Náttúrufræðingurinn

Årgang

Náttúrufræðingurinn - 1933, Side 27

Náttúrufræðingurinn - 1933, Side 27
INÁTTÚRUFR. 185 Sköttiseltir ræðst á æðarftígl. í norska timaritinu »Naturen«, 3. hefti þ. á. segir svo frá viður- •eign skötusels og æðarfugls: »Snemma í nóv. (1932?) tóku menn eftir því, að skötnselur (Lophius piscatorius) var að berjast við að renna niður æðar- blika, sem hann hafði náð í. Fiskinum hafði tekizt að ná góðum tökum á blikanum, en hann barðist af öllum mætti við að halda sér ofansjávar. Kraftar æðarblikans voru þó að þrotum komnir þegar bát bar að, og færðu menn gogg í fiskinn, sem þá varð að sleppa taki sínu. Blikinn varð feginn frelsinu, og tók strax til vængjanna, svo að eigi varð séð hvort hann var særður banasári. Fyr á sama hausti kom það sama fyrir á líkum stað (Rödöy). Þar hafði skötuselur náð í æðarkollu, en bát bar þar að, og bjarg- ■aði fuglinum. Sennilega hefir fiskurinn, í bæði þessi skipti, gripið fuglinn í yfirborði sjávar, því dýpið á þessum slóðum var meira en svo, að fuglarnir gætu kafað til botns, enda hefðu þeir aldrei getað komizt upp að yfirborði með fiskinn. Skötusel virðist hafa fjölgaó hér talsvert á síðustu árum, en flestir þeir, sem sézt hafa, eru þó enn- þá á unga aldri, að eins hálfstálpaðir. Ef til vill er hér að ræða um einn góðan árgang af skötusel«. Skötuselurinn er ófrýnilegur fiskur, en um það, og það, sem kunnugt er um lífshætti hans, má lesa í fiskabók dr. Bjarna Sæ- mundssonar. Áður fyr, þegar skútur gengu hér við land á hand- færaveiðar, kom það fyrir að hann fékkst á færi, og var þá stund- um haldið að þar væri um sjálfan fjandann að ræða. Já, gleggstu menn tóku meira að segja eftir því, að hann beit einkum á hjá þeim, sem slæman munnsöfnuð höfðu við »línuna«, og gæta varð þess, að koma honum fyrir borð sem fyrst, ef hann var inn yrtur, því væri hann lengi á þiljum, fór skipið að síga. — Síðan botn- vörpuveiðar hórust hér við land, hafa menn haft betri kynni af skötuselnum, og lært að lita á hann sem fisk, en ekki óvætt. Skötuselurinn getur orðið nokkuð á annan meter á lengd og 30— 40 kg. að þyngd.

x

Náttúrufræðingurinn

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Náttúrufræðingurinn
https://timarit.is/publication/337

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.