Fálkinn - 05.04.1965, Blaðsíða 24

# Röndótti trefiliinn
Framh. af bls. 13.
María sat þegjandi og Jóhannes áleit að það væru áhrifin
af jarðarförinni, sem hryggðu hana svo mjög.
Hvernig átti hann að gruna að María hafði fyist nú fengið
hugboð um að bróðir hennar væri ekki saklaus?
Á meðan presturinn hélt ræðu sína um hið illa í heiminum
og áhrif hins illa á mennina, svo að þeir freistuðust til að
fremja þann glæp að hrífa ungt líf úr þessum heimi, hafði
sú hugsun gerzt sífellt áleitnari við hana, að Sigfús bróðir
hennar væri sekur.
Hún vissi eiginlega ekki hvers vegna hún áleit þetta. Það
var ekki vegna þess að hún hefði nú ástæðu til þess. Á meðan
allt benti til sektar hans, hafði hún verið sú eina, sem trúði á
sakleysi hans og treysti honum, en nú — nú, þegar honum
hafði verið sleppt úr varðhaldinu, var hún sannfærð um að
hann væri morðinginn.
Hvað var það eiginlega, sem hafði komið henni til að
gruna hann? Var það þetta undarlega augnaráð, sem hann
gaf henni um leið og hann kom inn í stofuna í gær?
Eða voru það orðin, sem hann hafði sagt við hana?
Hún vissi það ekki og hún leit á unnusta sinn með bæn
í augum:
„Við stöndum alltaf samán, hvað sem skeður, er það ekki,
Jóhannes?
„Jú,“ svaraði hann undrandi. „Auðvitað stöndum við alltaf
saman. Við tvö.“
SÖGUMMI LÝKUR í MÆSTA BLAÐI. ÞÁ
HEFST MV, SPEMMAMDI FRAIVIHALDS-
SAGA ER HEITIR „STÚLKAM í GULU
KÁPUMMI” FYLGIZT MEÐ FRÁ BYRJ-
UM.
mailiir
KLÆÐIST FÖTUM
FRÁ OKKUR
i stjörnurnar
Kæri Astró,
Mig langar til að vita eitthvað um framtíðina.
Ég er trúlofuð og á eitt barn. Ég er faedd 1945 og kærastinn
minn sama ár. Mig langar til að nefna það helzta, sem mig
langar til að vita. Hvernig verður heilsufarið?. Hversu mörg
börn eignast ég? Hvernig verður fjárhagurinn.
Með fyrirfram þökk, Veiga.
Svar til Veigu:
Ég held, að þið munið ekki
eignast mörg börn, því að
hvorugt ykkar er með frjósamt
merki á geisla fimmta húss,
sem stendur fyrir börn. Merki
Krabbans á geisla sjötta húss
bendir ekki til sérlega sterkrar
líkamsbyggingar, og verður þú
fyrir talsverðum áhrifum frá
umhverfinu, heilsufarslega séð.
Heilsan getur orðið fyrir
skakkaföllum sakir áhyggna
og heimilisástæðna og einnig
vegna tilfinningalegra truflana.
Ég held þó, að þú þurfir ekki
að kvíða heilsuleysi, þar sem
Sólin er í sjötta húsi heilsu-
farsins, og eru hinar plánet-
urnar í góðum afstöðum við
hana. Þú ættir þó alltaf að
temja þér að fara gætilega
með heilsuna, sérstaklega ef
um kvef eða sjúkdóma í brjóst-
holi er að ræða. Þú skalt einnig
gæta varkárni í mataræði. Þið
munið að öllum líkindum ekki
þurfa að kvíða peningaleysi,
og eftir því sem árin líða ætti
ykkur að geta safnazt fé. Þú
ættir frá byrjun að temja þér
að skipuleggja fjármálin, því
Marz er í öðru Jhúsi fjármál-
anna og bendir til þess, að þótt
þú aflir þér fjár með eigin
vinnu og framtakssemi, þá er
alltaf nokkur hætta á að út-
gjöldin verði mikil, því að þú
hefur ríka þörf á að kaupa bæði
í sambandi við atvinnu og þó
alveg sérstaklega til heimilis-
ins, og er þá oft um hreinan
óþarfa að ræða, en með
góðri skipulagningu og svolít-
illi sjálfsafneitun áttu hægt
með að komast í góð efni. Hin
raunverulega peningapláneta,
Venus, er mjög sterk í fjár-
málahúsinu. Einnig hefur kær-
astinn þinn Sólina í þessu
húsi, og bendir það til hagn-
aðar í sambandi við viðurkenn-
ingu fyrir vel urinin störf.
Þið hafið bæði áhuga á að
eignast fagurt og gott heimili,
og þið munuð verða samhent
með það. Árið 1965 er heppi-
legt til stofnunar heimilis og
hjónabands fyrir þig, og það
gæti verið um nokkrar breyt-
ingar á aðsetri að ræða í sam-
bandi við það. Hin meðfædda
metnaðargirnd þín mun að öll-
um líkindum valda hjá þér til-
hneigingu til einræðis á heim-
ilinu og til að taka ekki nægi-
legt tillit til skapferils makans.
Þetta skaltu um fram allt var-
ast, því að tilvonandi eigin-
maður þinn er þannig skapi
farinn, að hann vill ekki láta
segja sér fyrir verkum, heldur
stjórna sjálfur.
FALKINN