Fálkinn - 21.08.1963, Blaðsíða 31

Nóttina áður en skipið náði höfn. Þú
mannst sennilega eftir yfirheyrslunni.
Þar kom ekkert í ljós, sem leyst gæti
gátuna. Skömmu síðar var mér falið
málið. Þar var sérstaklega eitt atriði í
vitnisburði eins vitnisins, sem ég gat
ekki hætt að hugsa um. Morðinginn,
hver sem hann nú var, íæddist inn til
fröken Everett, rétt áður en kona nokk-
ur kom út úr næsta klefa — og hún
heyrði fröken Everett segja: —„Ralph,“
áður en hurðin féll að stöfum. Nú vill
svo til, að frændi fröken Everett, sem
hún bjó með þangað til hún lézt, heitir
einmitt Ralph. Auðvitað getur verið að
hún í nauðum sínum hafi hrópað nafnið
á þeirri manneskju, sem stóð henni
næst, þegar ráðist var á hana, en vitnið i
fullyrti, að það hefði verið undrun í
rödd hennar, eins og maður með þessu
nafni hefði óvænt komið inn til henn-
ar ..
— En það getur ómögulega hafa verið
frændi hennar, sagði Amanda. — Ég
man að það kom fram við réttar-
höldin . ..
— Ég veit það, sagði Munro. En ég
gat ekki gleymt þessu og fannst að ég
yrði að kynna mér hvar Ralph hefði
verið, þegar morðið var framið. Fyrir
nokkrum vikum heimsótti ég hann.
Hann býr ennþá í húsi frænku sinnar
við Kent ströndina. Glæsilegur maður,
mjög íþróttamannslegur í útliti. Hann
stundar mikið skemmtisiglingu. Eftir
því sem hann sagði, var hann aleinn
á siglingu í kænunni sinni, meðan
frænkan var í heimsókn hjá vinkonu
sinni í New York. Mér tókst að komast
að því hvenær hann lagði af stað á
kænunni og hvenær hann kom heim
aftur, en ekki hvað hann gerði í milli-
tiðinni og hann gat ekki komið með
nein vitni. Ég fór að brjóta heilann um,
hvort hér gæti verið um að ræða þraut- I
hugsað og vel yfirvegað samsæri. Dauði
fröken Everetts gæti komið sér vel fyr-
ir erfingjana, hún lét eftir sig mikinn
auð, sem Ralph frændi hennar fékk.
Það var því nauðsynlegt að samsærið
væri þrauthugsað, auðvitað myndi grun-
urinn beinast fyrst og fremst að honum,
sem aðalerfingja hennar. Að minnsta
kosti reyndi ég að grafast fyrir um allar
gerðir hans. Ég áleit, að hann hefði
getað flogið til New York með falskt I
vegabréf. Ég komst að því, að hann :
hafði áður átt í útistöðum við lögregl-
una vegna fölsunar á vegabréfi — þó
að hann hefði auðvitað ekki sagt
frænku sinni frá því. Og ef hann í raun
og veru hafði flogið til New York áleit ;
ég, að ef til vill hefði honum tekist að \
komast heim með Carmania, sem laumu- j
farþegi.
Amanda kinkaði kolli. — Nú fer ég I
að skilja..
— Ég er að reyna að sanna að hann ]
hefði getað gert þetta. Mig vantar bara :
síðasta hlekkinn í keðjuna. Nú er ég
viss um, að þetta er hægt. Hann gat
hafa keypt sér gúmmíbát í Ameríku.
Ég veit, að hann þekkti til þeirra, því
að ég sá sams konar bát í bátaskúrn- \
um hans. Framh. á næstu síðu.
Feta í fót-
spor for-
eldranna
í nýrri kvikmynd, sem Frank
Sinatra framleiðir, heita stjörn-
urnar Sinatra og Martin. Þetta
eru þó ekki þeir Frank og Dean,
heldur dætur þeirra, sem heita
Nancy og Claudia.
Nancy er 23 ára og Claudia 19.
Ný kynslóð hefur komið til sög-
unnar í Hollywood, það eru mörg
börn frægra kvikmyndaleikara,
sem eru farin að feta í fótspor
foreldranna. Sumt af þessu unga
fólki er gætt hæfileikum, sumt
ætlar sér að fljóta á fornri frægð
foreldranna.
En þessu unga fólki er yfirleitt
tekið vel af framleiðendum og
leikstjórum, vegna þess að pabbi
og mamma hafa getið sér gott orð.
Af þeim efnilegri má nefna þessi:
★ Bronwyn Fitz Simons, nítján
ára. Hún líkist mjög móður sinni
í útliti þ. e. eins og Maureen O’-
Hara leit út fyrir tuttugu árum.
Bronwyn hefur leikið í fimm sjón-
varpsþáttum og einni kvikmynd.
Hún hefur mikinn áhuga á söng.
★ Jim Mitchum er tuttugu og
tveggja ára. Hann er sonur Ro-
berts og hefur farið með mörg
aukahlutverk og eitt aðalhlutverk.
Hann líkist mjög föður sínum, en
skortir kraft hans.
★ Julie Payne er tuttugu og
þriggja. Hún er dóttir leikarans
John Payne og þótti standa sig
mjög vel, er hún lék í myndinni
„The Best og Everything“.
★ Frank Sinatra yngri syngur
nú með hljómsveit Tommy Dorsey
og áheyrendum finnst þeir komnir
aftur í Paramount Theatre árið
1940.
★ Anna Massey er tuttugu og
fimm ára. Hún er dóttir Raymond
og hefur leikið í nokkrum mynd-
um við góðan orðstír. Bróðir henn-
ar, Daniel, er tuttugu og níu ára
og er lagður út á leiklistarbraut-
ina.
★ Liza Minnelli er sautján ára
og dóttir Judy Garland. Hún Iék
í söngleik á Broadway, sem nefnd-
Framh. á næstu síðu.
BRONWVN flTZSlMONS
ÍCi.LiK6{i'
FALKINN