Fréttablaðið - 23.05.2009, Page 73

LAUGARDAGUR 23. maí 2009 45
FÓTBOLTI Steinþór Freyr Þor-
steinsson, Halldór Orri Björnsson
og Arnar Már Björgvinsson voru
langt frá því að vera þekktustu
nöfn Pepsi-deildar karla fyrir
tímabilið. Tveir þeir síðastnefndu
höfðu aldrei spilað í úrvalsdeild
karla og Steinþór hafði fengið fá
tækifæri með Blikunum.
Þessir þrír eru hins vegar
búnir að slá í gegn í fyrstu þrem-
ur umferðum Pepsi-deildar
karla og eiga mikinn þátt í því
að Stjörnuliðið situr eitt í efsta
sætinu með fullt hús og tólf mörk
í aðeins þremur leikjum. Þeir
Steinþór, Halldór og Arnar Már
eru nú þeir þrír leikmenn sem
hafa átt þátt í flestum mörkum í
Pepsi-deild karla í fyrstu þremur
umferðunum.
Arnar Már er markahæsti
maður deildarinnar með 4 mörk á
aðeins 80 spiluðum mínútum eftir
að hafa skorað tvisvar tvö mörk
eftir að hafa komið inn á sem
varamaður.
Steinþór hefur gefið flestar
stoðsendingar, fimm talsins, auk
þess að eiga stóran þátt í undir-
búningi þriggja annarra marka.
Hann hefur komið við sögu í níu
af tólf mörkum Stjörnuliðsins en
telst hafa átt þátt í sex mörkum
með beinum hætti.
Halldór Orri er síðan eini leik-
maður deildarinnar sem hefur
bæði skorað fleiri en tvö mörk
og gefið fleiri en tvær stoðsend-
ingar. Halldór Orri hefur skorað
2 mörk og gefið 3 stoðsendingar
í fyrstu þremur leikjum sínum í
efstu deild
Til að teljast eiga þátt í marki
þarf leikmaður að skora, gefa
stoðsendingu, fiska víti sem
gefur mark eða að skoti hans er
fylgt á eftir og skorað. - óój
ÞÁTTUR Í FLESTUM MÖRK-
UM SINNA LIÐA:
Steinþór Freyr Þorsteins., Stjörnunni 6
(1 mark + 5 undirbúin)
Halldór Orri Björnsson, Stjörnunni 5
(2 mörk + 3 undirbúin)
Arnar Már Björgvinsson, Stjörnunni 4
(4 mörk + 0 undirbúin)
Alfreð Finnbogason, Breiðabliki 3
(3 mörk + 0 undirbúin)
Jónas Grani Garðarsson, Fjölni 3
(2 mörk + 1 undirbúið)
Gunnar Örn Jónsson, KR 3
(1 mark + 2 undirbúin)
Pepsi-deild karla í fótbolta:
Stjörnumenn
eiga þá þrjá
marksæknustu
BYRJAR VEL Halldór Orri Björnsson hefur
átt þátt í 5 mörkum í fyrstu 3 leikjum
sínum í úrvalsdeild. FRÉTTABLAÐIÐ/VALLI
FÓTBOLTI Eins og fram kemur í við-
talinu við séra Guðna Má Harðar-
son hér til vinstri þá áttu íslensku
fjárfestarnir í knattspyrnufélag-
inu Stoke City að fá greiðslu frá
Stoke Holding síðasta haust þar
sem Stoke komst upp í úrvals-
deild. Sú greiðsla hefur ekki skil-
að sér.
Önnur greiðsla á að berast til
fjárfestanna á þessu ári þar sem
liðinu tókst að halda sæti sínu í
efstu deild.
Fréttablaðið sló á þráðinn til
Gunnars Þórs Gíslasonar, fyrr-
verandi stjórnarformanns Stoke
Holding, og spurði hann um afdrif
peninganna.
„Það er ekki búið að borga út
til hluthafanna, það er rétt. Þeir
munu því fá þetta í einni greiðslu
en það verður ekki fyrr en seint í
sumar í fyrsta lagi. Það var ekki
hægt að greiða þetta út í fyrra þar
sem peningarnir festust í banka-
hruninu,“ segir Gunnar Þór en
eru þessir peningar til?
„Það erum við að vona. Pening-
arnir eru í Kaupþingi í Lúxem-
borg. Sá banki er í greiðslustöðv-
un og við vitum ekki hvað verður
fyrr en því ferli lýkur. Á meðan
eru peningarnir fastir í bankan-
um. Svo hefur líka verið erfitt að
ná peningum frá kaupendunum
en þeir eru búnir að borga núna
það sem þeir áttu að borga,“ segir
Gunnar Þór sem réði flestu hjá
Stoke meðan á ævintýrinu stóð.
Gunnar segir ánægjulegt að
fylgjast með því hversu vel gangi
hjá Stoke og hann gráti ekkert í
koddann yfir því að hafa þurft að
selja félagið á sínum tíma.
„Það er ágætt að fylgjast með
úr fjarlægð. Liðið stendur sig vel
og við fögnum því. Þetta hefur
ekki gerst af sjálfu sér. Það
þarf að fjárfesta til að ná þess-
um árangri. Við vorum búnir
með okkar peninga og það sýndu
engir aðilar áhuga á að taka þátt
í þessu lengur með okkur. Þessu
var því sjálfhætt á sínum tíma,“
segir Gunnar Þór, sem segist enn
styðja félagið.
Hann hefur ekki farið mikið
utan til að fylgjast með liðinu
síðan hann hætti að starfa hjá
félaginu en fór þó utan í fyrra og
sá einn leik.
„Það var mjög gaman og ég
horfi líka á leiki með öðrum liðum
og hef gaman af,“ segir Gunnar
Þór Gíslason, fyrrverandi stjórn-
arformaður Stoke Holding. - hbg
Gunnar Þór Gíslason, fyrrverandi stjórnarformaður Stoke Holding, um peningana sem eiga að skila sér:
Peningarnir eru fastir í banka í Lúxemborg
GUNNAR ÞÓR GÍSLASON Vonast
til þess að geta greitt hluthöfum í
Stoke á þessu ári.
FRÉTTABLAÐIÐ/PJETUR