Vikan - 19.04.1979, Blaðsíða 34

Snúðakaup, kalkún-
veisla og sitthvað fleira
Sæll vertu, draumráðandi.
Ég hef hérna nokkra drauma handa
þér að ráða, og ég vona, að þú
miskunnir þig yfir þá, fyrst ég vélrita
þetta.
Mér fannst sem ég kæmi inn í búð,
þar sem allar hillur voru fullar af
nýjum heilhveitibrauðum. Ég tók 2
snúða og sagðist œtla að kaupa þá.
Þegar ég var búin að borga þá og
afgreiðslukonan (stærðfræðikennarinn
minn) var búin að gefa mér til baka,
sagði ég, að hún hefði snuðað mig. Þá
fór hún að tala um, að hún hefði
einmitt ætlað að athuga, hvernig ég
brygðist við þessu.
Mig dreymdi að hvíthærð föl gömul
kona stóð fyrir neðan tröppurnar á
húsi ömmu minnar, Mér fannst sem
þessi kona vœri amma mín (en ekki í
veruleikanum) og væri dáin. Hún hafði
arfleitt mig að 2 koffortum. Ég tók
upp úr öðru koffortinu barnanærföt,
öll úr ull ogflest bleik. A.m.k. var sá
litur mest yfirgnæfandi. Fötin voru
óhrein.
Mig dreymdi mann, sem er hálf
fertugur. Hann er pabbi hálfsystkina
minna. Hann höfum við ekki séð í 10
ár. Hann stóð rétt hjá skipi (hvítu) sem
lá við bryggju. Það var sól og bjart
yfir öllu. Maðurinn var með breiðan
giftingarhring úr gulli.
Mömmu fannst sem hún væri að
horfa á litsjónvarp. Að sögn sá hún í
því svo yndislega falleg, græn tré,
langar raðir. Hana langar til að heyra
þitt álit á þýðingu draumsins.
Svo dreymdi mig, að ég var að éta
heljarstóran fugl, sem yfirgnæfði
diskinn heldur betur. Mér fannst þetta
ætti að vera kalkún, en hann hef ég
aldrei smakkað. Með fuglinum át ég
sósu, kartöflustöppu og rauðkál. Ég
var hin hressasta, meðan ég torgaði
þessu! (Sko, fuglinn var í matreiddu
formi).
Ég er ekki alveg af baki dottin,
einn langur í restina, en égskal
auðvitað ekkifarafram á að þú birtir
annað en svarið. Ég sendi bara þá
drauma, sem mér fmnast svolítið
táknrœnir. Jæja, áfram gakk:
Mér fannst ég vera komin heim til
stráks nokkurs og a.m.k. mamma var
með mér. Mér fannst ég ætla að hitta
tengdafólk mitt í fyrsta skipti (eins og
ég og þessi strákur værum saman, en í
rauninni erum við aðeins í sama skóla
Mig
dreymdi
og þekkjumst ekkert persónulega). Ég
var klædd kjól úr efni, sem notað er í
fóður (brúnt). t draumnum var ég
þybbnari en í veruleikanum (satt að
segja er ég hreint ekki þybbin!) Mér
fannst ekkert benda til þess að gestir
vœru að koma (einhvern veginn fannst
mér að allt ætti að vera mjög hátíðlegt
þegar tengdadóttirin (ég) kæmi í fyrsta
sinn). Systir stráksins var að taka til í
húsinu. Hún bað mig að skríða undir
rúm og athuga, hvort ég sæi eitthvað.
Ég kom undan rúminu með náttföt í
mildum lit (ég held Ijósblá, en er þó
ekki viss). Á teppalögðu gólfinu var
ryk og bréfarusl. Eftir þetta rauk ég í
píanó í stofunni (en þar voru engin
tiltektartilþrif og ætlaði að fara að
spila en ekkert kom. Ég hafði orð á
því, að ég gæti ekki séð píanó heima
hjá fólki, án þess að fikta í því
(reyndar má það til sanns vegar fœra,
en ég kann ekki hót að spila).
„Tengdamamma”settist við stœrra
píanó. Nú var farið að huga að því að
fá sér að borða. Fólk tók sér stöðu i
röð bak við konuna við píanóið.
Dökkbláar, mjúkar servíettur voru
notaðar í „veislunni”.
Draumnum lauk svo þannig, að ég
sá stráksa bregða fyrir, og var hann
heldur illilegur á svip. Þótt
„ógestalegt” væriífyrstu, endaðiþessi
draumur sem sé með því, að fleiri voru
mættir (fólk, sem ég þekki ekki, skiptir
kannski engu máli sjálftfólkið). Best að
taka fram að „ tengdamamman ” var
öðruvísi í draumnum en hún á að sér.
Þá bið ég bara að heilsa þér og óska
þér góðs gengis við að stauta þig fram
úr þessu, sérstaklega síðasta
draumnum!
Sæll að sinni. Þín Síó.
Fyrsti draumurinn er þér fyrir fremur
góðu, en þó bending til þín að gæta hófs
á fjármálasviðinu og líta betur á þá
námsgrein, sem þessi kennari hefur
umsjón með í raunveruleikanum, því þá
munir þú verða fyrir miklu og óvæntu
happi. Næsti draumur er fremur
slæmur, en þú segir svo lauslega frá
honum að ekki er unnt að ráða neitt
ákveðið í hann. Sá þriðji er líklega fyrir-
boði nýrra frétta af manni þessum,
sennilega hefur hann orðið einhverrar
upphefðar aðnjótandi og fréttirnar
koma ykkur mikið á óvart. Draumur
móður þinnar er henni mjög góður,
bætt fjárhagsafkoma og hagsæld
afkomenda hennar. Máltíðar-
draumurinn er þér áminning um að
treysta sem best á eigin getu í erfiðleik-
um. Brúðkaupið er þér ekki aldeilis
fyrir því sama í veruleikanum, hafir þú
verið að vonast eftir því. Það boðar þér
nokkuð breyttan hag, bæði erfiðleika og
gleði. Gleðin er þó á margan máta mjög
ríkjandi tákn í draumnum og ekki er
ósennilegt að þú fáir gjöf, sem þú áttir
alls ekki von á um þessar mundir.
Gættu þín þó á öfundarmönnum og
hafðu hugfast að láta aðra ekki notfæra
sér góðsemi þína um of.
Sléttur og steinlaus
hringur
Kæri draumráðandi!
Mig dreymdi, að égfyndi hring,
sléttan og steinlausan. Ég setti hann á
mig og hann passaði á löngutöng. Var
hann aðeins of rúmur, en ég var
ánægð með hann og fannst hann fara
vel. Innan í hringinn var graflð nafnið
Eygló.
Mig langar líka til að biðja þig að
segja mér, hvað eftirfarandi nöfn
tákna í draumi. Mig dreymdi í sama
draumi nöfnin Borghildur, Sigurbjörg
og Halldóra og í öðrum draumi nöfnin
Guðrún og Ráðhildur.
Á.S.
Merkingu mannanafna er erfitt að gefa
reglur um, enda er sama nafnið ekki
öllum fyrir því sama, auk margs annars.
Draumurinn um hringinn er þér líklega
fyrir tryggri vináttu, sem er þér á
margan máta til ávinnings. Hafi hann
verið úr gulli, gæti hitt kynið spilað þar
inn í, en silfur væri jafnvel bending um
trygga og góða vinkonu.
34 Vikan 16. tbl.