Fálkinn - 26.10.1964, Blaðsíða 37
Kæri Astró!
Mig langar mjög mikið til
að fá einhverja vitneskju um
framtíð mína. Ég er fædd 1946
kl. 12.15 e.h. Nú sem stendur
er ég við verksmiðjuvinnu, en
er að hugsa um að skipta um,
er það ráðlegt? Ég hef kynnzt
þrem strákum og líkar vel við
þá alla. Getur komið til greina
að einhver þeirra verði maður-
inn minn. Ég hef hugsað mér
að fara í skóla árið 1965—
’66, getur það orðið?
Mér þætti vænt um að þú
segðir mér eitthvað um heilsu-
far, fjárhag og ástir í framtíð-
inni og hve mörg börn ég muni
eignast.
Fyrirfram þökk.
Óla.
Svar til Ólu:
Það fyrsta sem vekur eftir-
tekt í stjörnukorti þínu er að
allar plánetur nema ein eru
á efri helming kortsins og
beztu pláneturnar rísa sem
kallað er. Þetta bendir til þess
að þú munir taka mikinn þátt
í opinberu lifi og geta náð hátt.
Það eru þó sérstaklega félags-
málin sem þú ættir að einbeita
þér að og ættir þú að geta orðið
leiðandi manneskja á þeim
sviðum. Júpíter í ellefta húsi
bendir einnig til að vinir þínir
verði þér mjög hliðhollir og
margar vonir þínar og óskir
rætist.
Sporðdrekamerkið rísandi
bendir til að þú sért mjög til-
finningarík, en hlédræg og á
stundurn nokkuð leyndardóms-
full, Sporðdrekamerkisáhrifin
eru nokkuð sterk í eðli þinu
þótt sólmerki þitt sé í Vogar-
merkið, og ávallt er nokkur
hætta á að tilfinningarnar ráði
um of gjörðum þínum. Ekki
er gott að segja um það hvort
þú munir giftast einhverjum
af þeim piltum sem þú nefnir,
til þess þyrfti ég að hafa fæð-
ingarstund og stað þeirra en
það er visst aðdráttarafl sem
tengir þig hinum tveim fyrr-
nefndu, en búast má við að
aðeins sé um að ræða augna-
bliks ástríðu. Þegar Venus er
rísandi á austurhimni við fæð-
ingu eykur hann löngun fólks
til að dvelja sem mest í félags-
skap annarra og bendir einnig
til þess að þú eigir auðvelt með
að stofna til kunningsskapar og
vináttubanda. Þetta gerir þig
glaðlynda og einnig munt þú
búa yfir nokkrum listrænum
hæfileikum.
Þegar merki Vogarinnar er
á geisla tíunda húss er þörf
nokkurrar vandvirkni í starfs-
vali. Það er listrænt og skraut-
næmt merki og gefur hæfni í
meðferð lita, fegrunarlyfja og
ilmvatna, einnig hárgreiðslu og
öðrum fegrunaraðferðum, svo
og meðferð og ræktun blóma.
Nokkuð munu fjármálin
verða breytileg eftir giftingu,
og tíðar sveiflur í tekjum og
gjöldum.
Þú hefur tilhneigingu til að
taka ástamálin mjög alvarlegy'
nærri frá upphafi kynna og
þegar ástasamband hefur kom-
izt á rekspöl er rík þrá eítir
að halda því við. Þú átt á hættu
að verða fyrir vonbrigðum ef
þú verður fyrir svikum eða þér
er ekki sýnd full einlægni. _
Þetta merki bendir til eðlilegr-
ar löngunar eftir börnum og
ástar til þeirra, en bendir þó
ekki til margra barna en búast
má við að þau verði einlæg
og kærleiksrík.
Merki Nautsins á geisla
sjötta húss gefur þér líkamlegt
þol og veitir þér styrk til að
standa gegn ásókn sjúkdóma,
samt þarftu ávallt að gæta
stillingar i mataræði og forðast
ofneyzlu matar og drykkjar.
Yfiríeitt ætti heilsufarið að
geta orðið gott
★
FÁLK.INN i