Spegillinn - 01.05.1983, Blaðsíða 17

Af öðrum nýjum (og göml-
um þó) þingkonum má helst
nefna Ragnhildi Helgadóttur.
Móðir hennar var Kristín
Bjarnadóttir frá Engey, móð-
ursystir Bjarna Ben og þeirra
systkina. Þannig eru bröderne
Blöndal (Halldór og Harald-
ur) náfrændur hennar og sama
má segja um Björn Bjarna-
son yfirritskoðara Morgun-
blaðsins og Valgerði, konu
Vilmundar. Þór Vilhjálms-
son, maður Ragnhildar, og
Vilmundur eru einnig bræðra-
synir. Ragnhildurerréttborin
til þingmennsku í bak og fyrir
og dettur varla út af þingi
héðan af.
Og þá verður að sjálfsögðu
að geta þeirra Vilmundar-
kvenna. Kristín S. Kvaran er
að vísu ekki Kvaran og þar af
leiðandi ekki náskyld Ragn-
ari Arnalds (langafi hans var
Einar Kvaran) en aftur á móti
er hún hamingjusamlega gift
inn í ætt þessa og skýrir það
að sjálfsögðu veru hennar á
þingi.
Ekki hefur enn unnist tími
til að rannsaka ættir Kolbrún-
ar Jónsdóttur gagnfræðaskóla-
nema á Húsavík en telja má
víst að hún sé Þingeyingur og
er það ærið nóg.
Af öðrum nýjum þingmön-
um verða hér nefndir þrír til
sögu:
Steingrímur Sigfússon frá
Gunnarsstöðum í Þistilfirði
er kominn í beinan karllegg
af Skallagrími Kveldúlfssyni
enda maður mikill, sterkur
og ljótur og snemma sköllótt-
ur. Mun hann höggva mann
og annan ef hann kemst til
vits og ára, eins og stundum
gerist í þeirri ætt.
Guðmundur Einarsson. fóst-
bróðir Vilmundar, er hins veg-
ar kominn út af launsyni
Skarphéðins Njálssonar, þess
er fannst lifandi undir bruna-
rústunum á Bergþórshvoli
hálfum mánuði eftir brunann.
Ber ættin þess enn merki og
glottið er hið sama. Verður
gaman að sjá til þeirra Stein-
gríms saman á þingi.
Hinn þriðji er Ámi John-
sen sem telur til skyldleika
við Eggert Haukdal og Egil
Jónsson á Seljavöllum. Eru
þeir taldir fjórmenningar,
komnir frá bræðrum þremur
er bjuggu á Bakka í Svarfað-
ardal. Er Árni kominn af
Gísla, Eggert af Eiríki og
Egill af Helga. Ekki er vitað
nákvæmlega hvernig ættir
þessar koma saman enda hafa
týnst úr liðir. Gíslanafnið
helst þó enn í ætt Árna,
Eggert er skírður í höfuðið á
Eiríki langafa sfnum en Helga-
nafnið hefur algjörlega týnst
í ætt Egils. Þó mun það vera
til í Borgarfirði.
Kjartan Olafsson Illviljarit-
stjóri náði ekki kjöri á Vest-
fjörðum fremur en endranær
og verður ofættum (nýyrði
mitt, innskot höfundar) um
kennt. í framboði var nefni-
lega líka frændi hans, Ólafur
Þ. Þórðarson framsóknar-
maður, og eru þeir systkina-
börn í báðar ættir og öðrum
því algjörlega ofaukið (í
þessu tilfelli Kjartani). Betur
hefði getað farið ef Ólafur
væri faðir Kjartans (sbr.
Gunnar og Ellert o.fl.) og
kannski er hann það. Altént
er Kjartan Ólafsson.
Allt öðru máli gegndi um
þá frændur Jón Helgason
framsóknarmann og Hjörleif
Guttormsson í ráðuneytinu.
Þeir eru bara systrabörn í
aðra ættina og auk þess í
framboði hvor í sínu kjör-
dæmi.
Að lokum til gamans ætt-
rakning Steingríms Her-
mannssonar. Hún er svona:
Steingrímur tilvonandi for-
sætisráðherra (einhvem tíma)
Hermannsson forsætisráðherra
Jónassonar fyrrverandi for-
sætisráðherra á Syðri-Brekk-
um í Blönduhlíð Jónssonar í
Bakkakoti Jónssonar herði-
breiðs Magnússonar Skúla-
sonar fógeta. Þetta er svo-
kölluð Bakkakotsætt sem und-
ir engum kringumstæðum má
mgla saman við Bakkabræðra-
ættina sem fyrr gat um.