Spegillinn - 01.05.1983, Blaðsíða 12

Jón Baldvin
kaupir
hrædýrasafniö
Spegillinn hefur það eftir
Bryndísi Schram, að Jón
bóndi hennar Baldvin,
alþm., hafi ákveðið að kaupa
hrædýrasafnið í stað þess að
láta loka því.
Mun ætlun Jóns að auka
veg safnsins og hefur hann
þegar fest kaup á 23
afbrigðum af ref, tófu og
skollum og látið flytja í
safnið, flóðhest frá
Argentínu og hringorma af
Tjörnesi. Jón hefur einnig
tryggt sér útflutning á
hringormakyni þessu til
Kaliforníu og hefst
útflutningur orma og púpa
strax og leyfi fæst hjá
viðskiptaráðuneytinu.
Jón mun sjálfur ætla að
veita safninu forstöðu nema
ef hann verður
þingflokksformaður eða
ráðherra. Fari svo mun
Ámundi Ámundson
umboðsmaður Jóns sjá um
reksturinn.
Hlustendakönnun
Rúv.
Spegillinn birtir hér fyrstur
blaða niðurstöður úr
hlustendakönnun
Ríkisútvarpsins með fullu
samþykki Andrésar
Björnssonar, útvarpsstjóra:
Af 1600 manna úrtaki
neituðu 832 að hlusta.
Af þeim 768 sem þátt tóku
voru 217 hlustunarhamlaðir,
nákvæmlega 200 höfðu ekki
útvarp, 132 hlustuðu adrei á
útvarp og 78 hlustuðu aðeins
á Keflavíkurútvarpið eða
Lúxembúrg.
Af þeim 141 sem útvarp
heyrðu hlustuðu 53 í strætó á
leið úr og/eða í vinnu, 52
hlustuðu lítið á sumt og
ekkert á flest og nær
eingöngu til að útiloka sig frá
heimilisþrasi. 18 hlustuðu á
upphaf verðurfregna kl.
Geir H. Haarde biður fyrir þjóðinni. Ljósm. Spegillinn.
16:15 og þrír þeirra á alla
fregnina, 11 hlustuðu á
óskalög sjúklinga, einn
hlustaði á hádegisfréttir og
einn hlustaði á dagskrána
alla, frá morgni til kvölds,
mánudaginn 2. maí, Þorkell
Guðjónsson frá Bæ í Ölfusi.
Hann liggur nú á
gjörgæsludeild og er tvísýnt
um heilsu hans.
Nýr
svæfingalæknir
Mörgum þótti Ólafur
Jóhannesson, alþingismaður,
með eindæmum daufur og
sofandalegur á
kosningafundi DV í
Háskólabíó rétt fyrir
kosningar. f tvígang náði
hann að drepa niður alla
stemmningu í húsinu með svo
snöggum hætti, að fjöldi
manns sofnaði á stundinni,
einsog klórformi hefði verið
úðað yfir fundargesti.
Nú herma nýjustu fréttir
að Ólafur Jóhannesson hafi
verið ráðinn sem
svæfingalæknir við
Bogarspítalann.
Við beitum bara
hörðu
„Þetta gekk andskotann
ekki neitt hjá okkur,“ sagði
Jóhannes Nordal við
tíðindamann Spegilisins er
hann spurði hvernig
þjóðarátak Seðlabankans til
að byggja banka hefði tekist.
„Þjóðin er orðin löt og nísk
af ofeldi og tímir ekki að sjá
af nokkur hundruð miljónum
króna í þjóðþrifnað. Hún
skal ekki hafa betra af því.
Nú munum við grípa til
ýmissa ráða. Okkar eigin
ráða. Við munum ekki
einasta láta afnema
vísitölubætur á laun og hirða
þær sjálfir, heldur munum
við einnig láta draga úr
hinum gegndarlausa
fjáraustri til hinna ýmsu
félagslegu mála og veita
honum þess í stað í
Seðlabankahúsið. Þetta er
forgangsverkefni og allt
annað verður og skal sitja á
hakanum sem ég hundur
heiti,“ sagði seðlabankastjóri
að lokum og bar ótt á.
Helgistund
Sú nýlunda hefur verið
tekin upp í flokksstarfi hjá
Sjálfstæðisflokknum að
halda helga stund morgun
hvern og miðjan dag.
Hyggjast sjálfstæðismenn
með þessu efla guðsótta og
góða siðu innan flokksins.
Ættarmót hjá
fiugumferðarstjóra
Hinn nýi flugumferðar-
stjóri, Pétur Einarsson, hélt
ættarmót og
baráttusamkomu í
flugturninum á
Reykjavíkurflugvelli 1. maí
sl. Mættir voru flestir
ættingjar hans, sem starfa
hjá embættinu; faðir hans,
bróðir, tveir frændur að
vestan, eiginkona
föðurbróður hans og auk þess
tvær fyrrverandi ástkonur
flugumferðastj órans.
Samkoma þessi fór vel
fram í hvívetna.
Veislustjóri var
Steingrímur Hermannsson,
samgönguráðherra.
Útlagastjórn
í gær gerði Geir
Hallgrímsson tilraun til að
mynda útlagastjórn. Hann
boðaði til fundar við sig þá
Ólaf Ragnar Grímsson,
Sighvat Björgvinsson,
Sigurlaugu Bjarnadóttur,
Ingólf Guðnason, Árna
Gunnarsson og Magnús H.
Magnússon.
Geir var hortugur við
fréttamenn að loknum fundi
sínum með þeim
framantöldu, og sagði að þeir
hefðu eyðilagt fyrir sér
stjórnarmyndunartilraunimar
á dögunum og krafðist þess
að fá frið við þessa
stjórnarmyndun. Ók hann
síðan burt á vörubíl af
Scanía-Vabis gerð.
12