Vikan - 02.05.1963, Blaðsíða 20

Gpænmeflshlaup
Sfldarréttir
BERGÞÓRA
SKRIFAR
GRÆNMEXISHLAUP.
8 blöð matarlím, 1 bolli sjóðandi vatn, % bolli kalt vatn, 1 matsk. smáskorinn
laukur, V2 tsk. salt, 1 matsk. edik, % bolli fínrifið hvítkál, % bolli rifnar gulrætur,
% bolli smáskorið selleri, 1 matsk. smáskorið rautt piparhulstur.
Leysið matarlímið upp í dálitlu vatni og setjið það út í sjóðandi vatnið, bætið
kalda vatninu í og hrærið vel. Setjið laukinn, saltið og edikið saman við og hrærið.
Látið skálina inn í ísskáp og látið standa þar til hlaupið er aðeins farið að stífna,
eða u. þ. b. 1 klst. Rífið hvítkálið og gulræturnar á rifjárni, saxið selleríið og pipar-
hulstrið og bætið því í hlaupið. Sett í vott ílangt form og látið stífna í a. m. k.
3 tíma, bezt er að búa þetta til daginn áður en á að nota það. Skreytt með græn-
meti áður en það er borið fram.
KRYDDSÍLD í SÚRUM RJÓMA.
2 kryddsíldarflök, 2 dl þykkur rjómi, 1 matsk. safi úr sítrónu, 2 matsk. fínsöxuð
púrra, 2 harðsoðnar eggjarauður.
Síldarflökin eru skorin í stykki á ská og lögð á fat. Rjóminn stífþeyttur og sítrónu-
safanum blandað í og lagður yfir síldarbitana, en ekki látinn þekja þá alveg. Eggja-
rauðurnar hakkaðar og stráð á miðjan rjómann eftir endilöngu, en sitt hvoru megin
við rjómalengjuna er söxuðum púrrunum stráð.
SÍLDAR- OG KJÖTSALAT.
1 síldarflak, 100 gr soðið eða steikt kjöt, 125 gr sultuð rauðbeða, 200 gr soðnar
kartöflur, 1 súrsuð gúrka, 1 epli, % tsk. pipar, 100 gr sykur, 1 dl edik og sósa úr: 1
harðsoðin eggjarauða, 1 hrá eggjarauða, 1 matsk. sykur, svolítill pipar, 1 tsk. sinnep,
1 dl rjómi, 1 matsk. söxuð púrra.
Síld, kjöt, rauðbeður, kartöflur, gúrka og epli eru skorin í jafnstóra ferhyrnda
bita. Sykur, edik og pipar er sett í pott og suðan látin koma upp, en þegar það
er kalt er því hellt yfir bitana og skálin sett í kæliskáp og látin standa þar í nokkra
klukkutíma. Hráar og harðsoðnar eggjarauðurnar eru hrærðar með kryddinu og
bætt í skálina og látið standa enn um stund. Síðast er stífþeyttum rjómanum bætt
í og saxaðri púrrunni stráð yfir.
SÍLDARAUGU.
Söltuð síld er afvötnuð og lögð í edik í 3 klukkustundir. Skorin í smáa ferhyrnda
bita. Laukur og steinselja eru hökkuð smátt og óseytt rúgbrauð skorið í kringlóttar
sneiðar og smurt þykkt með smjöri. Síldin sett í hrúgu á sneiðarnar, en hola
gerð í miðju og ofan í hana látin hrá eggjarauða. Söxuðum lauk og steinselju
raðað utan með.
HUMARSALAT.
1 pakki humar, 200 gr majones, safi úr sítrónu, 2—3 matsk. tómatsósa, grænn
ávaxtalitur, % punds dós spergill, 2 sítrónur.
Majones bragðbætt með sítrónusafanum og litað grænt. Gott er að nudda salat-
Framhald á bls. 33. Æ,
TRÚLOFUN Á
UNGA ALDRI
— Einhver takmörk verða þó að vera
fyrir öllu, sagði móðirin reið. Það er frá-
leitt að vera að tala um trúlofun, fyrir
þá, sem ekki eru nema fimmtán ára.
— Sextán í næsta mánuði, hreytti
stúlkan út úr sér —• en svo fór hún að
gráta. Þær höfðu komið til min til þess
að tala um þetta.
Það er ekki hægt að neita því, að mörg
hamingjusöm hjónabönd hafa byrjað með
slíkum samböndum á unga aldri. En ég
er sammála þessari móður og ég get vel
skilið það, að foreldrar séu áhyggjufullir
þegar börnin þeirra eru í þessum hugleið-
ingum. Það er ekki heppilegt að æskufólk
bindi sig of snemma. Slíkar barnatrúlof-
anir eiga ekki að takast alvarlega af öðr-
um, þannig að unga stúlkan sé þar með
útilokuð frá því að umgangast aðra pilta.
Foreldrunum ber skylda til að reyna að
halda sem lengst í æsku barna sinna og
gera sitt til að hemla, ef þau fara að
þroskast of ört. En nú á dögum er það
oft erfiðleikurrí' bundið að hemla, því að
það er orðinn siður, að ungt fólk fari að
vera snemma saman, eins og það er kall-
að. En það er alvarlegra ef kynhvötin
fær yfirhöndina í sambandi unglinganna,
þó að þau kannski „gangi ekki of langt“.
En með því bindast líkamarnir böndum,
sem geta orðið þvingandi þegar sálrænn
þroski eykst. Líkami fimmtán ára barna
getur verið fullþroska, þótt sálin eigi þar
enn langt í land.
Bezt er að unglingarnir geti verið fé-
lagar áður en þau bindast fastari bönd-
um. Fullorðna fólkið á að sjá þeim fyrir
skilyrðum til félagsskapar og frjálslegrar
samveru, þar sem ástin getur þróazt á eðli-
legan hátt.
í því sambandi er þrennt nauðsynlegt.
í fyrsta lagi er það frjálsræði. Það þýðir
ekki að ætla að beita aga í þessu sam-
bandi. En grundvöllurinn undir slíku
frjálsræði verður að vera gagnkvæmur
trúnaður foreldra og barna. Æskan verð-
ur að hætta að fara á bak við foreldrana
— ef unga fólkið er ekki hreinskilið
heima, getur trúnaðartraust aldrei skap-
azt.
í öðru lagi verður að vera samheldni
og vinátta meðal unga fólksins sjálfs.
Kapphlaupið um það, hver verður fyrstur
til að ná sér í kærasta eða vin verður að
hætta. Það er nógur tími til að binda sig!
í þriðja lagi verður æskan að hafa eitt-
hvað fyrir stafni og eiga einhver áhuga-
mál, svo að ástin verði ekki eina umræðu-
efnið og áhugamálið. Þegar unga fólkið
getur hitzt við íþróttaiðkanir og í félags-
Framhald á bls. 37.
VIKAN 18. tbl.