól yrði í heiði allan tímann.
- Unglingalandsmót UMFÍ vega orðið þyngra en áður. Hvaða
augum lítur þú á þau?
„Við teljum okkur vera að taka þátt í öflugu og sterku forvar-
nastarfi í landinu með því að taka þátt í þessu mótshaldi. HSÞ er
framkvæmdaaðili en sveitarfélagið styður þetta og við íbúarnir
stöndum þétt við bakið á verkefninu alla leið. Við teljum okkur
vera að gera samfélaginu öllu gagn með því að halda þetta mót
einmitt á þessum tíma. Við vonum þetta sé hluti af þeirri þróun
að snúa frá útihátíðarsukki yfir í heilbrigða lifnaðarhætti um þessa
helgi eins og aðrar," sagði Jóhann Guðni.
20 SKINFAXI - tímarit Ungmennafélags íslands