Náttúrufræðingurinn - 1933, Blaðsíða 27

NÁTTÚRUFR.
89
Strikuðu svæðin eru svæði þau, sem sérflórur eru til yfir. Eru þau merkt í
sömu röð, og þeirra er getiö í ritgerðinni. Snæfellsnes og Dalina hefi eg merkt
með gisnum strikum vegna þess að það er stærra svæði en svo, að kleift sé að
skoða það til nokkurrar hiítar á einu sumri. Er því Snæfellsnessflóran að nokkru
leyti fremur yfirlitsrit, en sérflóra.
r
Gróðurrannsókn Islands.
Eftir Steindór Steindórsson frá Hlöðum.
Það má telja, að rannsókn á náttúru Islands hefjist með
ferðum þeirra Eggerts Ólafssonar og Bjarna Pálssonar 1750—
57. — Sú vitneskja, er menn áður höfðu um landið og náttúru
þess, var svo blandin hjátrú og hégiljum tíðarandans, að hún
hafði harla litla vísindalega þýðingu. En Ferðabók þeirra Egg-
erts og Bjarna skapaði grundvöll, er treysta mátti á og ofan á
varð byggt, jafnframt því, sem hún vakti áhuga fræðimanna
víða um lönd, til að kynnast eylandi þessu sem áður hafði verið
hjúpað í hulu vanþekkingarinnar. En þótt langt sé nú liðið á
aðra öldina síðan þeir Eggert ferðuðust, þá er samt furðu skammt
á veg komin þekking vor á fjölmörgum atriðum íslenzkrar
náttúru. —