Fréttablaðið - 23.05.2009, Blaðsíða 10

10 23. maí 2009 LAUGARDAGUR
BRUNI „Þegar við komum að þá
er eldur á um það bil tveggja fer-
metra svæði í kringum grillið,“
segir Eggert Ingólfsson sem var
með þeim fyrstu til að koma auga
á eldinn í Heiðmörk um kvöldmat-
arleytið í fyrrakvöld. Um 400 fer-
metra gróðurlendi varð eldinum að
bráð eftir að einnota grill var skil-
ið þar eftir.
„Ég hljóp aftur niður í bíl og
náði í sprite-flösku og hellti yfir,
það virkaði ekki neitt, ég hellti
síðan úr vatnsflösku, það virkaði
ekki neitt og svo var maður þarna
með eitthvert slökkvitæki og það
virkaði ekki neitt heldur. Það var
allt svo þurrt að það logaði upp í
öllu aftur jafnóðum.“ Hringt var
strax í slökkvilið og telur hann að
um tíu mínútur hafi liðið áður en
það kom. „Þá var eldurinn kominn
upp í tré og eldurinn orðinn mjög
útbreiddur.“ Hann er viss um að
aðkoman hefði þó verið mun verri
fyrir slökkviliðsmenn hefðu hann
og félagar ekki verið búnir að eiga
við eldinn.
Hann segir að grillið hafi verið
skilið eftir á mosa. Hann veit þó
ekki hver gerði það. „Við sáum ein-
hvern bíl vera að fara þegar við
vorum að koma en við vorum ekk-
ert að spá í það.“
Ólafur Erling Ólafsson skógar-
vörður segir að ávallt hafi verið
eftirlitsmaður á svæðinu þar til í
vor en þá var hætt við það vegna
fjárskorts. „Það er alveg ljóst að
þegar einhver er á svæðinu þá
gengur fólk betur um,“ segir hann
og telur ólíklegt að fólk skilji eftir
einnota grill vitandi af vaktmanni
á svæðinu. „Yfirleitt sjá menn þá
líka svona lagað miklu fyrr en það
var mikið mildi að þeir voru þarna
á fjallahjólunum,“ segir hann og
vísar þar til Eggerts og félaga. Það
tók slökkvilið um einn og hálfan
tíma að vinna bug á eldinum.
Heiðmerkurbruninn var ekki
eina verkið því skömmu eftir mið-
nætti var tilkynnt um eld í bústað
við Meðalfellsvatn í Kjós. Fjórir
voru í bústaðnum og komust allir
út og náðu að koma í veg fyrir að
eldurinn breiddist út um bústaðinn
með því að sprauta úr garðsslöngu.
Eldurinn kom úr upptendraðri kam-
ínu. Slökkvilið höfuðborgarsvæðis-
ins segir að slökkvilið í Kjós hafi
komið til bjargar en nokkuð langt
er fyrir það að fara.
jse@frettabladid.is
Eldur rétt við höfuðborgina
Eldurinn í Heiðmörk var á tveggja fermetra svæði þegar fólk bar að, en breiddist hratt út. Um 400 fermetra
svæði brann. Einnig brann sumarbústaður í Kjós en þar hélt fólk eldinum í skefjum með garðslöngu.
EGGERT Í HEIÐMÖRK Það var ekki fagurt um að litast eftir brunann. FRÉTTABLAÐIÐ/GVA
BRUNAMÁL Brunamálastofnun hefur
í samvinnu við Eignarhaldsfélag-
ið Brunabótafélag Íslands gefið út
nýja bók sem nefnist Gróðureld-
ar. Bókin er ætluð sem kennslu- og
fræðsluefni í forvarnarstarfi gegn
gróðureldum á Íslandi.
„Gríðarlega umfangsmikl-
ir gróðureldar urðu á Mýrum í
Borgarbyggð og þá var ákveðið
að skrifa þessa bók,“ segir Björn
Karlsson brunamálastjóri. Vorið
2006 brunnu um 67 ferkílómetrar
lands á Mýrum.
Þótt stórir gróðureldar séu ekki
algengir er hætta á að þeim fjölgi á
komandi árum. Breyttar aðstæður
í veðurfari, gróðurfari, landbúnaði
og loftslagi þykja auka hættuna á
stórum gróðureldum.
„Hætt er við að slökkvistarfið
valdi meira tjóni á náttúrunni en
gróðureldurinn sjálfur ef ekki er
rétt að farið,“ segir í bókinni, en
hana má nálgast á vef Brunamála-
stofnunar, www.brunamal.is. - hds
Ný bók um gróðurelda:
Eldum gæti átt
eftir að fjölga
AFHENDING BÓKARINNAR Þyrluþjónust-
an sýndi hvernig slökkva skal elda.
FRÉTTABLAÐIÐ/VILHELM
BARIST VIÐ ELDINN Þarna er slökkviliðið að berjast við eldinn í Heiðmörk en hann
var ekki lengi að breiða úr sér. MYND/EGGERT INGÓLFSSON
SAMGÖNGUR „Reksturinn hefur
verið óforsvaranlegur undanfarin
ár og það er margt í honum sem
taka þarf til endurskoðunar,“ segir
Gunnar Einars-
son, bæjarstjóri
í Garðabæ, um
rekstur Strætós
bs.
Fram kom í
Fréttablaðinu
í gær að skuld-
ir Strætós bs.
næmu um 1.750
mi l ljónum í
fyrra. Greiðsl-
ur til ríkisins námu um 300 millj-
ónum. Hugmyndir hafa verið uppi
um að ríkið komi að einhverju leyti
til móts við þær greiðslur.
„Við höfum verið í viðræðum
við ríkið og það hefur verið greini-
legt að það hefur engan áhuga á
almenningssamgöngum á höfuð-
borgarsvæðinu,“ segir Gunnar og
telur ríkið ekki hafa sýnt neinn
samstarfsvilja.
Gunnar ber von til þess að menn
nái tökum á rekstri Strætós sem
fyrst með nýjum leiðum. Auk þess
vonast hann til þess að settar verði
ákveðnar leikreglur um að ein-
stakir pólitískir fulltrúar geti ekki
leikið pólitíska einleiki.
„Verkefni eins og frítt í strætó
voru vanhugsuð að mínu mati.
Þetta voru pólitískt einleiksverk-
efni Reykjavíkurborgar,“ segir
Gunnar. Fargjöldin dekki engan
veginn útgjöldin. - vsp
Bæjarstjóri í Garðabæ segir ríkið ekki hafa sýnt Strætó bs. mikinn áhuga:
Rekstur Strætós óforsvaranlegur
GUNNAR
EINARSSON
HEILBRIGÐISMÁL Staðfest tilfelli
svínaflensu, eða inflúensu A
(H1N1), voru alls 11.168 í heimin-
um í gærmorgun. Þeim hafði þá
fjölgað um 54 á einum degi, sam-
kvæmt upplýsingum frá Alþjóða
heilbrigðisstofnuninni. Flest
flensutilfellanna hafa komið upp
í Bandaríkjunum, eða 5.764. Stað-
fest dauðsföll vegna inflúensunn-
ar eru nú 86, langflest þeirra í
Mexíkó, eða 75 talsins. Níu dauðs-
föll eru staðfest í Bandaríkjunum,
eitt í Kanada og eitt í Kosta Ríka.
Tilkynningar um viðbúnað
vegna flensunnar eru birtar á
influensa.is, bæði á íslensku og
ensku, og á almannavarnir.is. - kg
Svínaflensutilfelli á heimsvísu:
Staðfest dauðs-
föll eru alls 86
SRÍ LANKA, AP Háttsettur full-
trúi Sameinuðu þjóðanna, Vijay
Nambiar, kallaði eftir þjóðarein-
ingu á Srí Lanka eftir að borg-
arastríði við Tamílatígrana lauk.
Nambiar nefndi einnig að til
skoðunar væri að efna til rann-
sóknar á meintum stríðsglæpum.
Nambiar, sem er á Srí Lanka til
að undirbúa komu Ban Ki-moon,
framkvæmdastjóra SÞ, sagði að
við lok borgarastríðsins þyrfti
einnig að koma til móts við lög-
mætar kröfur tamíla, auk ann-
arra minnihluta. „Það er mikil-
vægt að sigurinn verði sigur allra
Srí Lankabúa,“ sagði Nambiar á
föstudag. Hann sagðist hafa flogið
yfir átakasvæðið á fimmtudag, og
það hefði verið hrollvekjandi að
sjá hversu fátt fólk væri þar á lífi.
- ss
Ban Ki-moon fer til Srí Lanka:
Kallað eftir
þjóðareiningu
Í VIÐTALI Ban Ki-Moon svarar spurning-
um fjölmiðla um borð í flugvél á leið til
Sri Lanka í gær. FRÉTTABLAÐIÐ/AP
Á BIÐSTÖÐINNI Strætó er í eigu sjö sveitar-
félaga, Reykjavíkur, Kópavogs, Hafnarfjarð-
ar, Garðabæjar, Mosfellsbæjar, Seltjarnar-
ness og Álftaness. FRÉTTABLAÐIÐ/PJETUR
Partner sláttuvél.
Lágmarksboð 20.000 kr.,
fullt verð 54.890 kr.
Outback Diamond gasgrill.
Lágmarksboð 25.000 kr.,
fullt verð 69.900 kr.
Galanz örbylgjuofn 900W stál.
Lágmarksboð 6.000 kr.,
fullt verð 18.990 kr.
Og fullt af öðrum frábærum vörum.
Í DAG LAUGARDAG
KL. 14:00UPPBOÐSumarhátíð
í BYKO Kauptúni
í dag frá kl. 12-15
Klæðningar
Gluggar og hurðir
Þakefni
Múrefni
Leigumarkaður
Pallasmíði
Lagnaefni
Bón og hreinsiefni
SodaStream
Pylsa og gos – Grillum pylsur og bjóðum upp á gos
fyrir gesti og gangandi.
Hoppukastali – Fyrir börnin.
Kjörís – Ís fyrir alla.
Viðhaldsverkefnin
Verðum með kynningu og ráðgjöf á eftirfarandi
vörum og þjónustu í BYKO Kauptúni í dag:
ÁKALL TIL RÆNINGJA Ættingjar og vinir
Andres Torres, blaðamanns og starfs-
manns blaðamannaskólans í Hondúras
(CPH), gengu honum til stuðnings í
dag, en honum var rænt í höfuðborg
landsins 15. þessa mánaðar. Mannræn-
ingjarnir hafa ekki enn sett fram kröfur.
FRÉTTABLAÐIÐ/AFP