Skinfaxi - 01.02.2008, Blaðsíða 17

ENGILBERT OLGEIRSSON, FRAMKVÆMDASTJÓRIHSK
„Auðvitað erum við ánægðir með þessa
þróun og ég segi alltaf að með fleiri
félögum verður starfið meira og öflugra.
Samkvæmt iðkendatölum eru flestir í
hestaíþróttum, síðan kemur knattspyrna
og golfið er í þriðja sæti. Töluverð
aukning hefur orðið í fimleikum,“ sagði
Engilbert í samtali við Skinfaxa.
Engilbert sagði að um þessar mundir
væri verið að vinna að framgangi
tillagna frá héraðsþinginu. Stærsta
verkefni ársins, að sögn Engilberts, er
framkvæmd Unglingalandsmótsins í
Þorlákshöfn. Undirbúningur fyrir 100
ára afmælið er þegar hafinn með ritun
sögu HSK en Jón M. Ivarsson hóf ritun
hennar um síðustu áramót.
- Hvað finnst þér hafa breyst í starf-
seminni á þessum 17 árum sem þú hefur
starfað sem framkvœmdastjóri HSK?
„Fjölbreytni íþróttagreina hefur aukist
til muna. Greinar, sem voru hér lengst
af miklar burðargreinar í öllum árangri,
frjálsar íþróttir og sund, eru í lægð en
ná vonandi að rétta úr kútnum fyrr en
síðar. Það sem hefur breyst mikið á þess-
um tíma er íþróttaaðstaðan sem tekið
hefur stakkaskiptum síðustu misseri.
Mjög víða hafa risið íþróttamannvirki
sem hefur gert það að verkum að öll
aðstaða hefur batnað. Samt er margt
óunnið í þessum efnum en það sem mér
finnst vanta á Suðurlandið í dag er fjöl-
notahús sem gæti keppt við sömu
aðstæður og eru á höfuðborgarsvæðinu.
Svona hús gæti hýst knattspyrnu og
frjálsar íþróttir. Það er ósk mín að svona
hús muni rísa á næstu árum. Uppbygg-
ingu á íþróttamannvirkjunum lýkur
aldrei, það tekur eitt við af öðru. Við
höfum ennfremur haldið uppi öflugum
fréttaflutningi af starfseminni, en sl.
8 ár höfum við verið með eina síðu í
hverri viku í Sunnlenska fréttablaðinu.
Síðan er fréttum miðlað í gegnum
heimasíðuna þannig að allt aðgengi að
upplýsingum er mun betra en það var
áður. Ég hef í mínu starfi beitt mér fyrir
að félagsmenn hafl góðan og greiðan
aðgang að upplýsingum um það hvað er
að gerast á félagssvæði okkar á hverjum
tíma,“ sagði Engilbert.
Engilbert sagði að starfið hjá HSK
hefði gefið sér mikið og hann hefði á
þessum 17 árum unnið með góðu fólki.
Hann hefði sér við hlið öfluga og sterka
stjórn sem væri gaman að vinna með.
- Eru þá ekki bara bjartir tímarfram
undan hjá HSK?
„Ég sé ekki annað. Verkefnin eru ærin
og það verður í nógu að snúast á næst-
unni. Auk unglingalandsmóts á þessu
ári verður landsmót hestamanna á Hellu.
Árið er viðburðaríkt afmælisár en tíu
félög á sambandssvæðinu eiga 100 ára
afmæli. Á héraðsþinginu var mikil
umræða um að fjölga héraðsmótum en
á síðasta ári var endurvakið héraðsmót í
handknattleik sem hefur ekki farið fram
í 30 ár. Síðan stendur til á þessu ári að
halda handboltamót í yngri flokkum en
á héraðsþinginu var samþykkt reglugerð
þar að lútandi. Við ætlum að bæta við
mótum í golfi og uppi eru hugmyndir
um að halda héraðsmót í taekwondo
sem er ný grein hér á svæðinu. Við vor-
um til að mynda að kjósa í fyrsta sinn
íþróttamann HSK í þeirri grein á dög-
unum. Það er því óhætt að segja að starf-
semi HSK standi með blóma,“ sagði
Engilbert Olgeirsson, framkvæmda-
stjóri HSK.
„Mér finnst vanta á Suðurlandið
í dag fjölnotahús sem gæti
keppt við sömu aðstæður og
eru á höfuðborgarsvæðinu."
Sleðaferð með syninum
á 15 ára afmæli fþrótta-
félagsins Garps.
Engilbert ásamt stjórn HSK.
SKINFAXI - tímarit Ungmennafélags fslands 17