Sjómannablaðið Víkingur - 01.09.2005, Blaðsíða 57

er 1 lífi íslenskra sjómanna væri til staðar víða um heim. Svo er
nú ekki en nýlega hafa áströlsk yfirvöld tilkynnt að komið verði
á tilkynningaskyldu allra skipa sem koma nær heimsálfunni en
500 sjómílur. Hafa þau jafnframt upplýst að kerfið verði það
metnaðarfyllsta sem sögur fara af í heiminum í þágu öryggis sjó-
farenda, bæði í þeim tilgangi að vaka yfir skipum og að fylgjast
með ferðum skipa um náttúruperlur við strendur Ástralíu.
Ætli við gætum ekki selt þeim okkur frábæru lausn á þessum
málum því óþarft er fyrir þá að fara að finna upp hjólið sem þeg-
ar er lil hér á landi.
Nýja Ulstein X-stefnislagið sem brátt mun kljúfa haföldur.
Nýjung í skipslagi
Stöðugt er verið að þróa ýmsar skipagerðir og skipslag. Þeir
sem hafa verið á sjó í einhverja áratugi kannast við þær nýjung-
ar sem komu fram s.s. skrúfuhringi, flipastýri, hliðarskrúfur,
bógskrúfur og perustefni svo eitthvað sé nefnt. Skut- og stefn-
islag skipa hafa löngum verið mikið rannsóknarefni í þeim til-
gangi að auka sjóhæfni skipanna sem og að auka hraða með
minni eldsneytisnotkun. Nú hafa hönnuðir komið með nýtt
stefnislag fyrir hjálpar- og aðstoðarskip olíuborpalla. Um er að
ræða afturhallandi stefnislag í stað þess að bógurinn sé látinn
slútta fram til að geta kastað sjónum frá þegar skipin stinga sér í
öldur. Það er norskt útgerðarfyrirtæki sem hefur látið hanna
skip með slíku stefnislagi og hefur það komið í hlut Ulstein-
skipasmíðastöðvarinnar að smíða eitt slíkt skip með möguleika á
að systurskip verði einnig smíðað. Skipið á að afhendast í maí á
næsta ári og skapar störf fyrir 400 manns út árið 2006.
Þetta nýja byggingarlag hafa Norðmennirnir kosið að kalla Ul-
stein X-bógur. X stendur fyrir orðið axe eða öxi enda líta menn
á að skipið muni kljúfa öldurnar líkt og öxi.
Neyðaraðstoð
Frelsandi engillinn var nafnið sem tankskipið Panam Sol fékk
á sig þegar það kom til hafnar á Bermuda fyrir skömmu. Ástæð-
an var að skipið kom með 1,5 milljón gallon of fersku vatni til
eyjarinnar sem hafði búið við langvarandi þurrka. Neyðarástand
hafði skapast á eyjunni en fimmtán ár eru síðan sambærilegur
skortur varð á vatni á eyjunni. Panam Sol lestaði vatnsfarminn í
Philadelphiu og eins og fyrir 15 árum siðan var það Bacardi
International sem stóð fyrir þessum vatnsflutningum til
Bermuda. Kemur ekki á óvart.
Barist um rekstur
Um þessar mundir stendur yfir úlboð á rekstri Vestmannaeyja-
ferjunnar Herjólfs og bíða eflaust margir spenntir eftir að sjá
hverjir hljóta samning um rekstur ferjunnar lil næstu fjögurra
ára. Fyrr á þessu ári fór fram úlboð á ferjuleiðinni milli Flakk
og Rörvik í Þrændalögum í Noregi. Fjórir aðilar buðu í verkið
og þótti mönnum sýnt að hart yrði barist um bitann. í ljós kom
að það fyrirtæki sem var með dýrasta tilboðið bauð að taka
teksturinn að sér fyrir 165 milljónir NKR. Næst hæsta tilboðið
hljóðaði upp á 45 milljónir en síðan fór harkan að færast í út-
boðið. Næst lægsta tilboðið hljóðaði upp á átta krónur en það
var Fosen Trafikklag sem þá upphæð bauð en þeir hafa haft
þessa ferjuleið í mörg ár. Samt sem áður barst lægra tilboð sem
hljóðaði upp á hvorki meira né minna en 51 aur. Því eru líkur
á að núverandi rekstraraðili geti tapað samningnum með ein-
ungis sjö króna, fjörutíu og níu aura mun. Þegar þetta er skrif-
að er ekki ljóst hver hlítur hnossið en þessi ferjuleið hefur
gjarnan verið kölluð gullrútan þar sem hún er talin gefa rekstr-
araðilanum vel í aðra hönd svo sem sjá má á þeim tilboðum
sem í reksturinn barst.
Ódýr varðskip
Eins og fram hefur komið í fjölmiðlum hér á landi er verið að
undirbúa smíði á 10 nýjum varðskipum fyrir norsku strand-
gæsluna. Landhelgisgæslan hefur einmitt verið að skoða mögu-
leika á að fá eitt samskonar skip og hér um ræðir til að efla flota
sinn. Norskar skipasmíðastöðvar voru lengi vel vongóðar um
að hreppa hnossið. Því miður þá urðu þær undir í samkeppn-
inni þar sem pólska skipasmíðastöðin Gryfia í Stettin bauð sem
nam milli 7 og 8 milljónum NKR lægra fyrir hvert skip en
norsku stöðvarnar gátu boðið. 1 raun stendur til að smíða fimm
skip með möguleika á fimm til viðbótar. Ef tíu skip verða
smíðuð er ljóst að miðað við norsku tilboðin fá eigendurnir tí-
unda skipið frítt. En það er ekki norska strandgæslan sem læt-
ur smíða skipin heldur Remöy Shipping og Remöy Management
frá Fosnavag en þessir aðilar hafa gert 15 ára samning við
strandgæsluna um rekstur skipanna. Það er spurning hvort
slíkt fyrirkomulag myndi henta hér á landi og þar með spara
ríkissjóði einhverjar milljónir þannig að vel væri hægt að gera
út varðskip með skörungskap.
Gamli Freyfaxi, nú Strilen, fyrir utan bensínstöðína i Middelsfart
Heitt á könnunni
Það er alltaf heitt á könnunni hjá Dan Bunkring bensínstöð-
inni i Middelfart í Danmörku. Einnig er hægt að fá eitthvað
gott með kaffinu en líklegast þykir það með því betra sem geng-
ur og gerist á bensínstöðvum almennt því viðskiptavinirnir
koma úr öllum áttum. Starfsmönnunum var einn morguninn
litið til hafs og viti menn, var ekki flutningaskipið Strilen þá að
renna í hlaðið í bakgarðinum hjá þeim. Það var rétt fyrir
klukkan níu að morgni sem þetta gerðist en sjálfstýring skipsins
hafði bilað með þeim afleiðingum að skipið fór af leið og
strandaði sem áður sagði við bensínstöðina. Héldu menn um
tima að olíuverðið á bensínstöðinni væri hugsanlega eitthvað
lægra en annars staðar og áhöfn skipsins því ákveðið að ná sér í
olíusopa þarna. Því er svo við að bæta að umrætt skip er okkur
íslendingum nokkuð kunnugt en það var smíðað árið 1966 fyr-
ir Sementsverksmiðjuna á Akranesi og hét í fyrstu Freyfaxi og
síðar Haukur eftir að Skipafélagið Nes keypti það.
Sjómannablaðið Víkingur - 57