Skinfaxi - 01.02.2008, Blaðsíða 3

FORMAÐUR UMFÍ:
HELGA GUÐRÚN GUÐJÓNSDÓTTIR
ER HANN TIL?
Á tímum peningahyggju eins og við erum að upplifa í þjóðfélagi
okkar í dag er enn meiri ástæða til þess að halda gildum hans á lofti.
Öðru hverju í gegnum tíðina hef ég heyrt
fólk tala um „gamla, góða ungmenna-
félagsandann' eins og hann sé ekki til
og hvað hafi orðið um hann? En gamli,
góði ungmennafélagsandinn er til og
mun alltaf verða til. Ég hef nefnilega þá
trú að ungmennafélagsandinn sé sígild-
ur og búi í okkur öllum, sé í raun með-
fæddur. Þessi gamli, góði ungmenna-
félagsandi er að vilja gera öðrum gott og
vilja láta gott af sér leiða. Það er eitthvað
sem við öll viljum og þess vegna er ung-
mennafélagsandinn sígildur.
Það er hins vegar spurning hvort okk-
ur tekst öllum að virkja þennan anda í
okkur sem skyldi. Þvi þarf hver og einn
að svara fyrir sig.
En hver er hann, þessi „gamli, góði
ungmennafélagsandf eða „gamli og
síungi“ eins og ég veit að hann er?
Fyrir nokkrum árum vildi Ungmenna-
félag fslands skilgreina ungmennafélags-
andann, komast að því hvað hann fæli
í sér.
Einhverjar raddir efasemda voru uppi
urn hvort þetta væri í raun framkvæm-
anlegt.
Það kom skemmtilega á óvart að sú
varð ekki raunin heldur reyndist það
bæði auðunnið og gefandi vinna.
Skilgreiningin á ungmennafélagsand-
anum gengur út frá því að við þurfum
að skoða hann út frá einstaklingnum og
grundvallarspurningunni „hvernig er
ÉG sem manneskja? Hvaða þættir eru
það í fari mínu sem ég vil leggja áherslu
á í samskiptum mínum og samstarfi við
annað fólk?“ Samkvæmt ungmenna-
félagsandanum eru það þættir eins og
heiðarleiki, traust, heilbrigði, hreysti,
umburðarlyndi og virðing sem eru settir
í öndvegi. Ungmennafélaginn er heiðar-
leg manneskja og hlýðir samvisku sinni.
Hann vill að sér sé treyst og um leið vill
hann geta treyst öðrum. Ungmenna-
félaginn vill gefa sér tíma til að hlusta á
aðra, læra af öðrum og taka tillit til ann-
arra. Hann vill að aðrir beri virðingu
fyrir sér og á sama hátt verður hann að
geta borið virðingu fyrir öðrum. Til að
geta verið heilbrigður og hraustur
Helga Guðrún
Guðjónsdóttir,
formaður UMFÍ,
í ræðustóli á
sambandsþingi
UMFl 2007.
einstaklingur verður ungmennafélaginn
að leggja sitt af mörkum til að menga
ekki umhverfið, hugsa um það sem hann
borðar, hreyfa sig reglulega og misnota
ekki vímuefni. Ungmennafélaginn tekur
þátt í og leggur metnað sinn í að vinna
þau verkefni sem hann hefur tekið að
sér eins vel og honum er unnt.
Þannig deilir hann hlutunum með
öðrum, verður komandi kynslóðum
fyrirmynd og hefur áhrif í því samfélagi
sem hann býr í. Síðast en ekki síst þá
ann ungmennafélaginn landi sínu og
þjóð.
Þegar við höfum farið í gegnum skil-
greininguna á ungmennafélagsandanum
hljótum við að vera sammála um að hann
sé ekki eitthvert gamalt fyrirbæri sem
ekki á lengur upp á pallborðið hjá fólki.
Hins vegar verðum við að hlúa að hon-
urn og hvetja hvert annað til að starfa
í anda hans. Á tímum peningahyggju,
eins og við erum að upplifa í þjóðfélagi
okkar í dag, er enn meiri ástæða til þess
að halda gildum hans á lofti.
Og ég hlýt að spyrja hvort það sé ekki
hlutverk okkar sem einstaklinga og sem
hóps að halda honum lifandi? Svarið
mitt liggur reyndar í augum uppi. Ég er
ungmennafélagi og auðvitað eigum við
að halda ungmennafélagsandanum á
lofti, hann lengi lifi!
íslandi allt.
Samningar undirritaðir við ístakog Edduhótelin
Undirritaðir hafa verið samningar við
verktakafyrirtækið Istak um byggingu
á fjölnotahúsi sem Ungmennafélag
Islands mun reisa að Tryggvagötu 13
í Reykjavík. Við sama tækifæri voru
undirritaðir samningar við Eddu-
hótelin á Islandi varðandi rekstur á
gistirými sem m.a. er ætlað fjölskyldu-
fólki.
Húsið verður fjölnotahús þar sem
gert er ráð fyrir fjölbreyttri íþrótta-,
lista- og menningarstarfsemi og gist-
ingu fyrir fjölskyldufólk og félagsfólk
í hreyfingunni. I nýja húsinu verður
þjónustumiðstöð fyrir ungmenna-
félagshreyfinguna á íslandi. Húsið
verður um 7.000 fermetrar að stærð.
Viðræður eru í gangi við banka
og fjárfestingaraðila urn fjármögnun
við bygginguna og eru þær í góðum
farvegi.
Við undirritun samninga
í þjónustumiðstöð UMFf.
Frá vinstri: Koibeinn Kolbeinsson
frá fstaki, Helga Guðrún
Guðjónsdóttir, formaður UMFÍ,
og Magnea Hjálmarsdóttir frá
Edduhótelunum.
SKINFAXI - tímarit Ungmennafélags íslands 3