Vikan - 04.04.1968, Blaðsíða 18

John Drake eða Harðjaxlinn,
eins og hann er kallaður á ís-
lenzku, birtist á sjónvarpsskerm-
inum á hverju mánudagskvöldi
og lendir í hinum ótrúlegustu
ævintýrum. Harðjaxlinn er sann-
kölluð nútímahetja, njósnari, sem
er sendur út um allan heim, oft-
ast í einhverju dulargervi til þess
að bjarga mikilvægum upplýsing-
um. Oft er sjálfur heimsfriður-
inn í veði. En Harðjaxlinn ber
nafn með rentu og honum tekst
að sigrast á hvers konar vanda
— með aðstoð nútímatækni að
PATRIC MCGIOHAN OC
HAIDJAXIINN HANS
ógleymdum hnefunum, sem hann
beitir óspart engu síður en Dýr-
lingurinn. Kannski eru það öll
hin ótrúlega smáu og frumlegu
og fullkomnu njósnatæki, sem
gera Harðjaxlinn frábrugðnari
öðrum slíkum þáttum.
Fyrir fjórum árum voru fram-
leiddir 39 hálftímaþættir um
Harðjaxlinn, og voru nokkrir
þeirra sýndir hér. En fyrir
nokkru var aftur hafin fram-
leiðsla á þáttum um John Drake,
og að þessu sinni voru þeir helm-
ingi lengri hver um sig. Hafa
þeir þættir notið miklu meiri
vinsælda en stuttu þættirnir.
Harðjaxlinn er leikinn af Pat-
rick McGoohan, og hefur hann
hlotið heimsfrægð fyrir leik sinn
í þessum þáttum. Hann er vand-
virkur og fjölhæfur leikari og hef.
ur getið sér gott orð fyrir leik
á sviði og í kvikmyndum.
Til marks um fjölhæfni Mc-
Goohans má geta þess, að hann
tók að sér að leika Harðjaxlinn
skömmu eftir að brezkir gagn-
rýnendur höfðu kosið hann bezta
sviðsleikara ársins fyrir leik sinn
í „Brandi“ eftir Ibsen.
Patrick McGoohan er af bænda-
fólki kominn, fæddur í New York
19. marz 1928. Foreldrar hans
voru írskir og fluttust aftur til
írlands, þegar Patrick var á
unga aldri. Hann ólst upp á bú-
garði í Country Leitrim. Tíu ára
gamall fór hann í skóla í Shef-
field og ári síðar, þegar stríðið
brauzt út, var hann fluttur til
Loughborough. Síðar stundaði
hann nám í Ratcliffe College í
Leichester og lagði sérstaklega
stund á stærðfræði.