Vikan - 19.05.1977, Side 7

Allir, sem bragðið hafa glóðarsteikta rétti, vita hve Ijúffengur maturinn er þannig
tilreiddur. í þessari Viku höfðum við til lagtæka fólksins, sem getur með hliðsjón af
teikningum og vinnulýsingum komið sér upp skemmtilegri aðstöðu til að matreiða
glóðarsteiktan mat. Nú er einmitt rétti tíminn til slíks.
Þið getið valið um tvær gerðir, grill-borð og grill-bekk. Borðið eða bekkinn
getið þið notað á svölum, úti í garði, inni í borðstofu, ef þar eru stórir gluggar til að
viðra út, eða í eldhúsinu, ef loftræsting er nægjanleg.
En nú skulum við líta á teikningarnar og athuga, hvort okkur hentar betur borð
eða bekkur. Þið athugið líka, hvernig pláss er hjá ykkur og mælið út þann stað,
sem þið viljið velja smíðisgripnum. Ef vel tekst, er ekki að efa, að þið eigið eftir að
eiga margar ánægjustundir við borðið.
20. TBL.VIKAN 7