Fálkinn - 31.01.1966, Blaðsíða 21

UMHYGGJA
EIGINKONUNNAR
LUIASAGAN ^
EFTIR \J-
WILLY BREINHOLST
VEIKINDI eru nokkuð, sem leggst
þungt á alla. Ekki hvað sízt á
Maríönnu. Þær eru ekki litlar áhyggj-
urnar, sem hún gerir sér í hvert skipti,
sem ég verð veikur einn dag eða svo.
Eins og núna um daginn. Ég get kannski
bezt gefið yður hugmynd um við hvað
ég á með því að hafa eftir nokkrar af
þeim setningum, sem ég heyrði til
hennar og hún hafði eftir sjálfri sér
þann daginn. Það byrjaði með því að
hún hringdi í lækninn:
— Það er vegna mannsins míns lækn-
ir, sagði ég hikandi. Ég veit ekki hve
alvarlegt það er, en þér verðið endi-
lega að koma eins fljótt og þér mögu-
lega getið, því maður veit aldrei hvern-
ig svona nokkuð þróast. . .. Honum er
illt í höfðinu ... eða maganum. ...
Hann á dálítið erfitt með að staðsetja
það, en hann vill ekki taka til sín nær-
ingu og ... Já, þakka yður fyrir lækn-
ir, ev þér komið samt eins fljótt og þér
getið?
Og tíu mínútum síðar:
— Sjáðu nú bara hvað ég kem með
handa þér vinur minn. Hafrasúpu og
eggjamjólk. Svona borðaðu nú þetta.
Heyrirðu það! Ég hef lagt hart að mér
við að búa til hafrasúpuna á þann hátt,
að þú getir alls ekki fundið að það sé
hafrasúpa. Það er jarðarberjasaft sam-
an við hana. Þú getur að minnsta kosti
etið eina skeið. Nú drekktu þá eggja-
mjólkina. Ég læt það ekki viðgangast
að þú borðir ekki neitt. Síðustu fjórtán
dagana, sem hann Viggó frændi tórði
vildi hann heldur ekki ... Svona nú.
Ef ég held undir kollinn á þér á meðan
þú ... Má ég sjá í þér tunguna? Ef það
er gulusótt, getur. maður séð það á
tungunni, en ég man bara ekki hvernig
hún á að vera á litinn, ef það ER gulu-
sótt. Liggur einhver þungi yfir augun-
um, eins og þér finnist ennið þrengja
að heilanum? Þegar Emma frænka lá
í heilahristingnum, var alltaf eins og
þungi ... Þú ert viss/um að þú hafir
ekki gengið á ljósastaur eða fengið múr-
stein í höfuðið, nema að þú ... Já, já
vinur minn, ég skal láta þig í friði.
Og tíu mínútum síðar:
— Já, ég vildi gjarna hafa tal af
lækninum. Er hann farinn? Það var
ágætt, en hann verður að flýta sér,
vegna þess að ég veit ekki mitt rjúk-
andi ráð. Maðurinn minn liggur alltaf
í ein'hverju undarlegu móki og svarar
ekki, þegar hann ... Ég er hrædd um
að það sé vírus eða baktería eða eitt-
hvað þess háttar ... Hann veifar hönd-
unum hvað eftir annað út í loftið, svo
undarlega, eins og hann vilji banda
einhverju frá sér ...
Og tíu mínútum síðar:
— Já halló. Ert þetta þú Lisbeth?
Því miður getum við ekki komið í
kvöld, því maðurinn minn er orðinn
veikur. Við vitum það nú ekki ennþá,
en búumst við lækninum á hverju and-
artaki. Það er aldrei að vita, en það
væri hræðilegt. Er hann hvað? Hafði
hann slæma verki með því? Það er ná-
kvæmlega eins með manninn minn,
hann finnur hvergi til ... Og var það
greint þannig já . .. Það er hræðilegt.
Hvar verður hann jarðaður? Hugsa
sér barasta! Já og maður á bezta aldri
... Jæja, en sem sagt: Við getum ekki
komið, Lisbeth. Veikindin eru herra
mannsins. En við bíðum og sjáum hvað
setur. Ég vona í öllu falli að þeir leggi
hann ekki á einmenningsstofu. Það er
eins og taka vonina af mönnum fyrir-
fram, eða finnst þér það ekki? Ég á
við .. . Þá veit maður allavega á hverju
maður getur átt von . ..
Tíu til fimmtán mínútum síðar:
Ég þoli ekki að sjá þig liggja svona
og lesa blöðin. Ef það er eitthvað að
höfðinu geturðu ofreynt í þér augun.
Nú tek ég öll þessi bjánalegu blöð af
þér og dreg fyrir gluggana, svo hér
verði dimmt og reyndu svo að sofna
dálítið, eða ... Heyrðu! Þú hefur ekki
hreyft við hafrasúpunni. Á ég að gefa
þér linsoðið egg? Eða smyrja handa
þér kex? Nei, heyrðu nú mér! Ég vil
ekki hafa að þú liggir með fæturna
undan sænginni. Það hækkar í þér
hitann. Þegar afi gamli var skorinn
upp við nýrnasteinunum, fékk hann
lungnabólgu í bæði lungun vegna þess
að hann lá með fæturna undan sæng-
inni ... Finnurðu annars nokkuð til i
nýrunum? Það veit ég ekki. Eru þau
ekki vinstra megin? Eða er botnlang-
inn þeim megin? Finnurðu annars nokk-
uð til, þegar þú þrýstir á botnlangann?
Ég ætla rétt aðeins að hringja til
mömmu og spyrja hana hvoru megin
nýrun eru í manni ...
Og við förum nokkrar mínútur fram
í tímann.
— Það var gott að þér komuð læknir.
Hann liggur þarna inni. Ég er búin að
hringja að minnsta kosti sex sinnum og
Framh. á bls. 36,
FÁLKINN 21