Spegillinn - 01.05.1983, Blaðsíða 3

LEIÐARI
Lesandinn.
Spegillinn
<—W Sdmviskd bpðdnnndr
43. árg. 2. tbl. Útgefandi: Félag
áhugamanna um alvarleg málefni. Mál-
gagn félagsins og ríkisstjórnar hverju
sinni. Þiggur gjarnan ríkisstyrk og tekur
við áheitum og framlögum á ávísana-
reikning sinn nr. 40180 við Alþýðubank-
ann, aðalbanka. Lágmarksverð þessa
tbl. kr. 70.-Aðsetur: Grjótagata9,101
Rvík. Ritstjóm, auglýsingar og pantana-
sími fyrir söluturna: 14 2 15. Pósthólf
1169. Starfsmenn: Hjörleifur Svein-
björnsson, Úlfar Þormóðsson. Teikn-
arar: Pétur Halldórsson, Ólafur Péturs-
son. Haus: Auglst. Gísla B. Bjömsson.
Útlit: Björn Br. Björnsson. Aðalljós-
myndari: Gunnar Elísson. Höfundar
efnis: Bestu synir og dætur þjóðarinnar
og nokkrir aðrir. Litgreining: Mynda-
mót. Setning og filmugerð: Prentrún.
Prentun: Prentsmiðjan Oddi hf. Bók-
band: Sveinabókbandið. Askrifandi:
Höskuldur Skarphéðinsson. Lesandi:
(Sjá mynd) gefi sig fram við ritstjórn.
Forsíðumynd: Þjóðarsálin (hrollvekj-
an).
Úrslit kosninganna á dögunum eru hneyksli. Prír af fjórum
frambjóðendum Spegilsins féllu; sá fjórði rétt slefaðist inn á stolnum
og sníktum atkvæðum (sbr. vísnaþátt).
Forsetinn, Geir Hallgrímsson, Spegillinn og meira að segja
Steingrímur Hermannsson eru á einu máli um þetta og jafnframt hitt
að mynda beri sterka stjórn. En hin kolvitlausu úrslit kosninganna
gera það lífsins ómögulegt. Þessi kosningaúrslit má ekki taka
alvarlega. Pað má ekki láta þau viðgangast. Þau munu leiða yfir
þjóðina fáránleikastjórn, guðleysi og lauslæti. Vegna þessa er það
skýlaus krafa Spegilsins að kosið verði aftur. Og það strax.
Útlendur maður skrifaði eitt sinn að svo væri komið í sínu
heimalandi að skipta þyrfti þar um kjósendur ef takast ætti að halda
þar uppi lögum og reglu. Spegillinn trúir því ekki að svo illa sé komið
fyrir þessari þjóð. Hins vegar ætti að fara að huga að því í fullri alvöru
hvort ekki sé rétt að fara að stunda kjósendatilfærslur á milli
kjördæma. Greinilegt er að í sumum kjördæmum hefur fólk mun
minni dómgreind en í öðrum. Þetta dómgreindarlausa fólk þarf að
flytja til og færa í bland við sér ábyrgðarfyllra fólk.
Jafnframt er það orðið lífsspursmál að bestu synir og dætur þessarar
þjóðar hætti að rýta í öskustónni, en skríði þess í stað fram á
þjóðmálasviðið til ábyrgra starfa eins og hringormur úr þunnildi.
Sú ríkisstjórn sem nú situr og uppnefnd hefur verið „starfsstjórn“
í móðgunarskyni, eftir að hafa starfað af mikilli alúð, fórnfýsi og
eljusemi í rúm þrjú ár, hefur fullan rétt á að taka sér frí frá störfum
um stundarsakir.
En þessi þjóð getur ekki verið stjórnlaus eina stund.
Því mun Spegillinn leggja það til við forsetann, frú Vigdísi
Finnbogadóttur, að hún skipi eftirtalda menn í ríkisstjórn þar til kosið
hefur verið á nýjan leik:
Forsætisráðherra verði Ólafur G. Einarsson, sérlegur frambjóð-
andi Spegilsins við síðustu kosningar.
Árni Johnsen fari með málefni Hagstofunnar.
Garðar Sigurðsson fari með friðunarmál í sjó og markaðsöryggis-
mál.
Eggert Haukdal fari með friðunarmál á landi og hafi umsjón með
kirkjujörðum.
Karvel Pálmason fari með landbúnaðarmál og málefni Sinfóníu-
hljómsveitar fslands.
Jón Baldvin Hannibalsson hafi umsjón með aukabúgreinum með
sérstakri áherslu á refarækt og dýragarða.
Kristín Halldórsdóttir fari með utanríkis- og varnarmál.
Ólafur Þ. Þórðarson og Stefán Valgeirsson fari með siðvæðingar-
mál.
Ragnar S. Halldórsson fari með iðnaðarmál, orkumál, geri samninga
við erlend ríki og stóriðjufyrirtæki, fari með sjávarútvegsmál, fjármál,
félags- og heilbrigðismál, menntamál, viðskiptamál svo og dóms- og
kirkjumál.
Yfirvöldin eru góð. Fyrir þeim berum við virðingu séu þau rétt
kjörin. Því skal gengið til kosninga á nýjan leik og aftur og enn aftur
eða þar til þeir menn, sem orðaðir hafa verið við útlagastjórn (sjá
fréttir) hafa náð kjöri til Alþingis og myndað hina sterku stjórn.
3