Sjómannablaðið Víkingur - 01.10.1946, Side 24

AVARP
til aimennings vegna stofnlánadeildar sjávarútvegsins
Það er ósk og’ von allra fslendinga, livar í
flokki sem þeir standa, að allir landsmenn hafi
atvinnu, og að framleiðslan sé rekin með stór-
virkum atvinnutækjum, þannig að mikil afköst
hafi í för með sér almenna velmegun og öryggi
um lífsafkomu.
Sjávarútvegurinn er höfuðstoð atvinnulífsins.
Án hins erlenda gjaldeyris, sem sjávarafurðirn-
ar færa þjóðarbúinu, eru allar tilraunir til að ná
þessu marki dauðadæmdar. Undanfarin ár hefir
því verið unnið að því af kappi að endurnýja
og auka fiskiskipaflota landsmanna. Um það bil
tvö hundruð nýir bátar og skip af ýmsum stærð-
um hafa þegar bætzt flotanum eða bætast við
hann á næsta ári. Fé til þessarar aukningar hef-
ir að mestu verið tekið af hinum erlendu inn-
stæðum vorum.
En þessi stórfellda aukning flotans er aðeins
annað sporið, sem stíga þarf, til þess að sjávar-
útvegurinn færist í nýtízku horf. Hitt sporið er
að auka og endurbæta stórlega aðbúnað útgerð-
arinnar í landi.
Hér er þörf stórfelldra hafnargerða, bæta þarf
við hraðfrystihúsum er geta veitt móttöku afla
hinna nýju báta, reisa þarf stórar niðursuðu-
verksmiðjur, bæta þarf aðstöðu sjómanna með
því að byggja nýjar mannsæmandi verbúðir,
byggja þarf skipasmíðastöðvar og dráttarbraut-
ir til þess að tryggja flotanum skjótar og góðar
viðgerðir. Verkefnin eru óteljandi.
Til þessara framkvæmda þarf annars vegar
erlendan gjaldeyri og hefir þegar að miklu leyti
verið séð fyrir honum með sérstökum aðgerð-
um. Hins vegar þarf íslenzkan gjaldeyri, láns-
fé til mannvirkjanna, sem smíðuð eru innan-
lands. Ríkið mun taka mikið af þessum fram-
kvæmdum, t. d. hafnargerðirnar, á sínar herð-
ar. Peningarstofnanir landsins hafa lagt fram
sitt og munu framvegis styðja að framgangi
þessa málefnis.
En þetta er ekki nóg. Þjóðin öll verður að taka
virkan þátt í þessu viðreisnarstarfi.
Vér skorum á alla þá, sem styðja vilja að
tæknilegri framþróun sjávarútvegsins, betri að-
búð sjómanna í landi, auknu öryggi þeirra á
sjó, og betri afkomu þeirra og þar með allrar
þjóðarinnar að leggja sitt fram.
Stofnlánadeild sjávarútvegsins er ætlað að
styðja þessar framkvæmdir með lánum, og hefir
hún í því skyni boðið út ríkistryggð vaxtabréf
með hagstæðum kjörum.
Vér viljum sérstaklega benda á 500 eða 1000
króna bréfin, vegna þess hve hentug þau eru
fyrir eigendur. Allir vextir og vaxtavextir eru
greiddir í einu lagi — fimm árum eftir að bréfin
eru keypt. Fyrir kr. 431,80 er hægt að fá bréf,
sem endurgreidd eru með 500 kr. að fimm árum
liðnum, og fyrir kr. 862,60 bréf, er endurgreið-
ast með krónum 1000.00. Vextirnir eru 50 af
hundraði hærri en gildandi sparisjóðsvexir, og
bréfin eru jafn trygg og sparisjóðsinnstæður
með ríkisábyrgð.
Bréfin fást í bönkunum og hjá stærri spari-
sjóðum.
Keyptu bréf þitt sem fyrst. Enginn má sker-
ast úr leik.
Reykjavík, 29. október 1946.
Blað þetta er nokkru seinna á ferðinni en
skyldi, vegna brunans í ísafoldarprentsmiðju og
mikilla anna prentsmiðjunnar. Áherzla verður
lögð á það, að nóv.-des.-blað, jólablaðið, komi út
í tæka tíð.
SJÖMANNABLAÐIÐ VlKINGUR
Útgefandi:
Farmanna- og fiskimannasamband tslands.
Ritstj. og ábyrgðarm.-. Gils Guðmundsson.
Kitnefnd:
Þorvarður Björnsson, Pétur Sigurðsson, Guðm. Jens-
son, Hallgrímur Jónsson, Jón Halldórsson, Karl B.
Stefánsson.
Blaðið kemur út einu sinni í mánuði, og kostar
árgangurinn 25 krónur.
Ritstjórn og afgreiðsla er á Bárugötu 2, Reykja-
vík. Utanáskrift: „Víkingur“, pósthólf í£5, —
Reykjavík. Sími 565S.
PrentaO í ísafoldarprentsmiöju h.f.
2BB
VÍKINGUR