Fréttablaðið - 30.10.2009, Side 16

16 30. október 2009 FÖSTUDAGUR
nær og fjær
„ORÐRÉTT“
Skipulögð rjúpnaveiði í
afmörkuðum reitum fær-
ist í aukana og bændur og
jarðeigendur fá nú auknar
tekjur af leigu. Í Reykjahlíð
í Mývatnssveit, einni af
stærstu jörðum landsins, er
nú hægt að leigja sér svæði
til veiða og fá leiðsögumann
með ef svo ber undir.
Rjúpnaveiðin hefst í dag og þús-
undir veiðimanna munu streyma
til fjalla á veiðar. Svo margir að
ljóst er að á vinsælum rjúpna-
svæðum mun verða örtröð og
veiðimenn munu þramma hver
í annars slóð. Í góðærinu tóku
efnameiri veiðimenn sér oftar
en ekki heilu jarðirnar til að
veiða í friði, en óvíst er hver eft-
irspurn verður í slíkri leigu nú.
Það hefur hins vegar færst í auk-
ana að bjóða upp á dagsleyfi á
jörðum, ýmist fyrir einstaklinga
eða hópa.
Jörðin Reykjahlíð í Mývatns-
sveit er ein stærsta jörð lands-
ins, þrátt fyrir að nýfallinn þjóð-
lendudómur hafi klipið af henni.
Nú hafa þeir Jóhannes Pétur Héð-
insson og Daði Lange Friðriksson
tekið jörðina á leigu og bjóða upp
á ýmsa þjónustu tengda rjúpna-
veiði.
„Við reituðum jörðina niður
og menn geta leigt sér afmörk-
uð svæði og stundað veiðina í
friði. Menn eru í raun að kaupa
sér svæði til að vera út af fyrir
sig, ýmist einstaklingar eða
hópar, allt upp í tíu manns,“ segir
Jóhannes.
Hann segir eftirspurnina mikla
og ljóst sé að margir kjósi að veiða
í friði. Þjónustan sem boðið er upp
á er fjölbreytt. Sumir komi einir
og vilji bara einn dag, en stundum
séu hópar á ferð sem taki svæðin
yfir lengri tíma. Þá er boðið upp
á leiðsögn fyrir þá sem vilja og
gengur þá vanur maður með til
rjúpna. Jóhannes segir þá félaga
vera í samstarfi við ýmsa þjón-
ustuaðila í sveitinni og næga gist-
ingu sé þar að finna, allt frá smá-
hýsum upp í hótel með fullu fæði.
Stakur dagur á byssu kostar
um 6.000 krónur, en gistingin allt
frá 3.500 upp í 10.000 krónur. Þá
mælir Jóhannes með því að menn
fari í jarðböðin að veiðidegi lokn-
um og láti þreytuna líða úr sér.
Rjúpnaveiðitímabilið stend-
ur til 6. desember, en veiðidagar
eru aðeins 18, þar sem aðeins má
veiða frá föstudegi til sunnudags.
Jóhannes segir þetta ágætt fyrir-
komulag, það henti bæði hófsöm-
um veiðimönnum og þeim sem
vilja reka ferðaþjónustu í kring-
um veiðina. kolbeinn@frettabladid.is
„Ég var að hlaupa tíu kílómetra – ég var bara að
koma inn,“ segir Stefán Vagn Stefánsson, yfirlög-
regluþjónn á Sauðárkróki. Stefán var fastagestur
í fjölmiðlum í fyrrasumar þegar hann þurfti í
tvígang að glíma við hvítabirni sem gengu á land
í umdæmi hans. „Þetta var orðið gott. Ég held
ég sé búinn að fylla skammtinn næstu tíu ár eða
svo,“ segir hann.
Stefán er enn á Króknum. „En
maður veit svo sem ekkert hvað
verður,“ bætir hann við. Hann er nú í
töluverðri óvissu um starf sitt vegna
hugmynda um sameiningu lögreglu-
embætta á landinu. Stefán var áður lög-
reglumaður í höfuðborginni og var settur
tímabundið í embætti á Sauðárkróki til
1. desember næstkomandi. „Ég veit
ekkert hvað verður um mig þá,“
segir hann. „Ég gerði bara
ráð fyrir að ég yrði hér, en maður verður bara að
sjá til og taka því sem að höndum ber.“
„Annars er allt gott að frétta héðan, mannlífið
gott og allt gengur vel,“ segir Stefán. „Þetta hefur
gengið afspyrnu vel frá ísbjarnarkomunum. Við
erum mjög ánægðir með lífið og tilveruna, lög-
reglumenn hér í Skagafirði.“
Stefán lék knattspyrnu með meistaraflokki
Tindastóls í sumar og féll með liðinu niður
í þriðju deild. „Það gekk ekki alveg eins
og það átti að ganga. Við fórum í öfuga
átt,“ segir Stefán, sem hefur ekki tekið
ákvörðun um hvort hann ætli að halda
áfram æfingum með liðinu í vetur. „Ég ætla
að sjá til. Maður er nú ekkert unglamb leng-
ur. Þetta verður ekkert auðveldara.“ En
Stefán heldur sér þó í formi með því að
hlaupa tíu kílómetrana að meðaltali
fimm sinnum í viku.
TUNGUTAK
Steggir og bleyður
■ Karlkyns kettir eru kallaðir
fress (í hvorugkyni) eða högn-
ar, jafnvel steggir ef marka
má Íslenska orðabók. Sú bók
segir okkur einnig að fress sé
„ófríður kvenmaður“. Nafnið
Högni er nokkuð algengt en
enginn Íslendingur heitir hins
vegar Steggur, hvað þá Fress.
Kvenkyns kettir kallast yfir-
leitt læður, en læða getur einn-
ig merkt „seinvirk óframfærin
manneskja“ samkvæmt fyrr-
nefndri orðabók. Annað orð en
sjaldgæfara yfir kisu er bleyða,
en það orð merkir líka raggeit
eða hugleysingi. Kattatengd
samheiti málsins virðast þannig
oft býsna andsnúin kvenkyninu.
- mt
HVAÐ ER AÐ FRÉTTA? STEFÁN VAGN STEFÁNSSON, LÖGREGLUÞJÓNN Á SAUÐÁRKRÓKI
Yfirlögregluþjónninn í óvissu
ÞEIR SPARA
MEST SEM SKRÁ
SIG STRAX
-15%
Dekkja-, smur- og
viðgerðaþjónusta
Reiknaðu hvað þú sparar
og skráðu þig á N1.is.
Skráðu þig í Sparitilboð N1 og lækkaðu
rekstrarkostnað bílsins um tugi þúsunda
króna á næstu 12 mánuðum.
Vantar ekki alltaf
vanan þingmann?
„Þetta eru nú ekkert voða-
lega skemmtilegir tímar til
að leita sér að góðri vinnu.“
DAGNÝ JÓNSDÓTTIR, FYRRVERANDI
ALÞINGISMAÐUR, ER Í ATVINNULEIT.
Fréttablaðið, 29. október.
Bara búið
„Ég er á leiðinni í gjaldþrot.“
BJÖRN LEIFSSON, EIGANDI WORLD
CLASS, UM ERFIÐA FJÁRHAGS-
STÖÐU.
Viðskiptablaðið, 29. október.
Rjúpnaveiði er að verða
að ferðamannaiðnaði
TILBÚINN TIL VEIÐA Jóhannes með Reykjahlíðarfjall í baksýn. Hann segir gangnamenn hafa orðið vara við töluvert af fugli og býst
við góðri veiði í ár.
■ Fylgist með færð og veðurspá.
■ Gerið ferðaáætlun og skiljið hana eftir hjá aðstandendum.
■ Kynnið ykkur vel það svæði sem ferðast á um.
■ Hafið með góðan hlífðarfatnað.
■ Takið með sjúkragögn og neyðarfæði.
■ Fjarskipti þurfa að vera í lagi, gps-tæki, kort, áttaviti og talstöð/sími og
kunnátta verður að vera til staðar til að nota þau.
■ Athugið að farartækið sé í góðu ásigkomulagi áður en lagt er af stað.
■ Ferðist ekki einbíla.
■ Takið með grunnviðgerðardót fyrir farartækið, skóflu, kaðal og festið allan
farangur.
■ Munið að akstur og áfengi fer ekki saman.
■ Ef ferðast er í bíl spennið beltin og notið hjálma, brynjur og annan
hlífðarfatnað ef farið er um á vélsleða.
■ Látið vita reglulega af ykkur og skráið nafn og hvert ferðinni er heitið í
bækur í fjallaskálum.
■ Ef ekki er hægt að komast lengra á bílnum bíðið í honum þar til hjálp
berst, það er mun auðveldara að finna bíl heldur en fólk á göngu og
bíllinn veitir skjól.
■ Betra er að snúa við í tíma heldur en að koma sér í ógöngur.
FERÐAREGLUR RJÚPNASKYTTUNNAR
„Múrhúðin er bara svona fersk. Þegar hún skolast þá hverfur þetta
og dofnar,“ segir Indriði Níelsson, verkfræðingur hjá Verkís, um
mismunandi liti á nýrri múrhúð Hallgrímskirkjuturns.
Séra Birgir Ásgeirsson og Hörður Áskelsson organisti segja
marga hafa komið að máli við þá vegna litamunarins á kirkjuturn-
inum. Fólk vilji fá skýringar og fá því svarað hvort áferð-
in á kirkjunni verði ekki öll eins að lokum.
Indriði segir erfitt að segja til um hvenær litamun-
urinn verður horfinn. Það sé einfaldlega spurning
um það hvernig íslenska slagviðrið standi sig í að
skola múrhúðina. „Ef þetta verður svona enn þá
þegar komið er fram á næsta sumar þá höfum
við alltaf þann mögulega að háþrýstiþvo múr-
húðina. Þetta er ekki meira mál en það,“
segir hann.
Vinnupallarnir við Hallgrímskirkju
munu hverfa á næstu vikum. Áætlað er
að öllum frágangi utandyra verði lokið
í tæka tíð fyrir jól. Í janúar og fram í
febrúar verður kirkjan lokuð þar sem
skipta á um útidyrahurð. Eins á að
þrífa kirkjuskipið að innan.
- gar
Mislitun á kirkju-
turni hverfur
HALLGRÍMSKIRKJUTURN Efsti hluti
turns Hallgrímskirju er nú dekkri
en neðri hlutinn. Munurinn mun
hverfa með veðrun og öll kirkjan
á að verða samlit, bæði turninn,
sem hefur verið endurnýjaður,
og kirkjuskipið sjálft.
FRÉTTABLAÐIÐ/STEFÁN