Fréttablaðið - 13.08.2009, Blaðsíða 24

24 13. ágúst 2009 FIMMTUDAGUR
timamot@frettabladid.is
„Það er mjög spennandi starf að taka
við Listdansskólanum enda hefur
hann í gegnum tíðina verið kunnur
fyrir gæði og mikil þekking býr meðal
starfsliðs hans,“ segir Lára Stefáns-
dóttir en hún tók formlega við starf-
inu síðastliðið vor. Nú er hennar fyrsta
skólaár í stöðu skólastjóra að hefjast
en Lára er einn okkar fremsti dans-
ari og danshöfundur og hefur unnið
til fjölda viðurkenninga og verðlauna
fyrir verk sín. Lára lauk meistaranámi
í kóreógrafíu við Middlesex University
í London vorið 2006 en hún hefur starf-
að sem atvinnudansari frá árinu 1980,
þar af í ein 22 ár með Íslenska dans-
flokknum.
Lára segir að hún muni halda uppi
þeirri stefnu skólans að efla gæði
dansins með því að gera kröfur og við-
halda aga en um leið megi ekki gleyma
að hafa starfið skemmtilegt. „Þetta
verður nefnilega líka að vera gaman
og dansgleðin er í raun númer eitt, tvö
og þrjú. Við reynum að hugsa okkur,
nemendur og kennara, sem eina heild
- að allir séu að vinna að sama mark-
miði og áhuginn komi innan frá.“
Lára segir einverra áherslubreyt-
inga mega vænta undir hennar stjórn.
„Við hyggjumst leggja áfram áherslu
á klassíska grunninn og formið sem er
afar mikilvægt í góðum dansi. Þannig
að það er spennandi að einblína á að
styrkja gæði dansins - undirstöðurn-
ar. Þjálfunin í nútímalistdansinum og
klassíska dansinum munu haldast þétt
í hendur því að öll góð dansþjálfun
styrkir hvort tveggja. Hraðinn er að
minnka í þjóðfélaginu og margt er að
hverfa aftur til gömlu, góðu gildanna.
Það má ef til vill segja að það sama
eigi við í dansinum. Við ætlum einnig
að efla lifandi tónlistarflutning í dans-
sýningum skólans í samstarfi við tón-
listarnemendur.“ Nú þegar eru sam-
starfsviðræður hafnar við Tónskóla
Sigursveins.
Síðasta vetur voru um 150 nemendur
í skólanum en nýtt skólaár hefst senn
og inntökupróf í skólann, á grunn-
skóla- og framhaldsstigi, verða nú á
laugardaginn í húsnæði skólans að
Engjateigi. „Ég vona að sem flestir,
sem áhuga hafa á listdansinum, komi
og þreyti inntökupróf, bæði strákar
og stelpur.“ Yngri nemendur, 9-12 ára,
verða milli klukkan 11 og 12 en 12-15
ára hópurinn er frá 12 til 13 í prófum.
Gott er að nemendur skrái sig áður og
hægt er að gera það rafrænt á www.
listdans.is. En hvað þarf góður dans-
ari að hafa til brunns að bera og hvað
gefur listdansnám nemendum? „Góður
dansari þarf að hafa áhugann, að vilja
fara inn í þessa erfiðu en skemmtilegu
vinnu og einnig hjálpar þolinmæð-
in - ekkert gerist á einum degi. Gott
tónlistareyra, góð samhæfing hreyf-
inga, ástríða fyrir dansinum og það
að kunna að hlusta á líkamann er líka
mikilvægt. Dansinn er svo frábært
veganesti í framtíðinni - jafnvel þótt
nemendur hætti að dansa, hann lifir
innra með okkur samt og einstakling-
ar sem læra dans læra að bera virð-
ingu fyrir sjálfum sér og dansinum
sem slíkum.“
Það sem gefur Láru sjálfri mest í
hennar starfi segir hún tengjast því að
sjá framfarir hjá nemendum. „Það erf-
iðasta er svo það að öll erum við ólík
og höfum ólíkar þarfir. En um leið er
það verkefni - að vinna að því að sem
flestir séu sáttir, líði vel og að dans-
námið skili sem bestum árangri.“
juliam@frettabladid.is
LÁRA STEFÁNSDÓTTIR: ER NÝR SKÓLASTJÓRI LISTDANSSKÓLA ÍSLANDS
Horfið aftur til gömlu góðu
gildanna í dansþjálfuninni
GAMAN AÐ FYLGJAST MEÐ FRAMFÖRUM NEMENDA Lára Stefánsdóttir, skólastjóri Listdansskóla
Íslands, segir alltaf skemmtilegast að fylgjast með dönsurum skólans ná jöfnum og þéttum
framförum, en mikla þolinmæði þurfi í námið. FRÉTTABLAÐIÐ/GVA
ALFRED HITCHCOCK (1899-1980)
FÆDDIST ÞENNAN DAG.
„Morð í bíómyndum eru
öllu jafna mjög hreinleg. Ég
sýni hins vegar hve erfitt
og sóðalegt verk það er að
drepa mann.“
Alfred Hitchcock er einn
þekktasti kvikmyndaleik-
stjóri og -framleiðandi allra
tíma. Myndir hans eru fleiri
en sextíu.
MERKISATBURÐIR
1900 Minnisvarði um Norð-
manninn Otto Wathne
(1844-1898) er afhjúpað-
ur á Seyðisfirði en hann
var frumkvöðull í verslun
og útgerð í bænum.
1942 Walt Disney frumsýnir
teiknimyndina Bamba í
New York.
1960 Mið-Afríkulýðveldið hlaut
sjálfstæði frá Frakklandi.
1961 Byrjað að reisa Berlínar-
múrinn. Múrinn er látinn
skilja að Vestur-Berlín og
Austur-Þýskaland.
1985 Þriggja ára drengur frá
Dublin er yngsta mann-
eskjan, hingað til, til að fá
nýtt hjarta og ný lungu.
Aðgerðin fer fram í Lond-
on.
1993 Kvikmyndin Júragarðurinn
er frumsýnd hér á landi.
Á þessum degi árið 1908
klifu tveir menn Herðubreið
fyrstir manna. Afrekið unnu
Hans Reck, jarðfræðingur
frá Þýskalandi, og Sigurður
Sumarliðason bóndi. Fjallið
hafði fram að því verið talið
ókleift.
Hans hafði ferðast um
Ísland allt sumarið 1908,
byggð og öræfi, og var ný-
kominn úr Öskju-göngu
þegar hann komst upp á
fjallið suðvestan megin.
Sigurður var á fimmtudagsaldri þegar gang-
an var farin en faðir hans var mörgum kunnur:
Sumarliði póstur - en hann sá um langt skeið
um að bera póstinn á Vesturlandi og síðar norð-
ur á land.
Hans og Sumarliði hlóðu
vörðu er upp á fjallið kom,
svo háa að hún sást úr
Herðubreiðarlindum. Á
fjallinu gerðu þeir nokkrar
uppgötvanir, og skar Hans
úr um það að Herðubreið
væri gamalt útbrunnið eld-
fjall en ekki jökull - en
menn höfðu deilt um það
lengi. Að lokum fundu þeir
nýja leið frá Herðubreið að
Öskju, austan við Vikrafell
og í Fjallkonunni, 12. sept-
ember, 1908, er sagt að sú leið sé „víða góð og
greiðfær, svo að þar mætti skreiðríða“.
Herðubreið var valið þjóðarfjall Íslendinga í
kosningu fyrir nokkrum árum, en það er 1.682
metra hátt móbergsfjall.
ÞETTA GERÐIST: 13. ÁGÚST 1908
Gengið á Herðubreið í fyrsta sinn
HERÐUBREIÐ
AFMÆLI
ODDGEIR
EINARSSON
lögfræð-
ingur er 32
ára.
PÁLL BERG-
ÞÓRSSON,
fyrrum
veðurstofu-
stjóri, er 86
ára.
SIGURÐ-
UR GÍSLI
PÁLMASON
framleið-
andi er 55
ára.
SIGRÍÐUR
DÚNA
KRIST-
MUNDS-
DÓTTIR
prófessor er
57 ára.
Elskuleg móðir mín, tengdamóðir og
amma,
Sigurlaug Sigurðardóttir
nuddkona, áður til heimilis að Einarsnesi 64,
lést á Vífilsstöðum 8. ágúst sl. Útför hennar fer fram
frá Neskirkju föstudaginn 14. ágúst kl. 11.00.
Páll Árni Jónsson Ásdís Björgvinsdóttir
Jón Helgi Pálsson Lilja Garðarsdóttir
Kristbjörg Pálsdóttir
Elskulegur eiginmaður minn, faðir okkar,
tengdafaðir, afi og langafi
Karl Bóasson
fyrrverandi lögreglumaður,
Rjúpnasölum 14, Kópavogi,
sem lést á líknardeild Landakotsspítala 25. júlí sl.,
verður jarðsunginn frá Neskirkju föstudaginn 14. ágúst
nk. kl. 13.00.
Halldóra Jóna Stefánsdóttir
Emil Brynjar Karlsson Sigrún Sigtryggsdóttir
Anna Sigríður Karlsdóttir Bjarni Rúnar Þórðarson
Örn Karlsson Siriworraluck Boonsart
barnabörn og barnabarnabörn.
Hjartkær eiginmaður minn, faðir okkar,
tengdafaðir, tengdasonur, afi og langafi,
Guðmundur Magnússon
byggingameistari, Akranesi,
er lést á Sjúkrahúsi Akraness 31. júlí, verður jarðsung-
inn frá Akraneskirkju 14. ágúst kl. 14.00. Þeim sem
vilja minnast hans er bent á Oddfellowstúkurnar á
Akranesi eða Sjúkrahús Akraness.

Ástríður Þ. Þórðardóttir
Emil Þór Guðmundsson Guðbjörg Kristjánsdóttir
Sigríður Guðmundsdóttir Gunnar Sigurðsson
Ingibjörg Guðmundsdóttir Jón B. G. Jónsson
Þórey G. Guðmundsdóttir Leifur Eiríksson
Sigríður Guðmundsdóttir
barnabörn og barnabarnabörn.
Ástkær eiginkona mín, móðir, tengda-
móðir, amma, dóttir og systir,
Sólveig Andrésdóttir
lést á heimili sínu þann 8. ágúst síðastliðinn.
Vigfús Birgisson
Birgitta Vigfúsdóttir
Hjörvar Freyr Hjörvarsson
Ísar Hjörvarsson
Enok Hjörvarsson
Daníel Freyr Hjörvarsson
og systkini.