Náttúrufræðingurinn - 1975, Page 71

NÁTTÚ RU FRÆÐINGURINN
195
Að loknum lestri þessa rits leitar sú spurning óneitanlega á, í ltverju gildi
Surtseyjarrannsóknanna sé hclzt fólgið. Ekki getur leikið vafi á J>ví, að Surtsey
hefur orðið lyftistöng líffræðilegra rannsókna á landinu almennt, og þá cink-
um á Vestmannaeyjum. Verður þessi afleiðing Surtseyjargossins seint ofmetin.
En um rannsóknirnar á Surtsey sjálfri gegnir e. t. v. nokkru öðru máli. Afrakst-
urinn virðist tæplega í samræmi við þá miklu vinnu, sem lögð hefur verið í
rannsóknirnar. Hugsanlega hefði mátt afla ýmissa upplýsinga á annan auð-
veldari hátt. En þetta var erfitt að sjá fyrir og varla um annað að ræða en að
skipuleggja rannsókninar svipað því og gert var í upphafi. Nú virðist réttmætt
að staldra við og íhuga framhaldið. Væri e. t. v. ekki fráleitt að gera ráð fyrir
könnun á landhryggleysingjum Surtseyjar á 5—10 ára fresti hér eftir, en beina til-
tækum starfskrafti í ríkara mæli að undirstöðurannsóknum á lífríki landsins,
enda liljóta rannsóknir af Jjví tagi að vera algjör forsenda þess, að Surtseyjar-
rannsóknir leiði til verulegs skilningsauka á landnámi lífvera og framvindu
samfélaga.
Agiiar Ingólfsson.