Skinfaxi - 01.02.2008, Blaðsíða 27

~ g'í, f | -| | j ? —f f
i \ - á i, i m ffc Ai
Sveinn Elías bætti 36 ára
met í 400 metra hlaupi
Sveinn Elías
Elíasson setti
(slandsmet í
400 m hlaupi
innanhúss.
Meistaramót Islands í frjálsum íþróttum
innanhúss fór fram í Laugardalshöllinni
helgina 9.-10. janúar sl. Hápunktur móts-
ins var 400 metra hlaup karla en þar
bætti Sveinn Elías Elíasson, Fjölni, 36 ára
gamalt Islandsmet Bjarna Stefánssonar,
KR, í 400 m hlaupi. Sveinn sigraði á
48,33 sek. Met Bjarna var 48,5 sek., sett í
Gautaborg árið 1972. Bjarni átti einnig
skráð met með rafmagnstímatöku frá
árinu 1973 í Rotterdam, 48,73 sek. Sveinn
bætti sinn besta árangur í 400 m hlaupi
innanhúss um 67/100 úr sek. en hann
átti best 49,00 sek. Þetta var frábær
árangur hjá Sveini sem verður 19 ára
gamall á þessu ári.
Sveinn Elías sópaði síðan að sér viður-
kenningum fyrir árangur ársins 2007 sem
Frjálsíþróttasamband Islands veitti.
Sveinn Elías hlaut viðurkenningar fyrir:
„Óvæntasta árangur ársins" - en það var
fyrir sigur hans í 400 m grindahlaupi á
Smáþjóðaleikunum í Mónakó sl. sumar.
Einnig hlaut hann viðurkenningu fyrir
besta árangur 20 ára og yngri á árinu
2007 og loks hlaut hann Jónsbikarinn
fyrir besta árangur í spretthlaupum á
árinu 2007.
Helga Margrét með fjögur
íslandsmet á MÍ 15-22 áxa
Keppni á Meistaramóti Islands 15-22
ára fór fram í Laugardalshöllinni hel-
gina 23.-24. febrúar sl. Lið ÍR sigraði
í heildarstigakeppni mótsins og er
íslandsmeistarar félagsliða 15-22 ára
innanhúss 2008. ÍR hlaut samtals 315,5
stig, lið Breiðabliks varð í öðru sæti með
178 stig og lið FH varð í þriðja sæti með
144 stig, lið Fjölnis varð í fjórða sæti
með 109 stig og lið HSÞ varð í fimmta
sæti með 108,5 stig.
ÍR-ingar sigruðu stigakeppnina í íjór-
um aldursflokkum, í flokkum meyja,
stúlkna, ungkvenna og drengja og lið
Breiðabliks sigraði í aldurflokkum
sveina og ungkarla.
Helga Margrét Þorsteinsdóttir,
Ármanni, bætti metin í stúlkna- (17-18
ára) og unglingaflokki (19-20 ára) í
kúluvarpi og 200 m, en hún varpaði
kúlunni 13,45 m og bætti eigið met sem
hún setti á Stórmóti IR hálfum mánuði
áður um 38 cm en það var 13,07 m.
Þá bætti hún eigið stúlknamet í 200
m hlaupi (24.95 sek.) og met Sunnu
Gestsdóttur í unglingaflokki (24.92
sek.) þegar hún hljóp á 24.78 sek. Helga
Margrét sigraði í öllum sex greinum
sem hún tók þátt í á mótinu, 60 m
hlaupi, 200 m hlaupi, 60 m grinda-
hlaupi, langstökki, hástökki og kúluvarpi.
Einar Daði Lárusson, IR, sigraði í
fjórum greinum í drengjaflokki, 60 m
hlaupi, 200 m hlaupi, 60 m grindahlaupi
og langstökki. Þorsteinn Ingvarsson,
HSÞ, sigraði einnig í fjórum greinum
í ungkarlaflokki, langstökki, hástökki,
stangarstökki og kúluvarpi. Jón
Kristófer Sturluson, Breiðabliki, sigraði
í þremur greinum í sveinaflokki, lang-
stökki, hástökki og 200 m hlaupi.
Linda Björk Valbjörnsdóttir, UMSS,
sigraði í þremur greinum í meyjaflokki,
60 m hlaupi, 200 m hlaupi og 60 m
grindahlaupi. Hafdís Sigurðardóttir,
HSÞ, sigraði í þremur greinum í ung-
kvennaflokki, langstökki, þrístökki og
200 m hlaupi.
SKINFAXI - tímarit Ungmennafélags íslands 27