Sjómannablaðið Víkingur - 01.01.1954, Blaðsíða 3

mikil til þess að þeir nái saman. I öðru lagi
er það, að vitar þessir eru ekki nema hluti af
vitakerfi landsins, þannig að ýmsar leiðir eru
jafn vanlýstar þó að þessum áfanga sé náð. Og
í þriðja lagi eru ljósvitarnir nú orðið ekki nema
takmarkaður hluti vitaþjónustunnar, þar sem
radíóvitarnir í ýmsu formi hafa nú orðið sífellt
vaxandi hlutverki að gegna. Eigi að síður má
það teljast merkur áfangi, sem náðst hefur, er
nú hefur tekizt að loka Ijóshringnum kringum
landið.
Framkvæmdir síðustu ára.
1. desember 1938, þegar 60 ár voru liðin frá
upphafi vitalýsingar á íslandi, birti ég nokkurt
yfirlit um þróun þessara mála þangað til. Til
viðbótar því sem þar er sagt, og aðallega um
framkvæmdir síðan, vil ég segja þetta:
Nýir vitar:
Á þessu síðasta 15 ára tímabili hafa nýir
vitar verið reistir á þessum stöðum:
Hvaleyri í Hvalfirði; Miðfjarðarskeri í Borg-
arfirði; Rauðanesi í Borgarfirði; Þormóðsskeri,
vestan Borgarfjarðar; Kirkjubóli í Staðarsveit;
Arnarstapa; Ólafsvík; Grundarfirði; Skor í
Rauðasandshreppi; Ólafsviti við Patreksfjörð;
Langanes við Arnarfjörð; Æðey; Sléttueyri í
Jökulfjörðum; Selskeri við Ófeigsfjörð; Bjarn-
arfirði á Ströndum; Skorði við Miðfjörð;
Straumnesi við Haganesvík; Hrólfsskeri í Eyja-
firði; Snartastaðatanga við Kópasker; Hraun-
hafnartanga á Sléttu; Raufarhöfn; Grenjanesi
á Langanesi; Digranesi við Bakkafjörð; Kol-
beinstanga við Vopnafjörð; Kögri við Borgar-
f jörð eystri; Bakkabökkum við Norðf jörð; Sel-
nesi við Breiðdalsvík; Ketilfles, Suður-Múla-
sýslu; Hornafirði; Hrollaugsseyjum; Faxaskeri
við Vestmannaeyjar; Þrídrang við Vestmanna-
eyjar; Knararós við Stokkseyri; Hafnarnesi við
Þorlákshöfn.
Flestir þessara vita eru sterkbyggðir, úr
járnbentri steinsteypu, og ættu því að geta enzt
lengur en eldri vitarnir, sem margir hverjir
voru gerðir á frumstæðari hátt. Þá eru þeir
einnig flestir þannig gerðir, að koma má fyrir
í þeim sterkari ljóstækjum, ef þess kynni að
verða óskað.
Enn eitt nýmæli í sambandi við vitabygg-
L ingar síðustu ára er rétt að benda á. 8 af ofan-
Einn hinna nýrri vita.
VÍKINGUR
3