Vikan - 14.04.1966, Blaðsíða 7

una“. Ég býst varla við að þú
lútir herranum að Austurlanda
sið með því að beygja hné þín og
berja enninu í gólfið, segjandi:
„Ég heyri og hlýði“, ætli þér yrði
ekki fyrst fyrir að segja: „Éttu
skít og farðu til fjandans sletti-
reka“, því það er nú það góða
við það ennþá á voru landi, að
menn verða ekki drepnir þó þeir
brúki kjaft, og það er náttúrlega
ekki nokkurn skapaðan hlut af
þér að hafa í sektareyri. Það gera
allt fjandans útlendu vikublöðin,
sum taka brauðið frá munninum
á ykkur í Vikunni, og þó þú
þyrftir kannski að sitja í stein-
inum nokkrar vikur, vegna ó-
sæmilegs orðbragðs um hans há-
göfgi, þá væri það bara góð
þjálfun undir lífsbaráttuna síðar
meir. Kannski fengirðu að vera
kokkur á einhverjum síldarbátn-
um, og væri nú „Pétur sjómað-
ur“ skipstjórinn á bátnum skil
ég varla í öðru en ykkur liði vel,
því nóg ætti að vera af bjórnum
um borð. — Vertu svo blessaður,
það segi ég „f fullri alvöru“, og
þökk fyrir áheyrnina.
Þinn einlægur
Dalakarl.
Ég veit að allt hjal um fækkun
bænda er harla viðkvæmt mál
fyrir þá sjálfa. Þú spyrð um það,
Dalakarl, hvaðan mér komi rétt-
ur til ákvarðana um að fækka
bændum. Ég man ekki til þess
að ég hafi ákveðið neitt um það
og jafnvel þótt ég gerði það, þá
mundi víst enginn fara eftir því.
Hinsvegar man ég ekki betur en
ég legði til, að þeim yrði fækk-
að miklu minna en ýmsir aðrir
hafa lagt til.
Það er alveg sjálfsagt að fækka
blaðamönnum og þá er sjálfgert
um leið, að blöðin hætta að koma
út. Ekki ætti það að gera neitt
til; við kaupum bara Berlinske
Tidende og Hjemmet í staðinn.
Og svo er vitaskuld hégóminn
cinber að vera með heildsala,
bankastjóra og fasteignasala. Ég
tek undir þessa niðurskurðarhug-
mynd þína. í álverksmiðjuna og
á fiskiflotann með allt þetta fólk.
G.S.
VILL FÁ GRÆNLAND.
Virðulegi Póstur!
Fyrir nokkrum árum var tölu-
vert rætt um þann möguleika, að
íslendingar fengju Grænland frá
Dönum. Aðalfrumkvöðull þess
máls var Jón Dúason, en þetta
kom líka eitthvað til orða á þingi,
ég held það hafi verið Pétur
Ottesen, sem vakti máls á því
þar. Mér þætti gaman að vita,
hvort þetta mál er nú með öllu
sofnað svefninum langa, og er
slæmt ef svo er. Ég geri fastlega
ráð fyrir því, að við eigum meiri
rétt til Grænlands en Danir, og
því þá ekki að nota sér þann
rétt? önnur ríki hafa sótt slík
mál á alþjóðavettvangi og haft
betur, svo sem þegar Indónesar
heimtuðu vesturhluta Nýju-Gín-
eu af Hollendingum, og svona
mætti lengi telja. Ég slæ þessu
fram hér, í von um að fleiri les-
endur Vikunnar fái áhuga á mál-
inu og láti í ljós álit sitt á því,
hvað aftur gæti fengið stjórnar-
völdin til að rumska.
Eiríkur rauði.
BLÖH
VIKUHNAR
Það voru einu sinni tveir bræð-
ur, annar var 4 ára en hinn 6
ára. Sá eldri var farinn að kynn-
ast leyndardómi lestrarkunnátt-
unnar, og var sí stafandi á öll
skilti og auglýsingar, sem hann
kom auga á. Sá yngri var að
reyna að fylgja hinum eftir, af
lítilli kunnáttu. Sunnudag einn
næstan eftir páska, fóru foreldr-
ar þeirra í gönguferð um bæ-
inn með þá, og var verið að skoða
í búðarglugga og annað mark-
vert, og sífellt var verið að stanza
og stafa á skilti. Sá eldri fékk
hrós hjá foreldrum sínum, þegar
hann gat kveðið að orðunum rétt.
Sá yngri var orðinn grænn af
öfund. Nú koma þau að bensín-
sölu í Hafnarstræti, þar sem blas-
ir við auglýsing frá Esso. Kallar
nú sá litli upp: „Nú get ég“! Var
nú stanzað meðan hann veltir
þessu fyrir sér, svo segir hann
sigri hrósandi: „Þrír, s, s, páska-
egg“! Til skýringar: E, var eins
og öfugir þrír, essin þekkti hann,
en O minnti hann á páskaeggin
góðu.
Ólöf Sigurjónsdóttir,
Efstasundi 90.
Reykjavík.

DJCPFRYSTIMG
er fljótlegasta, auðveldasta
og bezta geymsluaðferðin —
og það er hægt að djúpfrysta
hvað sem er: kjöt, fisk, fugla,
grænmeti, ber, mjólkurafurð-
ir, brauð, kökur, tilbúna rétti
o.fl., og gæðin haldast óskert
mónuðum saman.
Hugsið ykkur þægindin: Þér
getið aflað matvælanna, þeg-
ar þau eru fersk og góð og
verðið lægst. Þér getið búið
I haginn, með þv( að geyma
bökuð brauð og kökur eða
tilbúna rétti. Og þegar til 6
að taka er stutt að fara,
þ.e.a.s. ef þér hafið djúp-
frysti ( húsinu.
Og djúpfrysti ættuð þér að
eiga, þvi hann sparar yður
sannarlega fé, tfma og fyrir-
höfn, og þér getið boðlð
heimilisfólkinu fjölbreytt góð-
meti allt órið.
Takið því ferska ókvörðun:
— fáið yður frystikistu eða
frystiskáp, og . . .
Látið kalda skynsemina ráða
— veljið ATLAS, vegna gæð-
anna, vegna verðsins, vegna
útlitsins.
Við bjóðum yður 3 stærðir af ATLAS frystikistum og 2 stærðir af ATLAS
frystiskápum.
Munið ennfremur ATLAS kæliskápanna, sem fást ( 5 stærðum, auk 2ja
stærða af hinum glæsilegu viðarkæliskápum f herbergi og stofur.
Komið og skoðið, skrifið eða út-
fyllið úrklippuna, og við mun-
um leggja okkur fram um góða
afgreiðslu.
Sendum um allt land.
s
SÍMI 2-44-20 - SUÐURGATA 10 - REYKJAVÍK
Sendið undirrit. ATLAS myndalista og nákvæmar upplýsingar, m.a. um
verð og greiðsluskilmála.
Nafn: ..................................................................
Heimilisfang: ..........................................................
Til FÖNIX s.f., pósthólf 1421, Reykjavík.
VIKAN 15. tbl. J