Fréttablaðið - 08.08.2009, Blaðsíða 56

36 8. ágúst 2009 LAUGARDAGUR
sport@frettabladid.is
Pepsi-deild kvenna
Valur - Þór/KA 1-2
0-1 Mateja Zver (45.), 1-1 Kristín Ýr Bjarnadóttir
(69.), 1-2 Mateja Zver (45.)
Stjarnan - GRV 4-0
1-0 Björk Gunnarsdóttir (15.), 2-0 Björk
Gunnarsdóttir (25.), 3-0 Kristrún Kristjánsdóttir
(57.), 4-0 Björk Gunnarsdóttir (vsp 71.)
Fylkir - KR 0-2
0-1 Hrafnhildur Guðnadóttir (18.), 0-2 Fjóla Dröfn
Friðriksdóttir (25.)
Keflavík - ÍR 0-2
0-1 Liliana Martins (30.), 0-2 Liliana Martins (66.)
STAÐAN Í PEPSI-DEILD KVENNA
Valur 14 10 2 2 67-17 32
Breiðablik 14 10 2 2 45-11 32
Stjarnan 14 10 2 2 38-11 32
Þór/KA 14 9 2 3 46-23 29
Fylkir 14 6 5 3 41-22 23
KR 14 6 1 7 29-19 19
Aftur/Fjölnir 14 4 2 8 19-30 14
GRV 14 4 0 10 9-46 12
ÍR 14 2 2 10 11-55 8
Keflavík 14 0 0 14 6-77 0
1. deild karla
Þór - Víkingur R. 1-0
1-0 Kristján Steinn Magnússon (90.)
Leiknir R. - ÍR 2-1
1-0 Brynjar Orri Bjarnason (51.), 2-0 Brynjar
Hlöðversson (61.), 2-1 Árni Freyr Guðnason (86.)
Afturelding - ÍA 1-1
1-0 Paul Clapson (60.), 1-1 Ragnar Leósson (82.)
Fjarðabyggð - KA 0-3
0-1 Orri Gústafsson (24.), 0-2 Guðmundur Óli
Steingrímsson (85.), 0-3 Sjálfsmark (90.)
STAÐA EFSTU LIÐA Í 1. DEILD
Selfoss 15 10 2 2 28-17 32
HK 15 8 2 5 27-21 26
Haukar 14 7 4 3 27-17 25
KA 15 6 5 4 21-14 23
Fjarðabyggð 15 7 2 6 25-25 23
ÚRSLIT Í GÆR
> KR og Grindavík með nýja menn
Bæði lið KR og Grindavíkur tilkynntu það á heimasíðum
í gær að þau væru búin að ráða til sín erlenda leikmenn
fyrir næsta tímabil í Iceland Express-deildinni. KR-ingar
munu fá til sín Bandaríkjamanninn Tommy Johnson sem
mun spila sem bosman-leikmaður hjá liðinu en Tommy
varð Íslandsmeistari með Keflavík 2008 og skoraði þá 18
stig að meðaltali í úrslitakeppninni. Grind-
víkingar munu hins vegar tefla fram Amani
Daanish sem er 26 ára, 200 sm og 99
kg framherji en Nick Bradford mun því
ekki spila áfram með Grindvíkingum.
Daanish spilaði með Indiana State í
bandaríska háskólaboltanum en Larry
Bird er bæði stigahæsti og frákasta-
hæsti leikmaðurinn í sögu skólans.
Fram vann sinn stærsta sigur í efstu deild frá 1993 þegar liðið
vann magnaðan 5-0 sigur á Keflavík á fimmtudagskvöld.
Keflvíkingar höfðu ekki tapað síðan í sjöundu umferð
deildarinnar þegar kom að þessum leik en réðu
ekkert við Framara þetta kvöldið.
„Þetta small allt saman hjá okkur í þessum leik og
loksins fórum við að nýta færin okkar, það hefur
aðeins vantað í sumar,“ segir hinn tvítugi Jón Guðni
Fjóluson sem átti afbragðsleik fyrir Safamýrarliðið.
Hann var óvænt notaður á miðjunni en hefur hingað
til verið notaður mestmegnis sem miðvörður.
„Ég hef ekki áður spilað á miðjunni með
meistaraflokki en hafði aðeins spilað þar með 2.
flokki í fyrra. Þá spilaði ég sem djúpur á miðjunni en
ekki svona framarlega. Ég fann mig vel í þessum
leik og er sáttur svo lengi sem ég fæ að spila,“
segir Jón Guðni sem hefur verið að stimpla sig vel
inn í Framliðið.
„Keflvíkingar eru mjög sterkir eins og þeir
sýndu um daginn þegar þeir unnu FH-inga. En við höfðum trú á
þessu og förum auðvitað í hvern einasta leik til að vinna. Sigurinn
kom í sjálfu sér ekkert á óvart en við bjuggumst kannski ekki alveg
við honum svona stórum.“
Jón Guðni skoraði fyrsta markið gegn Keflavík eftir hornspyrnu
en hann hefur verið ógnandi í föstum leikatriðum og skoraði til
dæmis mark liðsins gegn Larissa í Tékklandi. Hann lagði síðan upp
annað mark Fram á fimmtudaginn á glæsilegan hátt.
„Ég er mjög sáttur við þetta tímabil enda flottur hópur. Við
mættum vera ofar í deildinni, höfum spilað fínan bolta en hefur
vantað bara að skora fleiri mörk. Við höfum verið öflugir upp
á síðkastið, það gekk vel í Evrópukeppninni og við komumst
á gott skrið,“ segir Jón Guðni.
Hann gekk til liðs við Fram í 3. flokki en er frá
Þorlákshöfn. „Ég spilaði þar með Ægi í yngri flokkunum
en tók síðan eitt sumar á Flúðum með Hrunamönnum
í 4. flokki. Ástæðan er sú að þar var spilaður ellefu
manna bolti en ekki í Þorlákshöfn,“ segir þessi
spennandi leikmaður.
JÓN GUÐNI FJÓLUSON: ÁTTI FRÁBÆRAN LEIK FYRIR FRAM ÞEGAR LIÐIÐ SLÁTRAÐI KEFLAVÍK Á FIMMTUDAG
Við höfum verið mjög öflugir upp á síðkastið
FÓTBOLTI Enska 1. deildarfélagið
Barnsley tilkynnti á heimasíðu
sinni í gær að það hefði komist
að samkomulagi við ítalska
félagið Reggina varðandi Emil
Hallfreðsson. Emil verður
lánaður til Barnsley út tímabilið
en enska félagið fær síðan
forkaupsrétt á honum ef hann
stendur sig vel.
Emil er 25 ára vinstri
kantmaður sem á 22 landsleiki
að baki en honum hefur gengið
erfiðlega að festa sig í sessi
á Ítalíu. Hann þekkir vel til á
Englandi enda var hann á sínum
tíma í herbúðum Tottenham.
Barnsley hafnaði í 20. sæti ensku
B-deildarinnar á síðasta tímabili.
- egm
Barnsley samdi við Reggina:
Emil aftur til
Englands
LÁNAÐUR Reggina hefur ákveðið að
lána Emil til Barnsley út tímabilið.
NORDICPHOTOS/GETTY
FÓTBOLTI Nú stytt ist í að
boltinn byrji að rúlla í ensku
úrvalsdeildinni en hinn árlegi
leikur um Samfélagsskjöldinn
fer fram á morgun þar sem
Englandsmeistarar Manchester
United og bikarmeistarar Chelsea
mætast á Wembley-leikvanginum.
Enska úrvalsdeildin hefst svo með
pomp og prakt á laugardaginn eftir
viku.
Nokkuð hefur verið um breytingar
hjá liðunum tveimur frá því á síðasta
tímabili þegar United varði titil sinn
í ensku úrvalsdeildinni og Chelsea
vann FA-bikarinn. Nú er enginn
Cristiano Ronaldo í herbúðum
Manchester United en í staðinn hefur
félagið nælt meðal annarra í Antonio
Valencia og Michael Owen. Chelsea
hefur þó ekki látið stórkostlega mikið
til sín taka á leikmannamarkaðnum
fyrir utan kaupin á Yuri Zhirkov
á 18 milljónir punda. Aftur á móti
urðu stjóraskipti í brúnni þar sem
Guus Hiddink vék fyrir Ítalanum
Carlo Ancelotti en Skotinn Sir Alex
Ferguson er vitanlega enn á sínum
stað hjá United og er tilbúinn í átökin
á morgun.
„Þessir leikir hafa oft verið
notaðir til þess að koma mönnum
af stað sem eru nýbúnir að eiga
í meiðslum en það verður ekki
raunin núna. Menn eru búnir að
vera í góðu líkamlegu ásigkomulagi
á u n d i r b ú n i n g s t í m a bi l i nu
og því verður þetta enginn
upphitunarleikur. Þetta eru alltaf
baráttuleikir þegar við mætum
Chelsea og stoltið skiptir þar miklu
máli. Chelsea verður annars sterkt
undir stjórn Ancelotti á komandi
leiktíð þar sem hann er reyndur
stjóri og er með virkilega góðan
leikmannahóp í höndunum. Það var
líka mikilvægt fyrir félagið að halda
John Terry áfram innan sinna raða.
Ég held annars að auk okkar verði
það eins og áður Chelsea, Liverpool
og Arsenal sem muni berjast á toppi
ensku úrvalsdeildarinnar,“ segir
Ferguson.
Nokkuð er um meiðsli í herbúðum
United fyrir leikinn og nú þegar
ljóst að hvorki Edwin van der
Saar né Nemanja Vidic verði
með gegn Chelsea.
Ancelotti hefur úr sterkum
hópi að velja en Joe Cole er eini
leikmaðurinn sem víst er að ekki
verður leikfær þó svo að Zhirkov
sé tæpur. - óþ
Sir Alex Ferguson hjá Man. United er klár fyrir leikinn um Samfélagsskjöldinn gegn Chelsea á morgun:
Þetta verður enginn upphitunarleikur
MARKASKORARI Spennandi
verður að sjá hvort að Michael
Owen slái í gegn NORDIC PHOTOS/AFP
FÓTBOLTI Norðanstúlkur í Þór/KA
gerðu góða ferð á Hlíðarenda þar
sem þær unnu Íslandsmeistara
Vals 1-2 í fjörugum leik. Valur,
Breiðablik og Stjarnan eru öll efst
og jöfn þegar fjórar umferðir eru
eftir.
„Ég er mjög svekktur yfir því
hvernig stelpurnar mættu til leiks
gegn góðu liði Þórs/KA og þetta
var pottþétt lélegasti fyrri hálf-
leikur sem ég hef séð mitt lið
spila í sumar. Við náðum að laga
okkar leik í síðari hálfleik og hefð-
um átt að klára þetta en það gekk
ekki eftir. Sigurmarkið hjá þeim
kom svo eins og vatnsgusa fram-
an í okkur. Nú þurfum við bara að
halda einbeitingu og klára okkar
leiki,“ segir Freyr Alexandersson
þjálfari Vals.
Jafnræði var með liðunum fram-
an af leik en Valsstúkur ógnuðu í
tvígang snemma leiks þegar Dóra
María Lárusdóttir og Kristín Ýr
Bjarnadóttir áttu báðar skalla að
marki Þórs/KA með stuttu milli-
bili en markvörðuinn, Berglind
Magnúsdóttir, var vel á verði í
marki gestanna í bæði skiptin.
norðanstúlkum óx svo ásmeg-
in eftir því sem líða tók á hálf-
leikinn og náðu trekk í trekk að
galopna Valsvörnina með hættu-
legum stungusendingum á hinar
eldsnöggu Mateja Zver, Vesna
Smiljkovic og Rakel Hönnudótt-
ur. Smiljk ovic komst ein inn fyrir
vörn Vals um miðjan hálfleikinn
en þá varði María Björg Ágústs-
dóttir glæsilega í tvígang frá henni
af stuttu færi. María Björg kom þó
engum vörnum við í blálok fyrri
hálfleiks þegar Zver slapp inn
fyrir vörn Valsstúlkna og skoraði
af öryggi, í slána og inn.
Valsstúlkur voru reyndar afar
óánægðar með að markið hafði
fengið að standa þar sem þær
töldu Zver hafa verið rangstæða
en markið stóð og norðanstúlkur
leiddu 0-1 þegar flautað var til
hálfleiks. Valsstúlkur voru tals-
vert frá sínu besta í fyrri hálfleik
og áttu erfitt með að finna glufur á
varnarmúr Þórs/KA en allt annað
var að sjá til Íslandsmeistaranna
í upphafi síðari hálfleiks þar sem
þær pressuðu stíft að marki gest-
anna. Það dró til tíðinda á 68. mín-
útu þegar Dagný Brynjarsdóttir
átti hörkuskot sem fór efst í mark-
stöngina á marki Þórs/KA en mar-
kamaskínan Kristín Ýr varð fyrst
til þess að átta sig og afgreiddi
frákastið af yfirvegun og öryggi
í markið og jafnaði leikinn. Bar-
áttuglaðar norðanstúlkur höfðu
varist vel fram að jöfnunarmark-
inu en voru farnar að bakka full
mikið og lentu fyrir vikið undir
mikilli pressu frá Valsstúlkum.
Valsstúkur héldu pressunni áfram
og skall hurð nærri hælum þegar
fimm mínútur voru eftir af leikn-
um þegar varnarmenn gestanna
björguðu á línu eftir skalla frá
Katrínu Jónsdóttur.
Á síðustu mínútu venjulegs leik-
tíma fékk Dagný svo kjörið tæki-
færi til þess að tryggja Val sigur
en skot hennar af stuttu færi sigldi
fram hjá marki Þórs/KA. Gestirn-
ir voru aftur á móti ekki hættir
og Zver og Smiljkovic léku í gegn
um vörn Vals og Zver skoraði svo
sigurmarkið í uppbótartíma með
skoti af stuttu færi. Ótrúlegur
sigur Þórs/KA í kaflaskiptum leik
þar sem gestirnir voru hættulegri
í fyrri hálfleik en Valur í þeim
seinni.
Dragan Stojanovic þjálfari
Þórs/KA var eðlilega í skýjun-
um við leikslok í gær. „Ég er ekki
bara sáttur við stigin þrjú held-
ur líka spilamennsku míns liðs.
Mér fannst allt ganga upp sem
við lögðum upp með. Mér fannst
sigurinn verðskuldaður þar sem
við fengum mörg dauðafæri í
fyrri hálfleik en ég viðurkenni
að ég var orðinn smeykur í síðari
hálfleik um að okkur yrði refs-
að fyrir að nýta ekki okkar færi.
Það var því enn sætara þegar sig-
urmarkið kom og við erum búnar
að koma okkur á kortið í fótbolt-
anum á Íslandi og við viljum gera
enn betur. Það getur allt gerst á
lokakaflanum og við erum sátt við
þriðja eða fjórða sætið, en ef við
gerum enn betur þá verður það
frábært,“ segir Dragan ánægður.
omar@frettabladid.is
Toppbaráttan opnaðist upp á gátt
Norðanstúlkur í Þór/KA unnu frækinn 1-2 sigur á Íslandsmeisturum Vals í toppbaráttuslag Pepsi-deildar
kvenna í gærkvöld. Nú þegar fjórar umferðir eru eftir eru þrjú lið efst og jöfn á toppnum.
SIGURMARK Í BLÁLOKIN Norðankonur fagna hér öðru marka sinna gegn Íslandsmeisturum Vals í gær. FRÉTTABLAÐIÐ/STEFÁN