Fréttablaðið - 08.08.2009, Qupperneq 2

2 8. ágúst 2009 LAUGARDAGUR
Halldóra, er það undir hælinn
lagt að vinna svona keppni?
„Maður þarf bara að vera á góðum
skóm og standa í lappirnar.“
Halldóra Eydís Jónsdóttir er komin í tíu
manna úrslit í breskri skóhönnunar-
keppni sem nefnist Nýja skóstjarnan.
STJÓRNMÁL Veita á skattyfirvöldum auknar heimild-
ir til kyrrsetningu eigna, samkvæmt frumvarpi sem
fjármálaráðherra kynnti í ríkisstjórn í gær.
Mat stjórnvalda er að með löngum málsmeðferð-
artíma skapist hætta á að eignum sé komið undan
í skattaskjól. Því sé nauðsynlegt að veita skattyfir-
völdum auknar heimildir til varnar því að menn geti
komið sér undan greiðslu opinberra gjalda og mögu-
legum fésektum vegna skattalagabrota með færslu
eigna í hendur annarra.
Í tilkynningu frá fjármálaráðuneytinu segir að
fregnir á undanförnum vikum og mánuðum af millj-
arða fjármagnsflutningum frá Íslandi inn á banka-
reikninga í þekktum skattaskjólum af hálfu forsvars-
manna fjármálafyrirtækja, sem annarra, hafi vakið
upp ótal spurningar um íslensk lög og rétt. Þær radd-
ir verði sífellt háværari sem segi að auka þurfi veru-
lega við refsiheimildir stjórnvalda, meðal annars til
kyrrsetningu og/eða haldlagningu eigna þeirra sem
taldir eru bera ábyrgð á tjóninu og verða dæmdir sem
slíkir.
Fram kemur að þegar sé í gangi umfangsmikið
starf er miði að því að kanna hvort farið hafi verið á
svig við skattalög í tengslum við hrun bankanna eða
starfsemi þeirra. Sérstakur starfshópur vinni að því
að hraða rannsókn hugsanlegra skattalagabrota hvort
sem er hjá eigendum, stjórnendum eða starfsmönnum
bankanna, eða félögum sem þeim tengjast. - bþs
Ríkisstjórnin bregst við hættu á að eignum verði skotið undan með frumvarpi:
Skatturinn fái að kyrrsetja eignir
ODDVITAR RÍKISSTJÓRNARINNAR Steingrímur J. Sigfússon og
Jóhanna Sigurðardóttir. FRÉTTABLAÐIÐ/GVA
DANMÖRK Skilanefnd Hróarskeldu-
banka hefur tilkynnt að hún muni
fara fram á ákæru á hendur fyrr-
verandi bankastjóra bankans, Niels
Valentin Hansen. Þá hefur hún
ákveðið að höfða skaðabótamál á
hendur honum. Þetta kom fram í
dönskum fjölmiðlum í gær. Danska
fjármálaeftirlitið hefur þegar hafið
vinnu við gerð ákæru.
Í nýrri skýrslu, sem unnin var
um aðdragandann að falli bank-
ans í ágúst í fyrra, kemur fram að
líklega hafi fjölmörg lögbrot verið
framin við stjórn bankans. Þar
beri Hansen langmesta ábyrgð.
Sjálfur hefur hann hafnað ábyrgð
á vandræðunum. Hansen er meðal
annars grunaður um umboðssvik
og að hafa látið bankann kaupa
stóra hluti í sjálfum sér í hluta-
fjárútboði. Við hvoru tveggja getur
legið fangelsisrefsing.
Einnig er talið að endurskoð-
unarfyrirtækið Ernst og Young
verði ákært fyrir „gagnrýnisverð-
ar aðgerðir“.
Samkvæmt dönskum fjölmiðl-
um íhuga hluthafar bankans einn-
ig að fara í skaðabótamál á hend-
ur Hansen, og jafnvel einnig Sören
Kaare-Andersen, sem tók við
af Hansen árið 2007, en Hansen
stýrði bankanum frá árinu 1978.
Gunnar Þ. Andersen, forstjóri
Fjármálaeftirlitsins, og Ólafur
Þór Hauksson, sérstakur saksókn-
ari, sögðust í Fréttablaðinu í gær
myndu fylgjast með málinu. - sh
Skilanefnd Hróarskeldubanka fer fram á ákærur yfir fyrrverandi bankastjóra:
Fer í hart við bankastjórann
HRÓARSKELDUBANKI Svört lögfræði-
skýrsla um rekstur Hróarskeldubanka
hefur kallað fram viðbrögð.
LÖGREGLAN Fjórir mótmælendur,
tveir karlar og tvær konur, voru
handteknir í gær eftir að hafa
slett grænu skyri á iðnaðarráðu-
neytið og bíl Katrínar Júlíus-
dóttur iðnaðarráðherra. Að auki
spörkuðu þau í höfuð lögreglu-
manns, sem hlaut minniháttar
áverka.
Fjórmenningarnir tengjast
samtökunum Saving Iceland en
um tuttugu manns söfnuðust
saman fyrir utan ráðuneytið til
að mótmæla undirritun fjárfest-
ingarsamnings Helguvíkurál-
vers. Undir hann skrifuðu iðnað-
arráðherra og forstjóri Norðuráls
meðan á mótmælunum stóð. - vsp
Mótmælendur í ham:
Slettu skyri á
ráðuneyti og bíl
Grétar Már Sigurðsson, sendi-
herra og fyrrverandi ráðu-
neytisstjóri, lést í gær, fimm-
tugur að
aldri, eftir
baráttu
við illvígt
krabbamein.
Grétar starf-
aði í utan-
ríkisþjónust-
unni í rúma
tvo áratugi,
gegndi lyk-
ilstörfum
í rekstri
samningsins um Evrópska
efnahagssvæðið og var um
skeið aðstoðarframkvæmda-
stjóri EFTA.
Grétar var skipaður sendi-
herra í september 2001 og
ráðuneytisstjóri í utanríkis-
ráðuneytinu árið 2006. Síðast
starfaði hann sem sérstakur
Evrópuráðgjafi utanríkisráð-
herra.
Grétar lætur eftir sig eigin-
konu og þrjár dætur.
Látinn eftir
baráttu við
veikindi
GRÉTAR MÁR
SIGURÐSSON
BANDARÍKIN Atvinnuleysi dróst
saman í Bandaríkjunum úr 9,5
prósentum í 9,4 prósent í júlí.
Þetta er þvert á spár hagfræð-
inga en síðast dróst atvinnu-
leysi saman milli mánaða í apríl
í fyrra.
Robert Gibbs, fjölmiðlafulltrúi
Baracks Obama, forseta Banda-
ríkjanna, sagði að enn væri búist
við að atvinnuleysi myndi fara
upp í tíu prósent áður en hjól-
in fara að snúast efnahagslífinu
í vil.
Þrátt fyrir að atvinnuleysi
minnkaði milli mánaða misstu
um 247 þúsund manns vinnuna
í júlí. Gibbs segir að ekki verði
horft fram hjá því en þetta sé þó
á réttri leið. - vsp
Atvinnulíf Bandaríkjanna:
Atvinnulausum
hefur fækkað
VIÐSKIPTI Óttarr Möller, 91 árs
fyrrverandi forstjóri Eimskips,
gerir 279 milljóna launakröfu í bú
Straums þrátt fyrir að hafa aldrei
starfað fyrir bankann. Krafan
tengist eftirlaunasamningi sem
hann gerði við Eimskip þegar
hann lét af störfum þar árið 1979.
Var gert ráð fyrir að hann
héldi sömu kjörum eftir að hann
hætti sem forstjóri. Krafan kom
síðan inn í Straum þegar Burða-
rás, fjárfestingarfélag Eimskips,
sameinaðast Straumi árið 2004.
Slitastjórn Straums hefur hafnað
kröfunni.
William Fall, fyrrverandi for-
stjóri Straums-Burðaráss, gerir
600 milljóna króna launakröfu
í búið. Aðrar launakröfur í búið
eru töluvert lægri. - vsp
Há launakrafa í bú Straums:
Vann aldrei hjá
Straumi banka
UMHVERFISMÁL Frjókornafjöldi í
Reykjavík var vel yfir meðallagi
í júlímánuði, samkvæmt Náttúru-
fræðistofnun Íslands. Aðeins einu
sinni áður hafa frjókorn mælst
fleiri, en það var sumarið 1991.
Ekki er vitað hvort frjómagnið
hefur náð hámarki eða ekki.
Annað var uppi á teningnum á
Akureyri í síðasta mánuði. Frjó-
kornafjöldi þar var langt undir
meðallagi í júlímánuði og hafa
grasfrjó ekki mælst eins fá síðan
mælingar hófust árið 1998. Það
sem af er sumri hafa frjókorn-
in aðeins verið fimmtungur á við
meðalár. Búist er við því að miklu
hámarki verði náð nú í ágúst. - þeb
Frjókorn í Reykjavík:
Ekki fleiri frjó-
korn síðan 1991
VIÐSKIPTI Lárentsínus Kristjáns-
son, meðeigandi Lögfræðistofu
Reykjavíkur (LR) og stjórnarfor-
maður skilanefndar Landsbank-
ans, vék sæti við umræðu um
ítarlegan verksamning sem skila-
nefndin gerði við LR vegna lán-
veitinga Landsbankans til Exista.
Þetta kemur fram í tilkynningu
frá skilanefndinni.
Þar segir jafnframt að gert
sé ráð fyrir að LR fái tímagjald
fyrir þjónustu sína eða miklu
lægri fjárhæð en sem nemur
kröfugerðinni. Kröfugerðin sem
LR sendi skilanefndinni er talin
nema um 250 milljónum króna
eins og fram hefur komið í fjöl-
miðlum. - vsp
Lárentsínus vék sæti:
Krafa LR nemi
250 milljónum
INTERNETIÐ Skotmark Twitter
netárásinnar er talinn vera 34
ára gamall Twitter-bloggari frá
Georgíu sem notar notendanafn-
ið Cyxymu. Samskiptaforritið
Twitter lá niðri í tvær klukku-
stundir á fimmtudaginn.
Cyxymu, sem kallar sig Georg
í samtali við CNN, segist aðallega
blogg til þess að veita fólki utan
Georgíu almennilegar upplýsing-
ar um ástæður þess að Georgía
sé eitt, sameinað ríki. Árásin sé
því af pólitískum toga. Í gær var
nákvæmlega ár liðið frá því að
stríð hófst milli Georgíu annars
vegar og Rússlands, Suður-Osse-
tíu og Abkhasíu hins vegar. - vsp
Skotmarkið var Cyxymu:
Segir netárás af
pólítískum toga
TWITTER Samskiptaforritið lá niðri tvo
tíma á fimmtudaginn. NORDICPHOTOS/AFP
ATVINNA Flest bendir til að þjóð-
hagslega hagkvæmt sé að ráð-
ast í stóriðjuframkvæmdir á
næstu árum og frekari uppbygg-
ing álframleiðslu leiðir til meiri
stöðugleika en ella. Þetta kemur
fram í skýrslu Hagfræðistofnun-
ar Háskólans sem unnin var fyrir
iðnaðarráðuneytið og birt í gær.
Gylfi Arnbjörnsson, forseti ASÍ,
segir að miðað við atvinnuleysi og
þverrandi tekjur þjóðarinnar sé
mjög brýnt að við nýtum okkar
auðlindir. Sextán þúsund manns
séu án atvinnu og þungt hljóð í
mönnum fyrir haustið.
Í stöðugleikasáttmálanum er
gert ráð fyrir því að ríkisstjórnin
greiði götu þegar ákveðinna fram-
kvæmda, eins og álvers í Helguvík.
Gylfi segir mikilvægt að ráðast í
þær framkvæmdir þar sem mikið
atvinnuleysi sé á Suðurnesjum.
Í skýrslunni kemur fram að stór-
iðjuframkvæmdir styrki gengi
krónunnar og minnki atvinnuleysi.
Tímasetningar framkvæmdanna
skipti þó máli og ábatinn sé mestur
í efnahagslægð. Ekki er gert ráð
fyrir kostnaði vegna umhverfis-
eyðileggingar í skýrslunni en í
skýrslu fjármálaráðuneytisins,
sem birt var nýlega, er talið að
miðað við líklegan náttúrukostnað
virkjana sé arðsemin umtalsvert
minni en gefið sé til kynna.
Steingrímur J. Sigfússon, fjár-
málaráðherra, segir mikilvægt
að umræða fari
fram um arð-
semi stóriðju
og hún verði
til hliðsjónar
þegar framtíð-
arstefnan sé
mótuð. Stefnt
sé að umhverf-
isvænni iðnþró-
un með áherslu
á litla og meðal-
stóra iðnaðarkosti.
Bjarni Benediktsson, formaður
Sjálfstæðisflokksins, er þeirrar
skoðunar að nýta eigi orku lands-
ins. Ekki þurfi þó að einangra sig
við álver því fjölmargt annað komi
til greina. „Mestu máli skiptir þó
að þegar koma hingað áhugasam-
ir fjárfestar verða þeir að mæta
því viðmóti að stjórnvöld séu til-
búin að nýta orku landsins en rík-
isstjórnin er ekki sammála í orku-
málum,“ segir Bjarni. - vsp
Ráð að byggja upp
stóriðju á næstunni
Frekari stóriðja gæti styrkt gengið og minnkað atvinnuleysi samkvæmt skýrslu
Hagfræðistofnunar. Forseti ASÍ segir brýnt að við nýtum okkar auðlindir.
HELGUVÍK Mælt er fyrir um í stöðugleikasáttmálanum að greiða eigi fyrir framkvæmdum eins og byggingu álvers í Helguvík. Um
1.600 manns eru atvinnulausir á Suðurnesjum. FRÉTTABLAÐIÐ/GVA
STEINGRÍMUR J.
SIGFÚSSON
BJARNI
BENEDIKTSSON
GYLFI
ARNBJÖRNSSON
SPURNING DAGSINS