Fréttablaðið - 30.10.2009, Side 12

12 30. október 2009 FÖSTUDAGUR
FRÉTTASKÝRING: Endurskoðun Alþjóðagjaldeyrissjóðsins
„Við höfum fremur áhyggjur af
auknu atvinnuleysi en skuldum
heimila og fyrirtækja. Í næstu
endurskoðun okkar munum við
horfa til þess að draga úr hætt-
unni á uppsögnum enda kann
það að auka vanda heimilanna,“
segir Mark Flanagan, yfirmaður
Alþjóðagjaldeyrissjóðsins (AGS) í
málefnum Íslands. Hann hélt síma-
fund í gær í Washington í Banda-
ríkjunum fyrir blaðamenn í gær.
Fundinn sat Franek Rozwadowski,
sendifulltrúi AGS hér á landi.
Sjóðurinn samþykkti fyrstu
endurskoðun á efnahagsáætlun
Íslands í fyrradag.
Tafir í átta mánuði
AGS samþykkti að lána stjórnvöld-
um 2,1 milljarð dala fyrir tæpu
ári og skildi fyrsta greiðslan innt
af hendi að lokinni fyrstu endur-
skoðun efnahagsáætlunar sjóðs-
ins fyrir Ísland. Þetta var fimmta
lánaumsókn Íslendinga síðan 1960.
Síðast veitti sjóðurinn stjórnvöld-
um lán vegna útflutningsbrests
árið 1982. Sendinefnd á vegum
AGS kom hingað til lands í byrj-
un desember. Fyrsta formlega
endurskoðun efnahagsáætlunar-
innar átti að fara fram í febrúar á
þessu ári. Stjórnarskipti í febrúar
og alþingiskosningar í apríl urðu
hins vegar til að tefja endurskoð-
unina. Lítið gerðist þrátt fyrir
væntingar um hið gagnstæða þar
til í fyrradag.
Flanagan var spurður hvort
Icesave-deilur milli Íslendinga,
Breta og Hollendinga hefðu verið
ástæða þess að endurskoðunin
tafðist svo mánuðum skipti. Hann
sagði svo ekki vera, nema með
óbeinum hætti. Dregist hafi að
tryggja fjármögnun lánveitinga til
handa Íslendingum og nauðsynlegt
hafi verið að ná lendingu við alla
sem að málinu koma.
Áður hefur komið fram að þar
var óbeint átt við Breta og Hol-
lendinga.
Nú þegar málið er í höfn telur
Flanagan lánveitingar frá AGS og
fleirum skila sér fljótlega, jafnvel
í dag eða fljótlega eftir helgi.
Lánsfjárhæðin frá AGS nemur
167,5 milljónum dala, jafnvirði 21
milljarði króna. Því til viðbótar má
vænta lána frá Norðurlöndunum
upp á 625 milljarða króna, jafn-
virði 78 milljarða króna. Heildar-
fjárhæðin nemur um hundrað
milljörðum.
Legið hefur fyrir að lánin frá
AGS og öðrum þjóðum verða
notuð bæði til að tryggja greiðslu-
getu ríkissjóðs og styðja við gengi
krónunnar með óbeinum hætti.
Flanagan sagði ekkert því til fyr-
irstöðu að ríkið nýtti lánið til að
endurfjármagna eldri lán, ekki
síst þau lán sem eru á gjalddaga
á næstu þremur árum og á hærri
vöxtum. „Það er leyfilegt, jafnvel
fýsilegur kostur í einhverjum til-
vikum,“ segir hann.
Betri tíð á nýju ári
Flanagan segir endurreisn íslenska
efnahagslífsins ganga almennt vel,
jafnvel þótt skuldir þjóðarbúsins
hafi reynst hærri en AGS ætlaði
í fyrstu. Erlendar skuldir eru nú
rúmlega þrjú hundruð prósent af
landsframleiðslu og langt umfram
það sem AGS hafði áður talið óvið-
ráðanlegt. Öðru máli gegnir nú,
að mati Flanagans sem benti á
breytta stefnu og að grundvöllur
sé fyrir jákvæðum viðskiptaaf-
gangi við útlönd.
„Við gerum ráð fyrir jákvæðum
hagvexti í kringum mitt næsta
ár,“ segir hann og bendir á að end-
urskipulagning bankanna hafi
gengið hraðar fyrir sig en í fyrstu
var ætlað.
Flanagan telur ólíklegt að
Icesave-skuldbindingar Íslendinga
stefni hagkerfinu í voða. Líkur séu
á góðum endurheimtum erlendra
eigna og skuldin kunni að lækka
verulega. Það hafi áhrif á stöðu
landsins.
Ekki himinháir stýrivextir
Hann gerir ráð fyrir að önnur
endurskoðun efnahagsáætlunar-
innar verði tekin fyrir hjá AGS
fyrir árslok og þá verði nokkrir
þættir skoðaðir sérstaklega. Þar
á meðal eru endurskoðun skulda,
halli á fjárlögum og fyrstu áfangar
í afnámi gjaldeyrishafta.
Flanagan segir AGS almennt
ekki styðja gjaldeyrishöft í þeim
löndum sem hann hafi unnið með.
Sjóðurinn hafi hins vegar sam-
þykkt þau hér enda hafi höftin
lokað dyrunum fyrir að erlend
fjárfesting streymdi úr landi fyrir
ári. Stýrivexti hefði mátt nota með
svipuðum hætti líkt og í fleiri lönd-
um. Þá hefði hins vegar þurft að
hækka verulega, allt upp í fjöru-
tíu til fimmtíu prósent til að virka
með sama hætti. Að því leyti líti
AGS gjaldeyrishöftin jákvæðari
augum en ella.
Flanagan kom ekki inn á vaxta-
stig hér að öðru leyti. Í tilkynn-
ingu frá Morilo Portugal, aðstoð-
arforstjóra AGS, sem send var út
eftir fyrstu endurskoðun efnahags-
áætlunarinnar, segir hins vegar
að skilyrði séu nú að skapast fyrir
varkárum vaxtalækkunum.
Haft er eftir Portúgal í tilkynn-
ingunni að endurskipulagning
fjármálakerfisins hafi reynst flók-
in í framkvæmd en áfangar náðst
með endurreisn Nýja Kaupþings
og Íslandsbanka.
Líkt og áður hefur komið fram
samþykktu kröfuhafar Íslands-
banka að taka 95 prósenta hlut í
bankanum á móti ríkinu. Enn er
óráðið með kröfuhafa Nýja Kaup-
þings.
Vaxtakjör Íslands góð
Síðar um daginn átti Flanagan
símafund með Íslensk-ameríska
verslunarráðinu. Á þeim fundi var
hann spurður hvort Ísland þyrfti að
þola óeðlilega háa vexti af erlend-
um lánum tengdum endurreisninni
en hann sagði svo ekki vera. „Við
höfum skoðað þetta vel. Reyndin er
að Ísland nýtur betri vaxtakjara en
önnur krísulönd hafa gert að meðal-
tali.“ Ástæðuna segir hann vera
að lánveitendur líta á Ísland sem
þróað hagkerfi og telji góðar líkur á
að efnahagslífið nái sér aftur á vel
á strik.
Vaxtakjör AGS segir hann mun
betri en Íslandi bjóðist annars stað-
ar. Sjóðurinn innheimtir eins pró-
sents álag á þann kostnað sem hann
ber af lánunum. Vextirnir eru fljót-
andi, vegið meðaltal af stuttum ríkis-
bréfum í ýmsum myntum. Grunn-
álag er að meðaltali 275 punktar.
Umreiknað í fasta vexti til tólf ára
eru þeir samtals 6,75 prósent. Að
sögn Flanagans fengi Ísland tæp-
lega lán á opnum markaði nema með
vöxtum í tveggja stafa tölu.
AGS lofar endurreisn efnahagslífsins
Skuldabyrði þjóðarbúsins er meiri en Alþjóðagjaldeyrissjóðurinn taldi viðráðanlega á vordögum. Endurreisnarstarfið hefur gengið vel,
að mati fulltrúa sjóðsins. Stýrivaxtalækkun liggur í loftinu. Betri tíðar má vænta eftir tæpt ár.
FRANEK ROZWADOWSKI OG MARK FLANAGAN Stýrivextir hefðu þurft að vera á bilinu fjörutíu til fimmtíu prósent til að halda erlendu fjármagni í landinu eftir hrunið. Gjald-
eyrishöft eru því viðunandi, segir Alþjóðagjaldeyrissjóðurinn. FRÉTTABLAÐIÐ/STEFÁN
FRÉTTASKÝRING
JÓN AÐALSTEINN
BERGSVEINSSON
jona@frettabladid.is
Auglýsing um álagningu opinberra gjalda
á lögaðila árið 2009
Hér með er auglýst að álagningu opinberra gjalda á árinu 2009 er lokið á alla lögaðila sem
skattskyldir eru samkvæmt I. kafla laga nr. 90/2003 um tekjuskatt, með síðari breytingum,
sem og aðra sem lagt er á í samræmi við VIII. – XIV. kafla tilvitnaðra laga. Jafnframt er lokið
álagningu á lögaðila, sem skattskyldir eru af fjármagnstekjum samkvæmt ákvæði 4. mgr.
71. gr. laganna.
Álagningarskrár með gjöldum lögaðila verða lagðar fram í öllum skattumdæmum í dag,
föstudaginn 30. október 2009. Skrárnar liggja frammi til sýnis á skattstofu hvers skattum-
dæmis og hjá umboðsmönnum skattstjóra eða á sérstaklega auglýstum stöðum í hverju
sveitarfélagi dagana 30. október til 13. nóvember nk. að báðum dögum meðtöldum.
Álagningarseðlar, er sýna álögð opinber gjöld lögaðila, hafa verið póstlagðir.
Kærur vegna allra álagðra opinberra gjalda 2009 samkvæmt ofangreindu skulu hafa bor-
ist skattstjóra eigi síðar en mánudaginn 30. nóvember 2009.
Auglýsing þessi er birt samkvæmt ákvæði 1. mgr. 98. gr. laga nr. 90/2003, um tekjuskatt,
með síðari breytingum.
30. október 2009.
Skattstjórinn í Reykjavík, Gestur Steinþórsson
Skattstjórinn í Vesturlandsumdæmi, Stefán Skjaldarson
Skattstjórinn í Vestfjarðaumdæmi, Rósa Helga Ingólfsdóttir
Skattstjórinn í Norðurlandsumdæmi vestra, Hanna Björnsdóttir
Skattstjórinn í Norðurlandsumdæmi eystra, Gunnar Karlsson
Skattstjórinn í Austurlandsumdæmi, Karl S. Lauritzson
Skattstjórinn í Suðurlandsumdæmi, Steinþór Haraldsson
Skattstjórinn í Vestmannaeyjum, Ingi T. Björnsson
Skattstjórinn í Reykjanesumdæmi, Sigmundur Stefánsson