Tímarit iðnaðarmanna - 01.09.1928, Page 21

1
TÍMARIT IÐNAÐAR M A N N A
5. mynd. Aluminium gerhylkin.
»Egill SkaIlagrímsson« nákvæmlega, en jeg get
varla neitað mjer um þá ánægju, að skýra álmenn-
ingi frá því í aðalafriðum, hvernig húsum og fram-
leiðslu er fyrir komið. Það var talsvert happ fyrir
Tómas Tómasson, að Kristinn Sigurðsson múrara-
meistari, er stjórnaði byggingu ölgerðarinnar, hafði
áður kynt sjer nokkuð byggingu ölgerðarhúsa
enda er líka frágangur allur í því efni framúrskar-
andi góður. Öll húsin eru gerð úr járnbentri steypu
og tróð á milli laga, jafnvel í hólf og gólf, þar
sem gerðin er. Skrifstofurnar eru þó í timburhúsi,
sem síðar voru fest kaup á sökum þrengsla. Stærstu
gerjunar-kjallararnir eru við Njálsgötu. Eiginlega
er ölgerðin í tíu stórum deildum. Gerkjallarinn,
sem Pilsnerinn er gerður í (sjá 4. m.), er í afar-
miklum fjórskiftum lengjum; en gerhúsið, þar sem
maltölið er gert í, er við endann á þeim, og gang-
ur á milli, nema hvað sjerstök maltölsdeild er
einnig höfð í eldri kjöllurunum, til þess að auka
6. mynd. Ketilhúsið.
framleiðsluna, ef á liggur. Geymsla er fyrir malt
og humal á loftinu yfir Pilsner-kjöllurunum.
Þá kemur þriðja deildin, þ. e. hið svonefnda
ketilhús (sjá 6. m.); frá því liggja gufuæðar um alla
ölgerðina, til hreinsunar og hitunar; einkum eru
miklar æðar inn í heitu-húsið.
Heitu-húsið er fjórða deild ölgerðarinnar; þar
er maltið bleytt upp, og Ieystur úr því sykurinn í
áfarmiklu keri, sem stendur á stöplum nokkrar
mannhæðir frá gólfinu. Hrostinn er svo aðskilinn,
en maltvökvinn fer í heituketil mikinn og er soð-
inn þar með bæheimskum humli. Meðan verið er
að bleyta sykurinn úr maltinu, eru gerðar ýmsar
efnafræðilegar kannanir, til þess að vita um, hve
mikið af sykrinum leysist úr því, og er það nauð-
synlegt, sökum þess að meðferð á maltinu getur
verið misjöfn. Þegar ölið er soðið, er því dælt upp
tvær húshæðir, en þar rennur það úr pípunum út
á gríðarmikinn flöt, sem kælir það með hreinsuðu
51 ]