Vikan - 27.11.1969, Qupperneq 8

LAUGAVEGI 59 SÍMI 18478
llrval
EINA TfMARITIÐ SINNAR TEGUNDAR
HER Á LANDI
Bókin í nóvemberheíti Úrvals er óvenju
skemmtileg. Hún heitir „Skjótið honum ekki á
loft — ég á hann“ og er um að ræða frásögn
eiginkonu starfsmanns geimrannsóknarstofnun-
ar Bandaríkjanna af sambúðinni við mann sinu.
Þarna kynnumst við þeirri hlið geimævintýris-
ins mikla, sem snýr að heimili, eiginkonu og
börunm. Það er kannski hversdagslegasta hlið-
in, en áreiðanlega sú skemmtilegasta.

MIG
DREYMDI
Hjólalausa flugvélin
Kæri draumráðandi!
Mig langar til að biðja þig að
ráða fyrir mig einkennilegan
draum, sem mig dreymdi fyrir
nokkru. Hann er talsvert langur
og svolítið flókinn, en ég vona að
þú þreytist ekki á að lesa hann
og ráðir hann fyrir mig, en fleyg-
ir honum ekki samstundis í
ruslakörfuna.
Áður en ég hef frásögnina vil
ég taka fram, að ég hef ekki
flugpróf og hef aldrei haft neinn
áhuga á flugi. Eg hef víst ekki
nema þrisvar sinnum á ævinni
stigið upp í flugvél.
Mig dreymdi, að ég var að
flækjast út á Keflavíkurflugvelli.
Ég hafði laumast framhjá verð-
inum við hliðið og hlaupið lengi
í náttmyrkri- Mér var ekki ljóst,
hversvegna ég var að þessu, en
mér fannst ég verða að gera
þetta einhverra hluta vegna. Mér
leið illa, því að ég vissi, að vopn-
aðir verðir hlytu að' vera víða
innan vallarins og því afar senni-
legt, að ég yrði tekinn fastur og
settur í fangelsi fyrir tiltækið.
En þetta var nú bara byrjunin,
því að ég átti ákveðið erindi inn
á völlinn, að mér fannst. Eg ætl-
aði mér að stela flugvél og fljúga
síðan til útlanda. Ég hafði engar
áhyggjur af því. að ég gæti ekki
flogið vélinni.
„Þetta er enginn vandi,“ hugs-
aði ég með mér. „Ég hlýt að geta
þetta eins og allir aðrir. Þetta er
ekki meira en að keyra bíl“.
Þarna stóð ég í myrkrinu og
var að hugsa þetta og var tals-
vert hræddur. Eg var með ákaf-
an hjartslátt, en ekkert gat samt
hindrað það, að ég reyndi að
stela flugvélinni og komast af
landi brott.
í sama bili kemur til mín her-
maður og verð ég þá heldur en
ekki hræddur. En svo undarlega
bregður við, að hann er hinn vin-
gjarnlegasti við mig, býður mér
gott kvöld og spyr mig, hvort
hann geti ekki aðstoðað mig eitt-
hvað.
Ég svara því neitandi og segist
geta bjargað mér sjálfur. En þá
tekur hann upp úr vasa sínum
bréfmiða, sem á er letrað eftir-
farandi:
„Þetta tekst aðeins með minni
hjálp. Mér hefur verið falið að
sjá um, að áform þín heppnist “
Síðan leiddi hann mig að stórri
herflugvél- Við hlupum að hurð-
inni. Hún var opin og við brugð-
um okkur inn í logandi hvelli.
Tvö sæti voru fremst í flugvél-
inni. Mér fannst hún vera gríð-
arlega stór, en annars man ég
lítið hvernig hún leit út að innan.
Hjálparmaður minn settist í ann-
að sætið, en ég í hitt.
„Þú verður að fljúga,“ sagði
hann. „Ég kann það ekki.“
Ég setti hreyflana í ganga, og
fyrr en varði var flugvélin kom-
in á loft.
Þegar við höfðum flogið góða
stund, segi ég við hjálparmann
minn:
„Hvert eigum við að fara? Og
hvar eigum við að lenda?‘“
Hann glottir og svarar illgirn-
islega:
„Þessari flugvél getur enginn
lent. Það vantar á hana hjólin!“
Mér þótti þetta kynlegt svar
og spurði hann á móti, hvers
vegna hann hefði komið til mín
og viljað taka þátt í þessu ævin-
týri mínu.
Þá fór hann að skellihlæja, og
ég heyrði hann segja slitrótt
milli hláturkviðanna:
„Þér er nær! Þú stóðst ekki
freistinguna, og það verður þér
að falli. En það er allt í lagi með
mig. Ég er nefnilega með fallhlíf
á bakinu.“
Lengri varð draumurinn ekki.
En ég hef mikið hugsað um hann
og miklu meira en aðra drauma,
sem mig hefur dreymt. Álítur þú,
kæri draumspekingur, að hann
tákni eitthvað eða eru þetta að-
eins hugarórar og tómt rugl?
Eg vona, að þú svarir mér sem
allra fyrst-
Með kveðju,
H.D.
Þetta er nokkuð skemmtilegur
draumur og býsna vel sagður.
Hann er með köflum eins og
Dýrlingurinn eða Harðjaxlinn í
sjónvarpinu. Kannski þig hafi
dreymt þetta eftir að þú hafðir
horft á einhvern slíkan þátt? Ef
hann táknar nokkuð, þá mundi
það helzt vera áform, sem þú
gerir, en er of djarft og hættu-
legt til þess að það takist vel. Þú
skalt því til öryggis varast að
leggja út í nein ævintýri á næst-
unni. En ef þig dreymir oft
svona skemmtilega drauma, ætt-
irðu að skrifa okkur oftar. Þú
hefur góða frásagnargáfu og ert
ágætlega ritfær, en það verður
því miður ekki sagt um alla þá,
sem senda okkur frásagnir af
draumum sínum.
8 VIKAN
48. tbl.