Fréttablaðið - 15.05.2009, Síða 12

12 15. maí 2009 FÖSTUDAGUR
ÚT Í GEIM Geimferjan Atlantis hefur sig
á loft frá geimferðamiðstöð NASA á
Canaveral-höfða á Flórída á þriðjudag.
Verkefni leiðangursins er viðgerð á
Hubble-geimsjónaukanum.
FRÉTTABLAÐIÐ/AP
Aðalfundur ÍFR 2009

Aðalfundur Íþróttafélags fatlaðra í Reykjavík
verður haldinn laugardaginn 23.maí 2009
kl. 14.00 í íþróttahúsi félagsins að Hátúni 14.
Dagskrá:
1. Venjuleg aðalfundarstörf
2. Önnur mál
Stjórnin
Hringdu í síma
ef blaðið berst ekki
EFNAHAGSMÁL Í þjóðhagsspá fjármálaráðu-
neytisins er gert ráð fyrir að húsnæðisskuld-
ir 28.500 fjölskyldna verði meiri en verðmæti
fasteigna þeirra í lok ársins 2009. Innan þess
hóps er gert ráð fyrir að skuld umfram eign
verði að meðaltali um 6,4 milljónir, alls um
182,4 milljarðar. Í árslok 2007 voru hins vegar
um 7.500 fjölskyldur með um 3,1 milljón í nei-
kvæðu eigin fé að meðaltali, alls 23,3 millj-
arða. Skuldir umfram eignir hafa því aukist
um 159,1 milljarð á tveimur árum.
Samkvæmt spánni er gert ráð fyrir að allir
þeir sem höfðu eiginfjárhlutfall undir 37 pró-
sentum í árslok 2007 verði komnir með nei-
kvætt eigið fé í árslok 2009, annars vegar
vegna hækkunar skulda og hins vegar lækk-
unar húsnæðisverðs.
Á þessum tveimur árum er gert ráð fyrir
að meðaleign í íbúðarhúsnæði lækki um 38
prósent að nafnverði, úr 15,7 milljónum í 9,7
milljónir. Það jafngildir um fimmtíu prósenta
lækkun að raungildi.
Í greiningunni kemur fram að reynslan
bendi til að fasteignamarkaðurinn og skuldir
heimilanna nái jafnvægi þegar tekjur taka að
aukast á ný. - ss
28.500 fjölskyldur með fasteignaskuld í neikvæðri eiginfjárstöðu í lok þessa árs:
40 prósent munu skulda umfram eign
EIGINFJÁRHLUTFALL Í ÍBÚÐARHÚSNÆÐI
2007 2009
Eiginfjárhlutfall (%) Fjölskyldur nettó eign (Ma) Fjölskyldur nettó eign (Ma)
100 27.000 600 27.000 540
80-99 11.827 382 6.603 203
60-79 15.688 319 9.791 195
40-59 14.585 183 9.880 127
20-39 13.342 88 9.641 69
0-19 10.057 21 8.828 20
Minna en 0 7.493 -23 28.488 -183
Alls 99.992 1.570 100.231 974
Alls með skuld 72.992 970 73.231 434
HEIMILD: ÞJÓÐARBÚSKAPURINN, VORSKÝRSLA FJÁRMÁLARÁÐUNEYTISINS
MANSRI HACHEM Alsírbúinn hefur verið í hungurverkfalli í þrjár vikur. Hann hafði
áður beðið í tvö ár eftir svari við beiðni sinni um hæli, sem var neitað.
MYND/VÍKURFRÉTTIR
HÆLISLEITENDUR „Sennilega væri
öllum fyrir bestu að senda hann
bara með næstu vél úr landi og
ævilangt endurkomubann eða
bara kúlu í hausinn og senda fjöl-
skyldunni reikninginn,“ skrifar
Hannes Adam Guðmundsson á
Moggabloggið hinn 12. maí.
Hannes var að fjalla um hælis-
leitanda, Mansri Hachem, sem er
í hungurverkfalli í Reykjanesbæ.
Hannesi blöskrar að skattborgar-
ar haldi lífi í manninum. Fárán-
legt sé að veita hælisleitend-
um þjónustu, meðan Íslendingar
þurfi að leita til hjálparstofnana.
Færslan vakti nokkur viðbrögð,
og voru flestar athugasemdirnar
neikvæðar.
Mbl.is fjarlægði í gær færslu
Hannesar. Hann hafði þá ítrek-
að að hann teldi „að það sé besta
lausnin að nota kúlu“, þótt hann
drægi síðar úr, eftir gagnrýni les-
enda.
„Við vissum ekki af þessu fyrr
en seinni partinn í gær [fyrra-
dag],“ segir Ingvar Hjálmars-
son, netstjóri hjá Mbl.is. Erfitt
sé að fylgjast grannt með stór-
um hópi bloggara. Hannes þurfi
nú að senda inn yfirlýsingu um að
hann muni ekki skrifa fleiri slík-
ar færslur.
Hannes sjálfur telur Mogga-
bloggið of félagshyggjusinnað.
„Ég setti mína skoðun fram með
þessum hætti og þá fara að birt-
ast hótanir um lögsóknir og fleira
frá lesendunum. En ég er hlynnt-
ur málfrelsi og læt mína skoðun
standa,“ segir hann.
Sjúkraflutningamaður nokkur
á Suðurnesjum skrifaði á dögun-
um á Fésbókarsíðu um hælisleit-
andann. „Held við ættum bara að
negla frímerki á rassgatið á þessu
liði og út með
fyrstu vél til
Órafarrillíu,“
sagði hann þar.
Jón Guðlaugs-
son, slökkviliðs-
stjóri á Suður-
nesjum, segir að
rætt hafi verið
við sjúkraflutn-
ingamanninn.
„Það er að vænta
yfirlýsingar frá honum þar sem
hann biðst velvirðingar á þessu og
gerir það undir nafni,“ segir Jón,
en nafn mannsins hefur ekki verið
gefið upp hingað til.
Starfsmaðurinn verður ekki
áminntur formlega, gangi þetta
eftir. Honum sé treyst til að flytja
hælisleitandann milli staða. „Þessi
maður er að vinna hér á faglegum
nótum og það er hægt að treysta
honum til þess. Hann sér mikið
eftir þessu.“
Samkvæmt upplýsingum frá
Ríkis lögreglustjóra eru líflátshót-
anir ekki rannsakaðar, nema þegar
þær eru kærðar.
Sigríður Björk Guðjónsdóttir,
lögreglustjóri á Suðurnesjum,
segir að málið hafi ekki borist
embættinu. „Almennt séð eru hót-
anir alltaf skoðaðar og trúverðug-
leiki þeirra metinn. En það er ekki
heppilegt að við förum að segja frá
hugsanlegum aðgerðum í einstök-
um málum.“
Í frétt Vísis um færslu sjúkra-
flutningamannsins stóð að lög-
reglumaður á Suðurnesjum, sem
var ekki nafngreindur heldur, hefði
lýst velþóknun sinni á færslunni.
Sigríður segir að brugðist verði við
skrifum lögreglumannsins, reynist
þetta rétt.
klemens@frettabladid.is
Morðfærslan
tekin en ekki
rannsökuð
Skrif um að best væri að myrða hælisleitanda tekin
út af Moggablogginu í gær. Höfundur stendur við
orð sín. Lögreglan rannsakar yfirleitt ekki að fyrra
bragði. Sjúkraflutningamaður biðjist afsökunar.
JÓN
GUÐLAUGSSON
VINNUMARKAÐUR Meira en 300
ný störf hafa orðið til eða eru að
verða til í sameiginlegu átaki
Vinnumálastofnunar og atvinnu-
lífsins á síðustu
mánuðum.
Átak Vinnu-
málastofnunar
og atvinnulífs-
ins felur í sér
að fyrirtæki,
sveitarfélög,
stofnanir og
félagasamtök
geta sótt um
til Vinnumála-
stofnunar að stofnunin greiði
hluta launa nýrra starfsmanna
sem voru á atvinnuleysisskrá.
Atvinnurekandinn greiðir starfs-
manninum þá laun samkvæmt
kjarasamningum en Vinnumála-
stofnun greiðir vinnuveitandan-
um grunnatvinnuleysisbætur og
mótframlag í lífeyrissjóð.
Gissur Pétursson, forstjóri
Vinnumálastofnunar, segir að
störfin 300 séu mikið til útivistar-
verkefni, skógræktarverkefni og
fleira af slíkum toga en einnig
séu störf af öðru tagi. „Þarna eru
verkefni sem þarf að sinna. Stofn-
anir, sveitarfélög og fyrir tæki sjá
sér hag í því að láta vinna þau af
því að þau fá þetta mótframlag,“
segir hann. „Svona verkefni geta
oft leitt af sér frambúðarstörf.“
- ghs
300 ný störf hafa orðið til:
Hægt að fara í
sjálfboðastörf
GISSUR
PÉTURSSON