Vikan - 12.11.1970, Blaðsíða 31

HEUT
BRAIID
Fylltar hveitibollur
4 bollur (rúnnstykki)
heit mjólk
•150 gr skinnka
2 msk. rifinn ostur
30 gr smjör
V2 msk. sinnep
salt, pipar, steinselja
Skerið lok af hveitibollunum, og
holið að innan með gaffli og hrærið
það sem kemur innan úr með volgri
mjólkinni, þannig að það verði jafnt
mauk. Bætið síðan í smáttsaxaðri
skinnku, osti og smjöri, bragðið til
með kryddi og steinselju. Hveitiboll-
urnar penslaðar að innan með smjöri
og setjið maukið í þær. Bakið við
200° í 15—20 mínútur. Berið þá
fram heitt með tómatsósu. Einnig má
hita hveitibollurnar í ofni og útbúa
góðan jafning t.d. með sveppum,
aspas eða rækjum og jafna með
eggjarauðu og fylla hveitibollurnar
með honum.
Sardínubrauð
4 brauðsneiðar
smjör
2 msk. fíntsaxaður laukur
2 harðsoðin egg
2 ds. sardínur í tómat
2 msk. tómatkraftur
dill
salt, pipar
4 ostasneiðar
Ristið eða bakið brauðsneiðarnar.
Saxið eggið og blandið með lauk og
sardínum. Bætið dilli í og tómat-
krafti. Kryddið með salti og pipar.
Skiptið jafnt á brauðsneiðarnar og
leggið ostasneið yfir. Bakið við 250°
í 6—8 mínútur, eða þar til osturinn
hefur bráðnað.
Rækjubrauð
4 brauðsneiðar
smjör
rækjur, frystar eða niðursoðnar
1—2 msk. kaperskorn
dill
100 gr mayonesse
1 eggjahvíta
Ristið brauðið og smyrjið. Stíf-
þeytið eggjahvítuna og blandið sam-
an við mayonessið. Setjið rækjurnar
á brauðsneiðarnar ásamt kaperskorn-
unum og dillinu. Skiptið síðan may-
onessinu á sneiðarnar og bakið í
ofni við 225° í 5—7 mínútur eða
þar til sneiðarnar eru orðnar fallega
gulbrúnar.
Kræklinga-aspasbrauð
4 brauðsneiðar
smjör
V2 ds. aspas
kræklingadós
flesk
Þerrið kræklingana. Skiptið flesk-
inu í litla bita og rúllið utan um
hvern krækling. Festið saman með
tannstöngli. Steikið því næst flesk-
kræklingana og takið tannstönglana
úr. Steikið brauðsneiðarnar gulbrún-
ar. Skipið volgum aspasnum á
brauðsneiðarnar og setjið heita
flesk-kræklingana á þær og berið
fram heitt.
Heitt lifrakæfubrauð
Steikið brauðsneiðarnar í smjöri.
Því næst eru steiktir púrruhringir og
sveppasneiðar í smjöri. Lifrakæfu-
sneið sett á brauðsneiðina, þar á of-
an púrruhringir og sveppasneiðar.
Rifinn ostur að lokum settur efst.
Sett í mjög heitan ofn og bakað þar
til osturinn er bráðinn.
46. tbi. VIKAN 31