Vikan - 16.11.1972, Blaðsíða 6

SÍÐAN SÍÐAST
GERALDINE CHAPLIN
er angistin uppmáluð hér á mynd-
inni, enda er það ekki undarlegt, því
að hún er að horfa á upptöku af hræði-
legu bílslysi, meðan verið er að kvik-
mynda það. Kvikmyndin heitir „Inno-
cent Bystander" og hún er tekin á
Spáni. Geraldine er ánægð yfir því,
vegna þess að þá getur hún verið með
vini sínum, Carlos Saura. Hann tók
sér frí, til að horfa á upptökurnar og
hér er hann að taka myndir af hinu
hrollvekjandi atriði.
MARCELLO
MASTROIANNI
lifir nú í raun réttri sem fjölkvæn-
ismaður. Þessi víðfrægi ítalski kvik-
myndaleikari býr sem sé í París með
frönsku leikkonunni Catherine Dene-
uve og eiga þau nýfætt barn. Hins veg-
ar á hann löglega eiginkonu í Róm og
bregður sér til hennar annað veifið.
Hér er hann í síðarnefndu höfuðborg-
inni í bíltúr með fjölskyldunni, og er
það kona hans Flora, sem situr við
stýrið. Aftur í situr dóttir þeirra Bar-
bara, sem er tvítug að aldri, og kunn-
ingi hennar Stefano Fabrizi, tuttugu
og tveggja ára. Barbara vill giftast
Stefano, en foreldrar hennar hafa til
þessa hindrað það. Floru er annars
tekið að leiðast að vera yfirgefin eigin-
kona og er farin að sjást með spænsk-
um leikara er Louis Siarez heitir.
SORAYA í VANDRÆÐUM
Soraya, fyrrverandi drottning í íran,
á nú í fjárhagslegum vandræðum. Það
getur jafnvel farið svo að hún verði
öreigi. Hún hafði fyrir skömmu selt
eignir sínar í íran og hún hafði fengið
manninum, sem hún elskaði, andvirði
þeirra í hendur. Það var ítalski leik-
stjórinn Franco Indovina, en hann
fórst, eins og kunnugt er, í flugslysi í
maí. Peningarnir eru á hans nafni í
bankanum og Soraya hefur ekki nein
plögg í höndunum, til að sanna það.
Indovina var giftur og átti tvær dæt-
ur og svo getur farið að þær „erfi“
alla peningana. Soraya og Indovina
voru líka búin að leggja drög að því
að ættleiða lítinn dreng, en nú gengur
það til baka, vegna þess að hún fær
ekki að ættleiða hann, þar sem hún er
ógift, það eru lög á ítalíu. Nú er sagt
að hún muni fara frá Ítalíu fyrir fullt
og allt.