Skinfaxi - 01.02.2008, Blaðsíða 22

SKÓLAHREYSTI
- stærri en nokkru sinni fyrr
Skólahreysti er hreystikeppni sem
allir grunnskólar landsins geta tek-
ið þátt í. Skólahreysti hefur vaxið
gífurlega frá því að fyrsta keppnin
var haldin á vordögum 2005. Þá
var sex grunnskólum boðið að
keppa í hreystikeppni í íþróttahús-
inu að Varmá í Mosfellsbæ og sigr-
aði Hjallaskóli þá keppni.
Þetta mæltist vel fyrir og sýndu
nemendur skólanna þessu framtaki
mikinn áhuga. Ári seinna var öllum
skólum af Stór-Reykjavíkursvæðinu
boðið til leiks. Mættu 44 skólar til
keppni og stóð Salaskóli uppi sem
sigurvegari. f kjölfarið sendu margir
skólar utan af landi fyrirspurnir þess
efnis hvort þeir mættu ekki líka keppa.
Því var ákveðið að bjóða öllum grunn-
skólum á fslandi, sem eru með 9. og
10. bekk, að taka þátt.
Nú í ár er Skólahreysti stærri en
nokkru sinni fyrr og taka 106 skólar
þátt. Haldnar eru 11 undankeppnir
víðs vegar um landið. Úrslitakeppni
í Skólahreysti er keppt í fimm
aðalgreinum:
1) Upphífingar/strákar
2) Armbeygjur/stelpur
3) Dýfur/strákar
4) Fitnessgreip/stelpur
5) Hraðaþraut/stelpur/strákar
Skólahreysti 2008 verður í Laugardals-
höllinni 17. apríl. Þar munu tíu skólar,
alls staðar að af landinu, etja kappi.
Lindaskóli sigraði í fyrra og verður
spennandi að sjá hver ber sigur úr být-
um nú í ár.
Ljóst er að keppendur undirbúa sig
vel undir keppnina og mjög algengt er
að keppendur bæti sig milli ára. Áhorf-
endur hafa verið duglegir að koma og
styðja keppnisliðin sín og húsfyllir hefur
verið á hverjum stað. Stórkostleg stemn-
ing, búningar, skilti og trommur stuðn-
ingsmannaliðanna eru nú stór þáttur í
Skólahreysti.
Stjórnendur skólanna og íþróttakenn-
arar hafa einnig tekið Skólahreysti mjög
vel. Margir skólar halda forkeppnir til
að velja nemendur í liðin. Þá hafa nok-
krir skólar ákveðið að taka Skólahreysti
sem valkost inn í námsskrá. Mikill
áhugi er meðal nemenda og hefur þetta
geflð íþróttakennurum skólanna mögu-
leika á að leggja áherslu á grunn-þjálfun
nemenda og vinna meira með líkam-
legar æfingar sem undirbúning fyrir
þessa keppni. Markmið keppninnar
er að efla hreyflngu barna og ungl-
inga. Gera gömlu, góðu æflngarnar
eftirsóknarverðar á ný. Ákveðið var
í upphafi að gera allar keppnirnar
glæsilegar. Tækjakostur og aðbúnaður
er mjög vandaður og í engu er til
sparað. Það er gert svo að krakkarnir
vilji taka þátt og finnist þetta spenn-
andi og skemmtilegur valkostur.
Mjólkursamsalan hefur frá upphafi
verið aðalstyrktaraðili keppninnar.
22 SKINFAXI - tímarit Ungmennafélags fslands