Samvinnan - 01.08.1984, Side 30

Fyrstu ár mín í Kaupfélagi Þingeyinga
búðinni að kveldi eftir þessa stóru
daga. Þó að blessuðum konunum
hefði ekki tekist að hnýta upp á
álnavörustrangana, sem þær höfðu
rakið ofana af, var útgangurinn í
búðinni verri en nokkur mundi trúa,
sem ekki sá. Pétur lagði mikla áherslu
á að vel væri tekið til svo ekki sæist
blettur eða hrukka á neinu, þegar
opnað væri næsta morgun.
Sá einkennilegi siður hafði verið
tekinn upp að vörutalning í kaupfélag-
inu var gerð um miðjan desember, og
að hefja að henni lokinni viðskipti „í
nýjan reikning“, sem kallað var, það
er að sú úttekt sem gerð var að lokinni
talningu var færð í reikning við-
skiptamanna á næsta almanaksári. í
upphafi átti þetta víst að auðvelda
þeim, sem erfitt áttu með jólaviðskipt-
in, vöruúttekt til jólanna. En vitanlega
varð það aðeins í fyrsta skipti.
• Söguleg vörutalning
Að vörutalningunni unnu auk okkar
afgreiðslumannanna í búðinni, Pétur
Sigfússon sölustjóri og Friðþjófur
Pálsson, og enn fremur gæslustjórar
Söludeildar, sem voru Indriði Þorkels-
son bóndi og skáld á Fjalli og Baldvin
Baldvinsson oddviti á Ófeigsstöðum,
og fyrir hönd kaupfélagsstjórnar Karl
Kristjánsson síðar alþingismaður í
Eyvík. Allir þessir þrír síðasttöldu
voru settir okkur til höfuðs, sem með
vörurnar fóru, og skyldu sannprófa að
þar væru engir maðkar í mysunni.
Venjulega tók vörutalningin vikutíma
enda var ekki kastað til hennar hönd-
unum. Okkur búðarmönnunum þótti
það skemmtilegur tími, allir þessir
þrír, sem prófa áttu gerðir okkar,
voru stórskemmtilegir menn og gaman
að vinna með þeim. Allar lausar vörur
í hillunum og varningurinn sem hékk
í loftinu var handfj atlaður og talinn og
síðan hlaðið í búlka framan við búðar-
borðið, eftir að magn þess hafði verið
fært inn í listilega gerða bók af Bene-
dikt frá Auðnum þar sem hverju einu
var útbúinn dálkur og varð stundum
nokkur leit að hvar sumt skyldi færast
í þeirri miklu Vöruskrá Söludeildar.
Kornvaran í stóru skúffunum og kaffi-
baunirnar voru vigtaðar nákvæmlega
og hvítur krítarkross merktur á hverja
skúffu eftir að hún hafði verið „visiter-
uð“.
Allir metravörustrangar, sem eitt-
hvað hafði verið tekið af, voru raktir
sundur og mældir upp á sentimetra.
Síðan voru þeir undnir upp að nýju,
sem var nokkur vandi svo vel færi að
ná upphaflegri lögun þeirra. Minnist
ég þess að þeir urðu Indriða sérstak-
lega óþægir og vildu taka á sig annar-
lega lögun, í höndum hans. Þá hló
Birna fallega, en Indriði kastaði fram
vísum, en þær eru nú því miður allar
gleymdar. Þegar búið var að telja,
mæla og vega allt í búðinni og allt
lauslegt var komið í haug framan við
búðarborðið, og Baldvin búinn að
kríta á allar skúffurnar, voru kallaðar
til ræstingarkonur til að þvo hillur, loft
og alla króka og kima í búðinni, áður
en raðað væri upp í hana á ný. Þá
ilmaði búðin öll af hreingerningarlykt.
Þegar lokið var talningu í búðinni
tók við talning í lagerherbergjunum, í
kjallara, loftum og háalofti. Allrar
sömu nákvæmni var þar gætt, en þar
var venjulega svo kalt að við ætluðum
hreinlega að krókna. Baldvin með
krítina skrifaði ætíð fangamörk okkar,
sem að talningunni unnum, ásamt
dagsetningu óg ártali á súðina í einu
loftherberginu, og þar stendur sú
áletrun enn skírum stöfum.
# Gúmmíflibbar í smáskömmtum
Til voru þær vörur, sem færðar voru
kirfilega á vöruleifaskrá, en voru með
öllu óseljanlegar. Meðal þeirra vara
voru gúmmíflibbar, glerharður fjandi,
en höfðu verið í tísku fyrr meir. Af
þeim gerðist dálítil saga. Ég var ein-
hverju sinni staddur uppi á skrifstof-
unni hjá Pétri og vorum við í besta
Freyr
Fylgist þú með?
„FREYR“
Búnaðarblað. Útg. Búnaðarfélag (slands og
Stéttarsamband bænda.
Allir, sem vilja fylgjast með málum landbúnaðar-
ins, félagslegum sem faglegum, ættu að kaupa
FREY. "
FREYR er alhliða búnaðarblað. Tuttugu og fjögur
tölublöð á ári. Nýir áskrifendur sendi nöfn sín eða
hringi til Búnaðarfélags (slands, Bændahöllinni.
Áskriftargjald 1984 kr. 570,-
Pósthólf 7080.
107 Reykjavík - Sími 19200.
30