Vikan - 20.02.1969, Blaðsíða 35

Gott aO irito
Er slæm lykt í kæliskápnum? —
Skyndilausn: að láta bolla með
rökum kaffikorg standa í skápn-
um, hann sýgur í sig lyktina. —
Varanleg lausn: þvoið skápinn,
allar lausar grindur og skúffur
úr matarsóda-upplausn. Þrjár
matsk. í 1 líter af volgu vatni.
BYRGJUM
BRUIMNIINIIM
Nokkrar ráðleggingar um
slysavarnir f heimahúsum
Bletti, sem koma á ryðfrítt stál
má reyna að nudda af með
blöndu af ediki og fínu salti. Séu
þeir mjög slæmir þarf að nota á
þá mjög fína stálull.
Vilji kartöflur springa við suðu
er gott að láta ca. 1 matsk. af
ediki í suðuvatnið. Það finnst
ekki á bragði, en kartöflurnar
verða þéttari.
Til þess að koma í veg fyrir að
öll íbúðin angi af káli, ef það er
í suðu, er gott að láta stykki,
vætt í ediki, á pottbrúnina, und-
ir lokið.
Minni gufa myndast í baðher-
berginu, ef köldu vatni er spraut-
að innan í baðkerið áður en hinu
volga baðvatni er bunað í.
Fyrir þá, sem þola illa steiktan
lauk: Ef laukurinn er soðinn
fyrst, vatninu hellt frá og lauk-
urinn síðan steiktur, er hann
langtum mildari í maga.
Ef blaðlús hefur komizt á
gluggablómin má reyna að láta
sneiðar af hrárri kartöflu ofan
á moldina. Lúsin vill þá skríða á
kartöflurnar og þá er bara að
fleygja sneiðunum og láta ný-
skornar í staðinn.
Gott er að láta nokkra dropa af
matarolíu í vatnið þegar makka-
roni er að sjóða, þá sýður ekki
upp úr og makkaroníið verður
ekki klístrað.
Ágætt er að smyrja pottinn, sem
sjóða á fiskinn í, vel með smjör-
líki áður en vatnið og fiskurinn
er látinn í, þá verður auðveld-
ara að þvo hann á eftir.
Brauðið helzt lengur ferskt í
brauðkassanum, ef hann er af og
til strokinn að innan með klút
vættum í ediki og mygla mynd-
ast síður.
Afskornir túlípanar hengja ekki
höfuðið, ef dálitlu kartöflumjöli
er blandað í vatnið, sem þeir
standa í.
standa í. *
Ótrúlegur fjöldi smárra og stórra slysa, sem verða í
heimahúsum ættu að verða hverjum og einum um-
hugsunarefni og ekki væri úr vegi að athuga hvað
veldur og hægt er að gera til þess að draga úr hætt-
unum í híbýlum manna. Hér eru nokkur atriði nefnd
sem vert er að taka til athugunar: Gætið að rafmagns-
áhöldum með lausri snúru, sem þarf að láta í sam-
band, eða taka úr sambandi á víxl, svo sem pönnur,
katlar, vöfflujárn og þess háttar. Snúrunni á ávallt að
stinga fyrst í áhaldið, síðan í innstunguna og eins er
straumurinn rofinn með því að taka snúruna fyrst úr
innstungunni, síðan úr áhaldinu. Látið tengisnúru aldr-
ei hanga í rafmagnsinnstungu án þess að hún sé tengd
við rafmagnsáhald, það er straumur á snúrunni og allt-
of oft hafa hlotizt af því hörmuleg slys að börn hafa
sleikt eða stungið upp í sig tenglunum á slíkum snúr-
um. Notið aldrei snúru, sem farin er að trosna og hlað-
ið ekki mörgum fjöltenglum í sömu innstungu. Lítil
börn, sem skríða og veltast í leik á gólfum eru oft
slæm með að troða ýmiss konar dóti í innstungur og
getur þá svo illa til tekizt, að þau fá af slæman straum
í sig. Hægt hefur verið 'að fá tappa til þess að stinga f
innstungurnar, en séu þeir ekki fyrir hendi, má reyna
að líma yfir með limbandi. Snúrur í sambandi niður
við gólf, þarf að kenna litlum börnum, að ekki megi
snerta, en meðan ekki er öruggt að þau virði slíkt er
rétt að reyna að hlaða einhverju húsgagni fyrir, svo
börnin hafi þar ekki greiðan aðgang. Bæði fullorðnir
og börn hafa slasazt af þvi að fara með fingur í hræri-
vélarþeytara, sem eru í gangi. Það ætti að vera augljóst
að smábörn eiga ekkert erindi nærri slíkum áhöldum
og þeim eldri ætti að lærast að þetta eru engin leik-
föng. Notið t.d. ekki skeiðar til þess að skafa niður f
hrærivélarskál með, sé vélin í gangi, betra er að nota
sleiki úr gúmmí eða mjúku plasti. Fyrir hefur komið að
hár hefur lent í valsinn ó rafmagnsþvottavindu og af
hefur hlotizt slæmur höfuðhnykkur og hárreyting, að
ekki sé minnzt á alla þá fingur, bæði á ungum og
öldnum, sem illa hafa marizt í vindunum. Vonandi eru
allar þvottavélar jarðtengdar, hvar, sem þær eru, en
það ættu líka að vera innstungur með jarðtengingu í
eldhúsum, það eykur öryggið.
Munið að láta handföngin á öllum skaftpottum snúa
inn á eldavélina, standi þau fram af geta óvitar auð-
veldlega náð til þeirra og hellt yfir sig sjóðandi inni-
haldinu. Fullorðnir reka sig jafnvel í þessi sköft og allt
getur gusazt yfir viðstadda, húsmæður hafa jafnvel
krækt sköftunum inn í langar ermar á fötum sínum og
hlotið bruna af. Bezt er að lyfta loki af sjóðandi potti
þannig, að fyrst sé lyft frá sér, svo heit gufan stefni
inn á eldavélina en ekki beint að líkamanum.
Beitta eldhúshnífa ætti alltaf að fara gætilega með
og einkum að láta þá ekki liggja þar, sem börn gætu
skaðað sig á þeim. Þá ætti líka að geyma ( sérstöku
hólfi ( skúffum eða til þess gerðum hnífarekkum, þurfi
húsmóðirin að róta innan um önnur áhöld í leit að
eldhúshnífnum gæti svo farið að hún tæki óviljandi um
blað hnífsins og af hlytist skurður.
Þannig mætti lengi upp telja, t. d. minnast á lausar
mottur og dregla á bónuðum gólfum, príl á alls konar
stólum til þess að teygja sig upp í hæstu skápahill-
urnar, í stað þess að éfna sér í góða, stöðuga eldhús-
tröppu.
Látið ekki lítil börn vera ein að leik uppi í glugg-
um, opnanlegir gluggar kunna að láta undan og börn-
in detta út. Látið ekki hreinsivökva eða neitt, sem ekki
er drekkandi, á gosdrykkjaflöskur, börn gætu drukkið
það í góðri trú, að hér væru saklausir gosdrykkir.
Öllum væri þarflegt, af og til, að staldra við og at-
huga hvað hugsanlega geti valdið slysi á heimilinu og
reyna að ráða bót á því. Of seint er að byrgja brunn-
inn, þegar barnið er dottið ofan í.
☆
8. tbi. vikan 35