Sjómannablaðið Víkingur - 01.09.2005, Blaðsíða 48
Sigling um Netið
I umsjón Hilmars Snorrasonar
Nýlegar kannanir sýna að hlutfallslega
flestir netnotendur eru í Bandaríkj-
unum en þar næst á eftir komum við Is-
lendingar. Talið er að um 75% lands-
manna séu á ferli á netinu reglulega.
Þetta eru margar heimsóknir á vefsíður en
hvemig velja notendur heimasíður til að
skoða. Ástæður fyrir því að menn lesa til-
tekna vefsíðu eru taldar vera þríþættar. í
fyrsta lagi rambar netverjinn óvart inn á
síður, annar mælir með þeim eða slembi-
lukka að síðurnar fundust við leit.
Enn sem fyrr ætlum við að vísa ykkur á
áhugaverðar síður og er sú fyrsta á slóð-
inni www.hobbycentre.com.au/. Siða
þessi er frá Ástralíu eins og ending slóðar-
innar gefur til kynna. Hér verða eflaust
margir lesendur blaðsins sem eru að leita
sér að einhverri afþreyingu á frívaktinni
ólmir í að panta sér líkön skipa til að
smíða.
Önnur síða með módelsmiði sem ég
hvet ykkur til að heimsækja er hjá Model
Slipway á slóðinni
www.modelslipway.com. Þar getur að líta
kunnugleg skip til að smíða og sérstaklega
ætla ég að vekja athygli á einni skipagerð
þar. Um er að ræða líkan af litlu flutn-
ingaskipi sem eitt sinn var nokkuð þekkt
hér á landi og bar nafnið Helgey. Þá er
einnig hægt að fá líkön af björgunarskip-
um svipaðrar gerðar og Slysavarnafélagið
Landsbjörg hefur verið að kaupa til lands-
ins.
Nú skulum við snúa okkur að síðu sem
er nokkuð þægileg fyrir skipstjómar-
menn. Hjá Admirality í Bretlandi á slóð-
inni http://easytide.ukho.gov.uk/ er að
finna áætlaðar flóðatöflur sem þeir reikna
út fyrir allan heiminn. Reyndar þarf að
skrá sig inn á siðuna en það er að kostn-
aðarlausu. Þá geta menn farið og skoðað
allt að 7 daga spá um ílóð og fjöru á hin-
um ýmsu stöðum á hnettinum. Síða sem
kemur að mjög góðum notum þegar ekki
em til sjávarfallatöflur um borð fyrir
næstu höfn.
Tryggingaklúbburinn UK P&I er með
mjög upplýsingaríka síðu á slóðinni
www.ukpandi.com. Það þarf reyndar að
kafa svolítið um síðuna til að finna það
sem leitað er að en ég hvet ykkur til að
leita uppi nokkuð sem heitir Benchmark-
ing á síðunni. Þar getur að líta könnun á
fjölda skipverja miðað við ákveðnar
stærðir skipa, hlutfall á milli yfir- og und-
irmanna svo fátt eitt sé nefnt. Ýmsar hug-
myndir em þar sýndar til að auka öryggi
um borð í skipum
(kaupskipum) en
þeir hafa tekið
myndir af hinum
ýmsu úrlausnum
um borð í þeim
skipum sem þeir
tryggja öðmm til
ábendingar. Þessi
síða er mikill fengur
fyrir kaupskipasjó-
menn.
Sagnfræði heims-
styrjaldanna verður
næsta síða sem við
skyggnumst í. Á
slóðinni
www.gertjohansen.
dk/ub%E5de.htm er
að finna magnaðar upplýsingar um kaf-
bátahernað Þjóðverja í fyrri og seinni
heimstyrjöld. Þessi síða er dönsk og full
af fróðleik sem enginn áhugamaður um
hernað ætti að láta fram hjá sér fara. Af
þessari síðu er tengill á þýska sjóherinn.
Hægt er reyndar að fara beint á þá síðu á
slóðinni www.marine.de. Síðan er að
sjálfsögðu á þýsku en engum ætti að
verða það fjötur um fót að finna listann
yfir öll skip flotans þar sem gefur á að líta
ljósmyndir af þeim. Skemmtilegt skoðun-
arferð það.
Nú ætla ég að draga ykkur verulega
suður á bóginn og skoða síðu um hafnir í
Suður-Afríku á slóðinni http://ports.co.za/.
Þar er ýmsar áhugaverðar fréttir að finna
sem og upplýsingar um skipaumferð átta
hafna bæði í Suður-Afríku og Namibíu.
Fyrir gamla vamba þá geta þeir rifjað upp
gamlar minningar um veru sína á þessu
svæði og séð einnig hvaða skip eru að
koma og fara um þessar hafnir. íslending-
ar hafa verið við þróunaraðstoð á þessu
svæði í rúm 12 ár sem og að margir sjó-
menn hafa starfað og starfa enn á þessu
svæði.
Aftur norður á bóginn og nú er það Sví-
þjóð. Á slóðinni www.mareud.mine.nu er
að finna síðu Svía sem er áhugamaður um
skipaljósmyndun. Þar hefur hann safnað
ýmsum upplýsingum um sænsk skip og
einnig eru þar áhugaverðar upplýsingar
um skip sem smíðuð voru úr steinsteypu í
fyrri heimstyrjöldinni. Skip þessi urðu til
vegna skorts á byggingaefni en þau reynd-
ust ekki mjög vel. Saga þeirra er þó á-
hugaverð öllum þeim sem áhuga hafa á
skipum.
í næsta nágrenni, Danmörku, er að
finna síðuna www.fiskeriflaaden.dk sem er
frétta- og skipasíða fiskiskipa. Síðan er
nokkuð í stíl við heimasíðu Skerplu en
þetta fyrirtæki gefur út handbækur með
skipalistum norrænna fiskiskipa. Eru list-
arnir yfir dönsk, færeysk, grænlensk og
sænsk fiskiskip.
Við skulurn síðan heimsækja gamlan
kunningja frá íslandsmiðum á slóðinni
www.ibiblio.org/musin/. Þessi síða er um
íslandstogarann Francois Musin O 305
sem stundaði veiðar hér við land um ára-
bil. Þessi gamli belgíski togari hefur legið
í fjölda ára í niðurníðslu og í raun aðeins
beðið eftir að brotajárnskaupmenn kærnu
höndum sínum yfir skipið. Að lokum
keypti skipaáhugamaður skipið og hyggst
varðveita þennan gamla togara.
Lokasíðan að þessu sinni er ættuð frá
Spáni. Hún er á slóðinni www.losbarcos-
deeugenio.com og þar er að finna mjög ít-
arlegar upplýsingar um spænska sjóher-
inn. Þá eru einnig upplýsingar um ýmsa
aðra sjóheri. Góðar upplýsingar eru
einnig um fastaflota NATO á síðunni og
hvar og hvenær heimsóknir þeirra til að-
ildarríkja verða.
Nú er mál að linni og lesendur hafa úr
mörgu að moða fram að næsta blaði.
Brátt munu allar þær slóðir sem hafa verið
kynntar í fyrri blöðum og eru enn virkar
verða aðgengileg á netinu. Verður það
nánar tilkynnt í næsta blaði hvernig hægt
verði að nálgast gömlu slóðirnar. Munið
þó eftir að senda inn áhugaverðar síður
sem þið sjáið á netinu á netfangið ice-
ship@hn.is.
48 - Sjómannablaðið Víkingur